तीतस 3:1 - थुलुङ राई

¹ आरे बोमु थो़रलु़पामिमलाई मिम्‍बेडामी: साखामचो़ नुङ सरकारी डोक्‍पु मु़चु़मिमकु ल्‍वाडा बुमु, मेर्मिमका र्‍वामिमिम थो़मु, मा हाम लोवो जो़पा खारी बोमु लागि झो़म्‍जो़ल्‍सिमु।

तीतस 3:1 Iomraidhean Croise

मत्ती 22:21

मेर्मिमका र्‍वाम्‍डी, “कैसरकाम” गुमीका मेर्मिमलाई र्‍वाम्‍डी, “कैसरकाम कैसरलाई ङा ग्‍वाक्‍नी, मा माम्‍चु़नीकाम माम्‍चु़नीलाई ङा ग्‍वाक्‍नी।”

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

१ तिमोथी 2:2

मा हपमिम नुङ साखामचो़मिम खोत्‍लेकाम लागि सो़म्‍दी बेनी। मेम्‍मा गुइ माम्‍चु़नीकु सो़रलोले बोमु नुङ उनीमा नङ कोक्‍साका न भ्रसिक्‍तो जो़होमका बुमु ल्‍वासी।

१ तिमोथी 4:6

थो़र लु़पामिमलाई ओर्मिम ल्‍वा सीनामी माला गाना ख्रीष्‍ट येशूकु कोले जो़पा डु़ल्‍चो़ दु़म्‍ना। मेम्‍मा गाना लाम्‍दित्तोङा बोनामिम इकीमा थो़रकु दुथाममिम सीसिडा नुङ जो़पा सीसिडा गाना बर्नाम रेम्‍बोना।

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।

२ तिमोथी 1:6

मेम्‍मिमका गो गानालाई मिम्‍बेनी, गो गानाडला ल्‍वा जु़ल्‍साका सो़म्‍दी बेउतोलो माम्‍चु़नीका गानालाई राप्‍लावा ग्‍वाक्‍नामिम बाइडा। मु हुर्साका हापा वाक्‍तो लक्‍पा बोमु होङ्‍ङा मेराम राप्‍लावा बर्बेत्तो लडा।

२ तिमोथी 2:14

थो़रलु़पामिमलाई ओराम ल्‍वा मिम्‍बेडाम बाया: मेर्मिमका हाम ना हामकु ल्‍वाडा खालमेबोमिनु़ र्‍वाक्‍साका माम्‍चु़नीकु ङादोडा चङचङया बाबेडामी। आरेप्‍माम ल्‍वा बेसीका सु़लाई वो जो़पा मेबु़, मा थो़पामिमलाई पुयु़लुकु़मी।

२ तिमोथी 2:21

मे याक्‍के खारीडा मोमु जु़ल्‍मा कोङनिमका उ त्‍वापलाई सेपा बु़डु़ माला मेराम डोक्‍पु खारीडा मोमु घ्रेट्‌पा सोजाम दु़म, मा नेमहपका मोमु घ्रेट्‌पा नुङ कोङनिम डोक्‍पु खारी बोमु घ्रेट्‌पा दु़म।

तीतस 1:16

मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

तीतस 3:14

गुइ थो़रलु़पामिम खोत्‍लेका जो़पा खारी बोमु माल्‍पा दु़म्‍मु बासी। मेम्‍साका खेरेला दु़म्‍पा मु़चु़मिमलाई ख्‍लो़मुमि बासी। मेम्‍मा गुइ हाम ना हामकाम मेदु़म्‍सी।

तीतस 3:8

ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

२ पत्रुस 1:12

मेम्‍मिमका ओर्मिम गानी चक्‍निम बु मा गानीनुङ बाट्‌पा आच्‍छाङाकाम ल्‍वाडा गानी छो़म थो़रलु़निम बुनी लोवो ओर्मिम ल्‍वा गो गानीलाई हेल्‍लो लोवो मिम्‍बेनिनी।

यहूदा 1:5

गानी ओर्मिम खोत्‍ले ल्‍वा चक्‍निमङा बु लोवो गो गानीलाई मिम्‍बेनिनी। येशूका उनी मु़चु़मिमलाई मिश्र नेब्‍दीलामका फ्‍वाक्‍मिडिमा फिट्‌मिडी, लावो थो़रमेलु़पामिमलाई पुयु़लुबेट्‌मिडी।