तीतस 1:9 - थुलुङ राई

⁹ गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।

तीतस 1:9 Iomraidhean Croise

थु़र्मा 18:28

हेङालोने गुका माम्‍चु़नीकु सिजेमलामका जेस्‍तामा येशू ङा ख्रीष्‍ट र्‍वाक्‍पा ल्‍वा रेम्‍बु़डु़, मा यहूदीमिमलाई खोत्‍लेकु ङादोडा ल्‍वालाम खाल्‍तो हाम र्‍वामु-र्‍वामु दु़म्‍बेड्‌डु़मी।

१ कोरिन्थी 14:24

लावो खोत्‍लेका माम्‍चु़नीलाम जेमिमिम बुमिलो कोङनिम थो़र मेलु़पा मु़चु़ लोवो होप्‍माम ल्‍वा थेसिमेथेट्‍पा हाम वो थेसिमेथेट्‌पा मु़चु़ लोवो मेगोडा रोक्‍ता माला खोत्‍लेलामका उ छु़लकु दुथाम चबेला सो़सी मा खोत्‍ले मु़चु़मिमलामका छाम्‍ला सो़सी।

१ थेसलोनिकी 5:21

गानी हाम थो़न्‍नी मेराम छाम्‍नी। मेम्‍मा जो़पा हाम बु मेराम रनी।

२ थेसलोनिकी 2:15

मेम्‍मिमका वा-ल्‍वाकनी, गुकु गानीलाई आकी सिजेमका लोवो सेलाखाजेमका लोवो सीत्तोकोम सीसि होम्‍साका बेनिम बानी, मा थो़र लु़निम बानी।

१ तिमोथी 1:10

नाम्‍सु़रु़ बेपामिम, वोस्‍चो़का वोस्‍चो़नुङ अम्‍पामिम, मु़चु़ भ्रेट्‌पामिम, लिमाचो़मिम, कसम पेपामा मेराम होम्‍साका मेबेपामिम, माम्‍चु़नीकु दुथाममिम आच्‍छाङाकाम सीसिकु कोर्थो़लाम बक्‍पामिमकाम लागि, मा आच्‍छाङाकाम सिजेमकु कोर्थो़लाम बक्‍पा वाङमिमकाम लागि।

१ तिमोथी 1:15

छु़लचो़मिम सेल्‍ला ख्रीष्‍ट येशू सु़म्‍दिसेरडा योम्‍डी र्‍वाक्‍पा ल्‍वा आच्‍छाङा र्‍वाक्‍साका रमु बासी सो़, मा छु़लचो़मिमगोडाम गो छो़म डोक्‍पु छु़लचो़।

१ तिमोथी 1:19

हेल्‍लो लोवो थो़रनुङमा दु़म्‍सामा जो़पा हाम थेट्‌नाम मेराम बे। कोङ-कोङका आरे मेबेमिवामा मेर्मिमकु थो़र पुयु़लुस्‍ताम बु।

१ तिमोथी 4:9

ओराम ल्‍वा आच्‍छाङा नुङ खोत्‍लेका रमुका घ्रेट्‌पा बु सो़,

१ तिमोथी 6:3

कोङनिमका लिमा ल्‍वा सीमिमा इकीमा ङाचो़ येशू ख्रीष्‍टकु आच्‍छाङाकाम सिजेम नुङ माम्‍चु़नीकु सो़रलोले दु़म्‍पा सीसि होम्‍साका बोमु मेबिसी माला,

२ तिमोथी 1:13

गोलामका गाना थो़न्‍नाम आच्‍छाङाकाम सीसिडा जो़होमका लाम्‍दियाम बाया मा मेराम सीसि बोथाडा-थार्थाडा। मेम्‍मा ख्रीष्‍ट येशूडा बाट्‌पा इमा थो़र नुङ वाङमिमडला बोनामिम इमा रिखामडा गाना मेराम रेम्‍बेपा दु़म्‍सा।

