तीतस 2:8 - थुलुङ राई

⁸ मा सु़का वो भुर्मु मेचापा आच्‍छाङाकु सीसि सीडामी। मेम बोनामिमका इकीमा कोर्थो़लाम बक्‍पामिमका इकीमा दुथाम मेजो़पा जेमु ल्‍वा हाम वो मेदु़म्‍मिमका उनी क्रो़म लु़।

तीतस 2:8 Iomraidhean Croise

मर्कूस 12:17

मेकोतिमा येशूका मेर्मिमनुङ र्‍वाम्‍डी, “कैसरकाम खोत्‍ले कैसरलाई ङा ग्‍वाक्‍नी, मा माम्‍चु़नीकाम खोत्‍ले माम्‍चु़नीलाई ङा ग्‍वाक्‍नी।” ओराम ल्‍वा थो़म्डिमा मेर्मिम ङाङाया दु़म्‍मिडी।

मर्कूस 12:28

यहूदीमिमकु डु़म्‍ला सीपा पातु़म्‍रीमिमगोडाम कोले मेसिन्‍डा बाइडा, मा मेर्मिमका येशूनुङ हिलाहिसी बेबेम्‍डिम थो़स्‍तु़। येशूका मेर्मिमलाई जो़होमका र्‍वाम्‍डिम ल्‍वास्‍तु़मका मेरामका येशूनुङ हिलाबु़डु़, “खोत्‍ले डु़म्‍लामिमडाम डोक्‍पु डु़म्‍ला उहेम डे?”

मर्कूस 12:32

मेरामका गुमीनुङ र्‍वाक्‍ता, “ङाचो़ गानी र्‍वाक्‍निम ने आच्‍छाङा। माम्‍चु़नी ने कोले ङा बुमी, गुमीडाम वाङमी उहेम वो मिबु।

मर्कूस 12:34

मेरामका छो़म मिम्‍साका र्‍वाक्‍ताम ल्‍वाम्‍डिमका येशूका मेरामलाई र्‍वाम्‍डी, “गाना माम्‍चु़नीकु किब्‍दी फार्डा ङा बुना।” मेनेम आथाम गुमीनुङ हिलाहिसी बोमु खोत्‍ले ङा ङिम्‍डी।

लूका 13:17

गुमीका आरे र्‍वाम्‍डिम थो़म्‍डिमा उनी कोर्थो़लाम बक्‍पा मु़चु़मिमकाम क्रो़म लु़डा। लावो गुमीका हेल्‍लो वो मेल्‍वाम्‍मा खारीमिम बेम्‍डिम ल्‍वाम्‍डिमा मु़चु़मिम ने गेर्सिद्‌वाम्‍डी।

२ थेसलोनिकी 3:14

ओराम सेलाखाजेमडा र्‍याक्‍तोकोम सिजेम कोङनिमका मेथो़सु़ माला मेराम मु़चु़लाई जो़होमका छेन्‍जो़ल्‍नी, मा मेरामलाई उ क्रो़म लु़नु़ र्‍वाक्‍साका मेरामडाम वाङ बानी।

१ तिमोथी 5:14

मेम्‍मिमका स्‍वालामे अर्दोमेमिमलाई आथावो लालीकुन्‍दा बोमु ग्‍वाक्‍साका, चो़मिम कमु, उनी नेम जो़होमका रेम्‍मु सीडामी। मेम्‍साका इकीमा कोर्थो़लाम बक्‍पामिमका इकीमा दुथाम मेजो़पा जेमुलाम मेल्‍वामिनु़ र्‍वाक्‍पा आमा न बु।

१ तिमोथी 6:3

कोङनिमका लिमा ल्‍वा सीमिमा इकीमा ङाचो़ येशू ख्रीष्‍टकु आच्‍छाङाकाम सिजेम नुङ माम्‍चु़नीकु सो़रलोले दु़म्‍पा सीसि होम्‍साका बोमु मेबिसी माला,

तीतस 3:14

गुइ थो़रलु़पामिम खोत्‍लेका जो़पा खारी बोमु माल्‍पा दु़म्‍मु बासी। मेम्‍साका खेरेला दु़म्‍पा मु़चु़मिमलाई ख्‍लो़मुमि बासी। मेम्‍मा गुइ हाम ना हामकाम मेदु़म्‍सी।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

१ पत्रुस 2:15

हेङालोने गानी जो़पा खारी बेसाकाङा नेप्‍ची मान्‍थिम मु़चु़का थेसिमेथेट्‌मिवाम जेसी लिवा बाबेन्‍मु बासी र्‍वाक्‍पा माम्‍चु़नीकु न बु।

१ पत्रुस 3:16

गानी इनी ननुङमा दु़म्‍नी, मा मेम्‍साका ख्रीष्‍टडा बाट्‌पा जो़पा इनी बासी-दोसीका इनीमा कोर्थो़लाम मेजो़पा जेपामिमकु उनी मेजो़पा जेसीडा उनी क्रो़म लु़नु़।