तीतस 2:2 - थुलुङ राई

² ङावा मु़चु़मिमलाई मिम्‍साका खारी बेपा, डोक्‍पु मिम्‍मुका घ्रेट्‌पा, त्‍वापलाई जो़होमका जु़ल्‍पा दु़म्‍मु सीडामी। माम्‍चु़नीडा मेर्मिमका छो़म डोक्‍पु थो़र बोमिनु़, मा रिखामनुङमा नुङ इम्‍मु चापा दु़म्‍मिनु़।

तीतस 2:2 Iomraidhean Croise

मर्कूस 5:15

मेर्मिम येशूकाडा रोम्‍फाम्‍डिलो मे मुनाङपेलनुङमा मु़चु़, उहेमनुङ ङादो छो़म सेर्पा मुनाङमिम बाम्‍थाल्‍मिडिम बाइडा, मेराम मु़चु़ ये फतासिड्‌डामा उ ननुङमा ङा गन्‍तासिट्‌पा ल्‍वाम्‍डी। मेम्‍मिमका मेर्मिम छो़म ङिम्‍डी।

लूका 8:35

मेम्‍मा मेसिन्‍डा हाम दु़स्‍ताम बाइडा मेराम रेप्‍डा मु़चु़मिम येशूकाडा रोम्‍डी। मेकोतिलो मेसिन्‍डा मुनाङपेलका हुप्‍डु़म मु़चु़ जो़होमका सस्‍ताम बाइडा। गु उ ननुङमा दु़म्‍साका मेरामका ये फस्‍तामा येशूकु खेल फार्डा गन्‍तासिट्‍डाम ल्‍वाम्‍डी, मा मेर्मिम ङिम्‍डी।

थु़र्मा 24:25

लावो पावलका, “माम्‍चु़नीकु ङादोडा हाम जो़पा बु, मे ङा बोमु बासी, त्‍वापलाई जो़होमका जु़ल्‍मु बासी, माम्‍चु़नीका खोत्‍लेकाम निया बेपा थारी रोक्‍तोङा लेडु़” र्‍वाक्‍तालो फेलिक्‍स ङिस्‍तामा र्‍वाक्‍ता, “आनेप आकोतिङा, गाना लना लोवो नु़, दिफु वो गो येनी!”

रोमी 12:3

माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

१ कोरिन्थी 9:25

ओन्‍सीडा ओन्‍पा मु़चु़ खोत्‍ले दोसीडा चङचङया दु़म्‍साका जो़होमका दोपा दु़म्मी। पुयु़लुक्‍पा मुकुटकाम लागि मेर्मिमका मेम बोमी, लावो गुइ ने हेल्‍लो लोवो पुयु़ मेलुक्‍पा मुकुटकाम लागि आरे बिइ।

२ कोरिन्‍थी 5:13

गुकु आकीमा न मान्‍थिम बुकु माला माम्‍चु़नीकाम लागि न मान्‍थिम बुकु, मा गुकु आकीमा ननुङमा बुकु माला इनीमा लागि ननुङमा बुकु।

गलाती 5:23

याक्‍के दु़म्‍मु चापा, त्‍वाका त्‍वापलाई जो़होमका जु़ल्‍मु चापा। आरेप्‍माम ल्‍वामिमकु कोर्थो़लाम उहेम वो डु़म्‍ला मिबु।

फिलिप्‍पी 4:8

हुम-दडा, वा-ल्‍वाकनी, जो़पा नुङ कोमुका घ्रेट्‌पा ल्‍वामिम इनीमा नडा मिम्‍नी। मेर्मिम ल्‍वा: आच्‍छाङाकाम, डोक्‍पु मिम्‍मुका घ्रेट्‌पा, माम्चु़नीकु मिक्‍सीलामडा जो़पा, सेपा, द्‌वादीबुङ, सो़मुका घ्रेट्‌पा।

१ थेसलोनिकी 5:6

मेम्‍मिमका वाङमिम मु़चु़ होङङा मेअम्‍सी, चङचङया बुइ, मा त्‍वापलाई जो़होमका जु़ल्‍पा दु़प्‍सी।

१ थेसलोनिकी 5:8

लावो गुइ ने नेम्‍फुम मु़चु़ सो़, मेम्‍मिमका त्‍वापलाई जो़होमका जु़ली, येशूडा थो़रलु़मुम बुमु मा वाङमिमलाई रिखाम बोमुम बुमु लागि बोपा-थार्पा धक्‍चीख्रेम फम्‍सिमु बासी। मेम्‍मा येशूका सेल्‍सामी र्‍वाक्‍पा नाका बोपा-थार्पा खुचु़खुम खुम्‍सिमु बासी।

१ तिमोथी 1:10

नाम्‍सु़रु़ बेपामिम, वोस्‍चो़का वोस्‍चो़नुङ अम्‍पामिम, मु़चु़ भ्रेट्‌पामिम, लिमाचो़मिम, कसम पेपामा मेराम होम्‍साका मेबेपामिम, माम्‍चु़नीकु दुथाममिम आच्‍छाङाकाम सीसिकु कोर्थो़लाम बक्‍पामिमकाम लागि, मा आच्‍छाङाकाम सिजेमकु कोर्थो़लाम बक्‍पा वाङमिमकाम लागि।

