तीतस 1:10 - थुलुङ राई

¹⁰ हाम ना हामकु ल्‍वा बेपा, वाङमिमलाई लु-फेले बेपा मा र्‍वाकिमिम मेथो़पा मु़चु़मिम हापाङा दु़म्‍मी। सेल्‍सिमु लागि खिरिरि-क्रिप्‍सी बोमुङा बासी र्‍वाक्‍पामिमगोडाम आरेप्‍माम मु़चु़मिम ने हापाङा बुमी।

तीतस 1:10 Iomraidhean Croise

मत्ती 23:14

[गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, अर्दोमेमिमलाई ख्‍लो़पा लिन्‍सिनीमा उनी खाप्‍ची पोन्‍सानी। मु़चु़मिमलाई रेम्‍बोमु लागि छो़म धु़प्‍पा सो़म्‍दी बेपा लिन्‍सिनी। मेम्‍मिमका गानी छो़म इम्‍मु मेझापा देन्‍दे ल्‍वानी।]

थु़र्मा 11:2

मेम्‍मा पत्रुस यरूशलेमडा ख्‍लोसिड्‌डामा रोक्‍तालो खिरिरि-क्रिप्‍सी बेपा यहूदी थो़रलु़पामिम गुनुङ भुर्मिडी,

थु़र्मा 15:1

यहूदियालामका कोङनिम मु़चु़मिम एन्‍टिओखियाडा रोम्‍डी, मा वाङसामा थो़रलु़पामिमलाई आरे र्‍वाम्‍डिमा सीट्‌मिडी, “मोशाकु डु़म्‍लाका र्‍वाक्‍ताम होम्‍साका गानी खिरिरि-क्रिप्‍सी मेबेनिवा माला सेल्‍सिमु मेचाम्‍नी।”

थु़र्मा 15:24

गुकुगोडाम लक्‍पा कोङ-कोङ मु़चु़मिमका वाङमी-वाङमी ङा ल्‍वा सीसाका गानीलाई छो़म दु़खा ग्‍वानिमिमा हाम बोमु-बोमु दु़म्‍बेट्‌निमी ए र्‍वाक्‍पा ल्‍वा गुकु थो़त्तोकोम बु। लावो मेर्मिम मु़चु़लाई गुकु थु़र्तोकोमिम मेएँ।

थु़र्मा 20:29

हेङालोने गो डिन्‍जो़ल्‍निनिमा लङुमिम चङडा ङिमलु़पा बडि होप्‍माम मु़चु़मिम गानीगोडा रोमी, मा मेर्मिमका खोत्‍ले थो़रलु़पामिमलाई पुयु़लुमु माल्‍मी होङ्‍ङा गो लु़ङडोम बु।

गलाती 2:4

लावो कोङनिम थो़रलु़पा लिसिक्‍पा वा-ल्‍वाकमिम आकीमा सामागोडा रोम्‍डिमा कोक्‍ते खिरिरि दु़म्‍मु बासी र्‍वाम्‍डी। हेङालोने गुकु येशू ख्रीष्‍टनुङ कोले दु़म्‍साका मोशाकु डु़म्‍ला होम्‍साका दोमु बासिक्‍पा ल्‍वाडाम वाङ दु़म्‍तोकोम बाइडा, मा मेर्मिमका गुकु वाङ दु़म्‍तोकोम ल्‍वाकु दुथाम गो-गो चो़पा बेसाका आथावो उनीमा यहूदी डु़म्‍लाकु डु़ल्‍चो़ होप्‍मामङा दु़म्बेन्‍मु माल्‍तिकिम बाइडा।

गलाती 3:1

ए नेप्‍ची मान्‍थिम गलातियाडाम मु़चु़नी, मेजो़पा लाम्‍दीथो़ लाम्‍दिमु लागि गानीलाई सु़का कोक्‍नी? इनीमा मिक्‍सीलामडाङा येशू ख्रीष्‍ट क्रूसडा चेसिम्‍डिम ल्‍वाकु दुथाम जो़होमका र्‍वाक्‍मा बाइडा।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

