तीतस 1:11 - थुलुङ राई

¹¹ मेर्मिमलाई भोम्‍मुमि बासी, हेङालोने सीसि मेनु़पा लिमा ल्‍वा सीसाका मेर्मिमका हापा मु़चु़मिमलाई थो़रलु़सीलामका ताङताहेरथो़ ख्‍लोम्‍डिम बु। मेर्मिमका खउलुङकाम लागि कोङङा मेम बोमी।

तीतस 1:11 Iomraidhean Croise

मत्ती 23:13

“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।

लूका 20:40

मेकोतिमा सु़का वो गुमीलाई आथावो कोङनिम ल्‍वा हिलाबोमु ङिम्‍डी।

यूहन्‍ना 10:12

लावो खउलुङ ग्‍वाक्‍साका जु़ल्‍मा मु़चु़ ने त्‍वाकु भेन्‍दामिम बाट्‌पा रेपा-क्रिपा मु़चु़ होप्‍माम मेएँ। मेरामका बडि रोक्‍पा ल्‍वासु़लो भेन्‍दामिमलाई पार्जो़लु़मा स्‍वा। मेम्‍मा बडिका भेन्‍दामिमलाई ङाघ्रकु़मी, मा फोरु़मी।

रोमी 3:19

डु़म्‍लागोडाम ल्‍वा ने डु़म्‍लाका र्‍वामिम थो़पा मु़चु़मिमकाम लागि र्‍वाक्‍साका गुइ चडिम बु। मेम्‍मिमका खोत्‍ले मु़चु़मिमकु सि ड्‍यासी मा सु़म्‍दिसेरडाम मु़चु़मिमलाई माम्‍चु़नीकु ङादोडा येम्‍सिबेन्‍मी।

२ कोरिन्‍थी 11:10

ख्रीष्‍टकु आच्‍छाङाकाम ल्‍वा गोनुङ बुमिमका गो र्‍वाङु, आरेप्‍माम ल्‍वाकु दुथाम डोक्‍पु लिसिमुडा अखैया इलाकाडाम सु़का वो गोलाई भोम्‍मु मेचाम्ङिमी।

१ तिमोथी 5:13

मेम कोङङा मेबोमी, मेर्मिम भ्रेपा दु़म्‍मिमा मु़चु़कु नेम-नेम लमी। मेम्‍मा मु़चु़कु ल्‍वा बेपा, वाङमिमकु खारीडा ल्‍वा फिक्‍पा, जेसी मेनु़पा ल्‍वा जेसाका नेमतापा दु़म्‍मी।

१ तिमोथी 5:4

कोङ अर्दोमेकाम चो़मिम, चु़सु़मिम बुमी माला मेर्मिमका ङादो उनी त्‍वाकु नेमगोडाम मु़चु़मिमलाई माम्‍चु़नीकु सो़रलोले बेसी होम्‍साका जो़होमका रेप्‍साका उनी जेर सोम्‍सामिनु़। मेर्मिमका आरे बोमिमिम माम्‍चु़नीका द्‌वामी।

१ तिमोथी 6:5

आरेप्‍माम मु़चु़मिमका हेल्‍लो लोवो रिबुसी कमिम बुमी। मेर्मिमकु न मेजो़पा बु मा आच्‍छाङाकाम ल्‍वा दाम्‍सोमु दु़म्‍मिडिम बु। मेर्मिमका माम्‍चु़नीकु सो़रलोले बोमु ने खउलुङ डु़पा लाम्‍दी र्‍वाक्‍पा मिम्‍मी।

२ तिमोथी 2:18

ओर्चिप आच्‍छाङाकाम ल्‍वालामका कोर्थो़ लक्‍चिम बु। सिमुलामका बग्‍गेट्‌पा थारी ङादोङा दु़म्‍मु दु़म्‍स्‍तु़ मा आथा ने मेदु़म र्‍वाक्‍साका ओर्चिपका हाङको मु़चु़मिमकु थो़र पुयु़लुक्‍साट्‌चिमिम बु।

२ तिमोथी 3:6

हेङालोने मेर्मिमगोडाम याङ-याङ ने नेम-नेमगोडा हुसाका छु़ल कुर्थाक्‍पा नुङ छो़म मेजो़पा नका बथाक्‍पा मेथेट्‌पा मेसेममिमलाई उनी ल्‍वाडा जु़ल्‍मी।

तीतस 1:7

हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

तीतस 1:9

गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।

तीतस 3:10

मेदु़बेट्‌पा मु़चु़लाई कोखेप-नकखेप ङिम्‍साडा। मेम्‍मा हाम वो मेबे।