१ तिमोथी 1:14

इकीमा ङाचो़ ने हाङकोम न-थो़मनुङमा नुङ दिदामचो़! गुमीका ख्रीष्‍ट येशूलामका रोक्‍पा थो़र नुङ रिखाम छो़म ग्‍वाङ्‌डिमी।

१ तिमोथी 1:5

गो बेबेट्‌निम ल्‍वाका र्‍वामु मालु़मिम ने रिखाम बेबोमु सो़। मेराम रिखाम ने जो़पा गो, जो़पा ल्‍वा माल्‍पा न नुङ आच्‍छाङा थो़र लु़साका रो।

१ तिमोथी 3:11

मेम्‍साकाङा मेसेममिम वो खोत्‍लेका जो़पा मिम्‍मु घ्रेट्‌पा, ओन्‍चो़मा मेबेट्‌पा, खोत्‍लेडा इम्‍सिक्‍पा, मा वाङमिमका गुडला थो़र लु़मिमिम दु़म्‍मु बासी।

१ तिमोथी 3:2

मेम्‍मिमका बिशप दु़म्‍मु माल्‍पा ने सु़का वो मुमा बेन्‍मु मेचापा, कोलेङा नाइमे बाट्‌पा, इम्‍सिक्‍पा, मा त्‍वापलाई जो़होमका जु़ल्‍पा, खोत्‍लेका जो़पा मिम्‍मिमिम, बोच्‍चो़कु चापे-डुपे बेपा मा जो़होमका सीमु चापा दु़म्‍मिनु़।

१ तिमोथी 3:4

त्‍वाकु नेमडाममिमलाई जो़होमका डु़ल्‍मु चापा, त्‍वाकु चो़च्‍चो़मिमलाई र्‍वाकिमिम थो़पा दु़म्‍बेन्‍मिनु़।

१ तिमोथी 3:8

मेम्‍साकाङा डिकनमिम वो खोत्‍लेका जो़पा मिम्‍मु घ्रेट्‌पा दु़म्‍मु बासी। नले ल्‍वा मेबेपा, डु़का मेसेट्‌पा, मा खाप्‍चीकु रारी मेबेपा दु़म्‍मु बासी।

१ तिमोथी 5:1

ङावा मु़चु़लाई मेभुरा, लावो गुलाई पाप होङ्‍ङा मिम्‍डामा उमा सो हन्‍बेसाडा। त्‍वापडाम याक्‍के मु़चु़मिमलाई त्‍वाकु वोस्‍चो़ ल्‍वाक होङ्‍ङा बेमी।

तीतस 1:13

मेर्मिमकु माम्‍चु़नीलाम-जेपा मु़चु़का सो़यु़डु़म ल्‍वा आच्‍छाङा सो़। मेम्‍मिमका मेर्मिमलाई छो़म ख्‍र्‍वाकामी, मा मेर्मिम छो़म डोक्‍पु थो़रनुङमा दु़म्‍मिनु़।

तीतस 1:8

लावो बोच्‍चो़कु चापे-डुपे बेपा, जो़पा खारी बोमु द्‌वाक्‍पा, मिम्‍साका खारी बेपा, सु़डला वो चोमिक्‍सी मेबेसाका निया बेपा, न-गो सेपा मा त्‍वाका त्‍वापलाई जो़होमका जु़ल्‍मु चापा दु़म्‍मु बासी।

तीतस 2:7

खोत्‍ले जो़पा खारी बेत्तो मेर्मिमकु ङादोडा रेम्‍बेपा मु़चु़ गाना दु़म्‍सा। गाना मेर्मिमलाई सीनामिलो इमा न-गो जो़पा नुङ डोक्‍पु र्‍वाला सो़सिक्‍पा,

फिलेमोन 1:9

गुची रिखाम बेबोचिमिमका गो याक्‍के दु़म्‍साका गानालाई छो़म र्‍वाङु, गो ङावा पावल ख्रीष्‍ट येशूकाम लागि ओम्‍लो चतासिक्‍पा,

१ पत्रुस 1:13

मेम्‍मिमका इनीमा न-गोडा झो़म्‍सिट्‌नी, त्‍वाका त्‍वापलाई जो़होमका जु़ल्‍नी, येशू ख्रीष्‍ट रेम्‍बेम्‍सिप्‍मिलो गानी ल्‍वामु खाम्‍निमिम दिदाम छो़म ल्‍वापा न बेनी।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

१ पत्रुस 5:8

इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।

२ पत्रुस 1:6

इनी न छेबेसीडला त्‍वापलाई जो़होमका जु़ल्‍सी, मा त्‍वापलाई जो़होमका जु़ल्‍सीडला इम्‍सिसी, इनी इम्‍सिसीडला माम्‍चु़नीकु लाम्‍दीडा लाम्‍दीसी,