तीतस 3:3 - थुलुङ राई

³ कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

तीतस 3:3 Iomraidhean Croise

मत्ती 21:29

मेरामका उ पापलाई र्‍वाक्‍ता, ‘गो ने मेलङु, लावो चङडा उमा न ख्‍लोस्‍तामा लस्‍ता।’

लूका 21:8

गुमीका मेर्मिमलाई र्‍वाम्‍डी, “चङचङया बानी वो, सु़का वो गानीलाई मेब्‍लो़म्‍निमिनु़। हेङालोने हापा मु़चु़मिम आमा नङडा, ‘गो ङा ख्रीष्‍ट’ र्‍वाक्‍तो रोमी। हुक्‍पाथारी रोक्‍फाड्‌डाम बु र्‍वामी लावो गानी मेर्मिमडला थो़र मेलु़नी वो।

यूहन्‍ना 8:34

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, छु़ल बेपा खोत्‍ले मु़चु़ ने छु़लका र्‍वामिम होङ्‍ङा बेपा डु़ल्‍चो़ होप्‍माम सो़।

रोमी 11:30

हेङालोने कोबिलि गानी वो माम्‍चु़नीका र्‍वामिमिम मेथो़पा बान्‍नी, लावो इस्राएलीमिम माम्‍चु़नीका र्‍वामिमिम मेथो़पा दु़म्‍मिडिमका गानी उनीमा दिदाम ल्‍वान्‍निम बु।

रोमी 6:12

मेम्‍मिमका त्‍वाकु मिरो़म होम्‍साका दोमु मेबासिनु़ र्‍वाक्‍साका इनीमा सिपामा लक्‍पा मिरो़मका आथावो छु़ल बोमु मेग्‍वाक्‍नी।

रोमी 6:17

गानी ङादो छु़लकु डु़ल्‍चो़ बान्‍नी। लावो ओम्‍लो ने गानी सीसिट्‌निमिम सीसि होङङा इनी त्‍वाकु न-गोलामका बेन्‍निमका माम्‍चु़नीलाई आलासो़।

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

रोमी 6:6

गुइ ओराम ल्‍वा चडिम बु, ङादोम छु़लका देम्‍पा इकीमा त्‍वारो़म पुयु़लुनु़ र्‍वाक्‍साका मेराम त्‍वारो़म येशू ख्रीष्‍टनुङङा क्रूसडा चेसिड्‍डाम बु। मेम्‍मिमका आथाडा आनो गुइ ने छु़लका बथाक्‍पा मेदु़म्‍सी।

२ कोरिन्‍थी 12:20

हेङालोने गो मेसिन्‍डा गानीलाई क्रो़म्‍डा रोङुलो गो मिम्‍तोम होप्‍माम मेदु़म्‍मु चाम्‍नी मा गानी वो गोलाई मिम्‍ङिनिमिम होप्‍माम मेदु़म्‍मु वो चापु र्‍वाक्‍पा आमा ङिम लु़डाम बु। मेसिन्‍डा गानीगोडा रिबुसी, नाचु़र, छोक्‍चो, त्‍वाप कोङङा जो़पा दु़म्‍मु माल्‍पा, डक्‍साका जेपा, वाङमिमकु ल्‍वा बेपा, डोक्‍पु लिसिट्‌पा, मा मु़चु़मिमगोडा ल्‍वा मेघ्रो़म्‍पा दु़म्‍मी डे र्‍वाक्‍पा ङिम लु़डाम बु।

गलाती 6:3

कोङनिम मु़चु़का उ त्‍वाप डोक्‍पु मेएँ लोवो उ त्‍वापलाई डोक्‍पु मिम्‍डु़ माला गुका उ त्‍वाका त्‍वापलाई ङा लु-फेले बु़मिम दु़म।

कलस्‍सी 1:21

कोबिलि गानी माम्‍चु़नीडाम वाङ बान्‍नी। इनीमा मेजो़पा बेसी-दोसी बाइडामका इनीमा नडा गानी उनीमा स्‍वाक्‍चिमो मु़चु़ बान्‍नी।

कलस्‍सी 3:7

ख्रीष्‍टडा थो़र बोमु ङादो कोबिलि गानी वो आरेङा बेन्‍थाल्‍नी।

२ तिमोथी 3:13

लावो मेजो़पा मु़चु़मिम नुङ लुचो़ बेपामिम लु-फेले बेसाका नुङ लु-फेले बेला सो़सिक्‍साका छो़म मेजो़पा दु़म्‍तो लमी।

२ तिमोथी 3:6

हेङालोने मेर्मिमगोडाम याङ-याङ ने नेम-नेमगोडा हुसाका छु़ल कुर्थाक्‍पा नुङ छो़म मेजो़पा नका बथाक्‍पा मेथेट्‌पा मेसेममिमलाई उनी ल्‍वाडा जु़ल्‍मी।

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

तीतस 2:12

मेराम दिदामका गुइलाई माम्‍चु़नीकु नङ मेकोसिक्‍पा ल्‍वामिम नुङ सु़म्‍दिसेरडाम मेजो़पा नमिम डिन्‍मु, मा त्‍वापलाई जो़होमका जु़ल्‍मु चापा, जो़पा दु़म्‍पा, मा माम्‍चु़नीकु लाम्‍दीडा लाम्‍दिसाका बुमु सीसा-चेसा।

याकूब 1:26

कोङ मु़चु़का उ त्‍वाप माम्‍चु़नीकु सो़रलोले जो़होमका बेपा मिम्‍सी, लावो उमा लेम जो़होमका मेजु़लु़ माला उमा त्‍वाकु नड्‌डा मेजो़पा मिम्‍सी मा ख्‍लो़डु़। मेरामका माम्‍चु़नीकु सो़रलोले जो़होमका बु़मिम ने हाम ना हामकाम दु़म।

१ पत्रुस 1:14

माम्‍चु़नीका र्‍वामिमिम थो़पा चो़च्‍चो़मिम होङङा गानी बोमु-दोमु बासी। ङादो बिलि आच्‍छाङाकाम ल्‍वा मेचक्‍साका इनी नकु कोकोक्‍सीका मेजो़पा बेन्‍निम होङङा मेबेनी।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

रेम्‍बेट्‌मिडिम ल्‍वा 13:14

मे कोनोम हादीबाराकु खोमडा मेराम हादीबाराका छेखोपमिम रेम्‍बेपा यु़म डार्स्‍तु़म बाइडा। मेराम खारीलामका सुबुडा बाट्‌पा मु़चु़मिमलाई ताङताहेरथो़ लडु़मी। कातु़रु़का फल्‍साका रावा सिडामा वो नु़पा दु़स्‍ताम मे कोनोम हादीबारालाई डोक्‍पु मिम्‍मु लागि मेरामका ङाटा बनेबेबेड्‌डु़मी।

रेम्‍बेट्‌मिडिम ल्‍वा 18:2

गुका साखामनुङमा लो़लामका आरे र्‍वाक्‍तामा येस्‍ता: “झार्स्‍ता, झार्स्‍ता, डोक्‍पु शहर बेबिलोन! मुनाङमिमकु नेम मेराम दु़स्‍ताम बु, मेसेपा खोत्ले पेलमिम, मेसेपा खोत्ले मुनाङमिमकु बाखोप, घ्रामलु़पा खोत्ले चक्‍पुकु बाखोप दु़स्‍ताम बु।