तीतस 1:16 - थुलुङ राई

¹⁶ मेर्मिम मु़चु़का माम्‍चु़नीलाई छेत्तोकोम बु ने र्‍वामी, लावो उनी खारी बेसीलामका माम्‍चु़नीलाई मेछेमिमिम रेम्‍बोमी। मेर्मिम मु़चु़मिम माम्‍चु़नीलाई मेद्‌वाक्‍पा नुङ गुमीका र्‍वामिमिम मेथो़पा, मा जो़पा खारी हाम वो बोमु मेघ्रेट्‌पा सो़।

तीतस 1:16 Iomraidhean Croise

रोमी 1:28

माम्‍चु़नीकु दुथाम चम्‍डिम ल्‍वा मेर्मिमका बोमु मेद्‍वाक्‍मिवामका गुमीका मेर्मिमलाई उनी मेजो़पा खारीङा बोमिनु़ र्‍वाक्‍साका डिट्‍जो़ल्‍मिडी।

एफिसी 5:6

सु़का वो गानीलाई हाम ना हामकु ल्‍वा बेसाका लु-फेले मेबोनिमिनु़। हेङालोने माम्‍चु़नीका र्‍वामिमिम मेथो़साका आरेप्‍माम मेजो़पा खारी बेपा मु़चु़मिमलाई गुमीका देन्‍दे ग्‍वामी।

१ तिमोथी 1:9

डु़म्‍ला जो़पा मु़चु़मिमकाम लागि मेएँ र्‍वाक्‍पा वो गुइ च, लावो डु़म्‍ला होम्‍साका मेदोपामिम, लु़म्‍ला मेबेडिचो़मिम, माम्‍चु़नीकु सो़रलोले मेबेपामिम, मा छु़लचो़मिम, मेसेपा नुङ माम्‍चु़नीलाई डोक्‍पु मेबेपा, माम-पाप नुङ मु़चु़ सेट्‌पामिमकाम लागि,

१ तिमोथी 5:8

थो़र लु़पामिमका ने त्‍वाकु मु़चु़मिमलाई मा मेरामडाम वो हापा त्‍वाकु नेमगोडामलाई जो़होमका मेरेप्‍डु़मी माला मेरामका थो़र नाप्‍छु़डु़, मा थो़र मेलु़पामिमडाम वो मेजो़पा दु़म।

२ तिमोथी 3:17

मेम्‍साका माम्‍चु़नीकु लाम्‍दीडा लाम्‍दिपा मु़चु़मिम जो़पा खारी खोत्‍ले बोमु चापा दु़म्‍मी।

तीतस 3:1

आरे बोमु थो़रलु़पामिमलाई मिम्‍बेडामी: साखामचो़ नुङ सरकारी डोक्‍पु मु़चु़मिमकु ल्‍वाडा बुमु, मेर्मिमका र्‍वामिमिम थो़मु, मा हाम लोवो जो़पा खारी बोमु लागि झो़म्‍जो़ल्‍सिमु।

तीतस 3:3

कोबिलि गुइ वो नेप्‍ची मान्‍थिम नुङ र्‍वाकिमिम मेथो़पा बाइडी। लु-फेले बेला सो़सिक्‍पा, मेजो़पा नकाम नुङ नसीहोम बिइबाल्‍ली। नो़ मेनु़पा, नाचु़रनुङमा, मेद्‌वाला सो़सिक्‍पा, मा मेद्‌वाबेपा बाइडी।

१ यूहन्‍ना 2:4

उहेम मु़चु़का “गो गुमीलाई छेपु” र्‍वा लावो गुमीका हाम बेबेट्‌मिडिम मेराम मेबु़ माला गु ने लिमाचो़ सो़। गुनुङ आच्‍छाङाकाम ल्‍वा मेदु़म।

यहूदा 1:4

हेङालोने कोङनिम मु़चु़ उहेमका देन्‍दे ल्‍वामी र्‍वाक्‍साका माकेङा र्‍याक्‍मा बु मेर्मिम मु़चु़ लिबावा इनीमा थेतेगोडा हुम्‍डिम बु। मेर्मिम मु़चु़ माम्‍चु़नीकु लाम्‍दीडा लाममेदिपामिम सो़, मेर्मिमका माम्‍चु़नीकु दिदामलाई उनी नसीहोम बोमुथो़ हिम्‍डिम बु, मा इकीमा हप नुङ ङाचो़ येशू ख्रीष्‍ट र्‍वामु मेर्मिमका मेद्‌वामी।

रेम्‍बेट्‌मिडिम ल्‍वा 21:27

घ्रामलु़पा मु़चु़, ङाटा सेव साट्‌पा क्रो़मलु़पा खारी बेपा नुङ लिमाचो़ मेराम शहर गोडा हाम्‍सी वो मेहुमी। लावो त्‍वारो़मकु खाजेम, भेन्‍दाचो़कु खाजेमडा नङ र्‍याक्‍मा मु़चु़मिम कोङङा मेगोनो हुमी।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”