तीतस 2:3 - थुलुङ राई

³ मेम्‍साकाङा ङामी मेसेममिमका वो उनी थो़रलु़सीलाई घ्रेट्‌पा सेपा बासी-दोसी बोमु सीडामी। वाङमिमलाई डक्‍साका जेपा, मा छो़म डु़ डुपा मेदु़म्‍मिनु़। मेम मेबेसाका मेर्मिमका वाङमिमलाई जो़पा ल्‍वा सीमिनु़।

तीतस 2:3 Iomraidhean Croise

रोमी 1:29

मेम्‍मिमकाङा मेर्मिम खोत्‍ले मेजो़पा खारी नुङ मेजो़पा नका देम्‍मिडिम बु। मेर्मिमका रारी बोमी, घ्राम्‍मी, नाचु़र बोमी, वाङमिलाई सेन्‍मी, क्‍वाल्‍बा बोमी, लु-फेले बोमी, लिमा थेन्‍मी, कोलेका कोङमीलाई ल्‍वा सिल्‍मी,

रोमी 16:2

माम्‍चु़नीकु सेपा मु़चु़ होम्‍साकाङा गुलाई ङाचो़डा जो़होमका हुनाखाना बेनी र्‍वाक्‍साका गो र्‍वाङु। गुलाई खेरेला दु़म्‍पा ल्‍वाडा ख्‍लो़नी, हेङालोने गुका हापा मु़चु़मिमलाई ख्‍लो़यु़डु़मी मा गोलाई वो ख्‍लो़ङ्‌डिम बु।

एफिसी 5:3

माम्‍चु़नीकु सेपा मु़चु़ दु़म्‍निमका गानी नाम्‍सु़रु़, रारी बेपा मा खोत्‍लेखालकाम मेसेपा ल्‍वाकु नङ वो मेरनी।

१ तिमोथी 3:11

मेम्‍साकाङा मेसेममिम वो खोत्‍लेका जो़पा मिम्‍मु घ्रेट्‌पा, ओन्‍चो़मा मेबेट्‌पा, खोत्‍लेडा इम्‍सिक्‍पा, मा वाङमिमका गुडला थो़र लु़मिमिम दु़म्‍मु बासी।

१ तिमोथी 3:8

मेम्‍साकाङा डिकनमिम वो खोत्‍लेका जो़पा मिम्‍मु घ्रेट्‌पा दु़म्‍मु बासी। नले ल्‍वा मेबेपा, डु़का मेसेट्‌पा, मा खाप्‍चीकु रारी मेबेपा दु़म्‍मु बासी।

१ तिमोथी 5:23

ङादोम होम्‍साका कु कोङङा मेडुङा, इमा ख्‍वाचेप नुङ नो़नाम बुनामिमका कि-कि अङ्‍गूरकु बिलाम वो डुङा।

तीतस 1:7

हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

तीतस 2:4

मे ङामी मेसेममिमका स्‍वालामे मेसेममिमलाई उनी वोचु़ नुङ चो़च्‍चो़मिमलाई रिखाम बोमु,

हिब्रू 5:12

ओम्‍लोसम्‍म ने गानी वाङमिमिमलाई सीमु चापा दु़म्‍मु बासिक्‍पा बाइडा। लावो आथावो गानीलाई कोङनिमका माम्‍चु़नीकु सिजेमकाम याक्‍के ल्‍वा सीमु बासिक्‍पा बु। गानी ने डोमु मेझापा पोमुथोक डोमु चापा दु़म्‍मु बासिक्‍पा बाइडा, लावो दु़दु़ डुपा चो़च्‍चो़ होप्‍मामङा बुनी।

रेम्‍बेट्‌मिडिम ल्‍वा 2:20

मेमङा लोवो, इमा दुथाम गो मेद्‌वाक्‍पुमिम ओराम ल्‍वा बु: इजेबेल मेसेम, उहेमका गु उ त्‍वापलाई माम्‍चु़नीलाम-जेपानिम र्‍वा, गुलाई गानी उमा लिमा सीसि सीमु ग्‍वानी। गुका आमा डु़ल्‍चो़मिमलाई नाम्‍सु़रु़ बेबेसाका नुङ ङाटाडला सासेट्‌मा पोमु-डुमु पेबेसाका ताङताहेरथो़ ल।