तीतस 1:7 - थुलुङ राई

⁷ हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

तीतस 1:7 Iomraidhean Croise

मत्ती 24:45

“उ नेमहपका नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

लूका 12:42

ङाचो़ येशूका गुलाई र्‍वाम्‍डी, “मेम माला मेरामकु नेमहपका उ नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

एफिसी 5:18

डु़का सेट्‍पा मेदु़म्‍नी, हेङालोने मेरामका इनी त्‍वापलाई पुयु़ लुबेनी, लावो हेल्‍लो लोवो माम्‍चु़नी-पेलका लु़न्‍सिट्‌पा दु़म्‍नी।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

तीतस 1:5

इकी बोम्‍द खारी बेसोका, मा खोत्‍ले शहरडा एल्‍डरमिम थुडामी र्‍वाङडोमा गानालाई क्रेट टापुडा पार्जो़ल्‍निम। गो गानालाई र्‍वाङडोम ल्‍वा मेप्‍ल्‍वासा वो।

तीतस 2:3

मेम्‍साकाङा ङामी मेसेममिमका वो उनी थो़रलु़सीलाई घ्रेट्‌पा सेपा बासी-दोसी बोमु सीडामी। वाङमिमलाई डक्‍साका जेपा, मा छो़म डु़ डुपा मेदु़म्‍मिनु़। मेम मेबेसाका मेर्मिमका वाङमिमलाई जो़पा ल्‍वा सीमिनु़।

१ पत्रुस 4:10

गानी खोत्‍लेका वाङमिमकु चापे-डुपे बोमु लागि राप्‍लावा ल्‍वान्‍निम बु। दिदामकु खाल-खालकाम राप्‍लावामिमडा माम्‍चु़नीकु जो़पा डु़ल्‍चो़मिम दु़म्‍नी।

१ पत्रुस 5:2

माम्‍चु़नीका गानीलाई रेम्‍बेबेट्‌निमिम उनी थो़र लु़पामिमलाई रेप्‍नी। न मेबिसिक्‍साका मेएँ लावो माम्‍चु़नीका न बोमिमिम होङङा त्‍वाकु नकाङा बेनी। रारी बेसाका मेएँ लावो चापे-डुपे छो़म बेबेद्‌वाक्‍पा नका रेपा मु़चु़ दु़म्‍नी।

२ पत्रुस 2:10

मेजो़पा न होङङा बोमु माल्‍बाल्‍पा मा माम्‍चु़नीकु साखामलाई हाम होङङा वो मेलु़पा मु़चु़मिमका ने छो़म देन्‍दे ल्‍वामी। मेर्मिम मु़चु़ मेङिपा नुङ डोक्‍पु लिसिक्‍पा दु़म्‍मी मा पाह्रीलाम यु़मचो़मिमलाई वो डक्‍साका जेमु मेङिमी।