२ तिमोथी 2:2

सेर्पा मु़चु़मिमकु ङादोडा गोलामका गाना हाम थो़न्‍नाम बु, मेराम ल्‍वा वाङमिमलाई सीमु चापा थो़रलु़नामिम मु़चु़मिमलाई वो बेबेडामी।

२ तिमोथी 2:25

मा उमा कोर्थो़लाम बक्‍पामिमलाई याक्‍के दु़म्‍साका थेसिथेन्‍बेट्‌पा दु़म्‍मु बासी। मेकोतिमा माम्‍चु़नीका मेर्मिमकु न-गो ख्‍लोम्‍साट्‌मिमा मेर्मिमका आच्‍छाङाकाम ल्‍वाडा थो़र लु़मी डे,

२ तिमोथी 3:14

लावो गाना ने त्‍वाका सीसिट्‌नाम नुङ छो़म थो़रलु़न्‍नाम ल्‍वा होम्‍साका लाम्‍दियाम बाया, मेर्मिम ल्‍वा थो़रलु़इमिम मु़चु़मिमलाम सीसिट्‌नाम गाना त्‍वाकाङा चना।

२ तिमोथी 4:3

हेङालोने आरेप्‍माम थारी रोक्‍तोङा लेडु़, मेर्मिमका माम्‍चु़नीकु आच्‍छाङाकाम सीसिथो़ न मेसोमी, लावो त्‍वाका द्‌वामिमिम ल्‍वा कोङङा थो़मु न बोमी, मा उनी त्‍वाका द्‌वामिमिम सिपामिमकाडा खोम्‍सिमी।

तीतस 1:11

मेर्मिमलाई भोम्‍मुमि बासी, हेङालोने सीसि मेनु़पा लिमा ल्‍वा सीसाका मेर्मिमका हापा मु़चु़मिमलाई थो़रलु़सीलामका ताङताहेरथो़ ख्‍लोम्‍डिम बु। मेर्मिमका खउलुङकाम लागि कोङङा मेम बोमी।

तीतस 2:1

तीतस, गाना ने आच्‍छाङाकाम सीसि सीडामी।

यहूदा 1:3

द्‌वादीबुङ ङोप्‍सो़नी, गुइ खोत्‍लेकाम सेल्‍सिसीकु दुथाम छो़म आ र्‍यार्‍या द्‌वाक्‍पा बाङडो। लावो थो़रलु़पालाई कोखेप ग्‍वाक्‍साड्‌डामिलो हेल्‍लो लोवो दु़म्पा थो़र गेनी र्‍वाक्‍साका गानीलाई छो़म र्‍वामुमा र्‍यामु आमा नड्‌डा रोक्‍ता।

रेम्‍बेट्‌मिडिम ल्‍वा 2:25

मेम लोवो गानीनुङ बाट्‍पा आच्‍छाङाकाम सीसि गो मेरोक्‍थु़मसम्‍म जेन्‍थाट्‌नी।

रेम्‍बेट्‌मिडिम ल्‍वा 3:11

गो दालाङा योङु। गानानुङ बाट्‌पा आच्‍छाङाकाम सीसि जो़होमका जेथाडा। मेम्‍मा इमा मुकुट सु़का वो रोन्‍मु मेचाप्‍सु़नु़।

रेम्‍बेट्‌मिडिम ल्‍वा 3:3

मेम्‍मिमका गाना हाम ल्‍वान्‍नाम नुङ थो़न्‍नाम सीसि मिम्‍डा। गानालाई सीट्‌मा ल्‍वा होम्‍साका लाम्‍दिया मा मेजो़पा लाम्‍दीलाम ख्‍लोसा। गाना ङोसिक्‍साका मेबानावा माला ने खुचु़वा रोमिम होङङा गो लिबावा रोङु मा बामथारीका गो इमाडा रोङु मेराम गाना मेचना।