१ तिमोथी 1:4

मा माके-माकेम हाम ना हामकु सो़म्‍दीमिमडा नुङ पाइमाखामिमडा नेम मेतानी र्‍वाक्‍साका मेर्मिमलाई चङचङया बाबेडामी। मेर्मिमका ने खालबेपा ल्‍वामिम कोङङा कक्‍सु़। मेर्मिम ल्‍वाका माम्‍चु़नीकु खारी बोमु हाम वो मेख्‍लो़यु़, माम्‍चु़नीकु खारी थो़र लु़साका दु़म।

१ तिमोथी 1:6

कोङ-कोङ मु़चु़मिम ने ओर्मिम खोत्‍ले ल्‍वा डिसाका हाम ना हामकु ल्‍वाडा थाम्‍बाल्‍मिमिम बु।

१ तिमोथी 1:9

डु़म्‍ला जो़पा मु़चु़मिमकाम लागि मेएँ र्‍वाक्‍पा वो गुइ च, लावो डु़म्‍ला होम्‍साका मेदोपामिम, लु़म्‍ला मेबेडिचो़मिम, माम्‍चु़नीकु सो़रलोले मेबेपामिम, मा छु़लचो़मिम, मेसेपा नुङ माम्‍चु़नीलाई डोक्‍पु मेबेपा, माम-पाप नुङ मु़चु़ सेट्‌पामिमकाम लागि,

२ तिमोथी 3:13

लावो मेजो़पा मु़चु़मिम नुङ लुचो़ बेपामिम लु-फेले बेसाका नुङ लु-फेले बेला सो़सिक्‍साका छो़म मेजो़पा दु़म्‍तो लमी।

२ तिमोथी 4:4

मु़चु़मिमका आच्‍छाङाकाम सीसि थो़मु डिन्‍मी, मा हाम ना हामकु सो़म्‍दीमिमडाङा थो़रलु़मी।

तीतस 1:6

एल्‍डर मुमा बेन्‍ला मेसो़सिक्‍पा, कोलेङा नाइमे बाट्‌पा दु़म्‍मु बासी। मेरामकु चो़मिम थो़रलु़पा, उनी हाम बेबेद्‌वा मेराम मेबेपा, मा र्‍वाकिमिम थो़पा दु़म्‍मु बासी।

याकूब 1:26

कोङ मु़चु़का उ त्‍वाप माम्‍चु़नीकु सो़रलोले जो़होमका बेपा मिम्‍सी, लावो उमा लेम जो़होमका मेजु़लु़ माला उमा त्‍वाकु नड्‌डा मेजो़पा मिम्‍सी मा ख्‍लो़डु़। मेरामका माम्‍चु़नीकु सो़रलोले जो़होमका बु़मिम ने हाम ना हामकाम दु़म।

१ यूहन्‍ना 2:18

आमा चो़च्‍चो़मिम होप्‍माम मु़चु़नी, हुक्‍पा थारी ओरामङा सो़। ख्रीष्‍टकु कोर्थो़लाम बक्‍पा मु़चु़ रोक्‍तोङा लेडु़ र्‍वाक्‍पा गानी थो़न्‍निम होङङा ओम्‍लो वो ख्रीष्‍टकु कोर्थो़लाम बक्‍पा हापा मु़चु़मिम रोम्‍डिम बु। मेम्‍मिमका ओराम थारी हुक्‍पा थारी र्‍वाक्‍पा गुइ च।

१ यूहन्‍ना 2:4

उहेम मु़चु़का “गो गुमीलाई छेपु” र्‍वा लावो गुमीका हाम बेबेट्‌मिडिम मेराम मेबु़ माला गु ने लिमाचो़ सो़। गुनुङ आच्‍छाङाकाम ल्‍वा मेदु़म।

१ यूहन्‍ना 4:1

द्‌वादीबुङ ङोप्‍सो़नी, पेललामका जेङुमिम र्‍वाक्‍पा खोत्‍ले मु़चु़लाई थो़र मेलु़नी। मेर्मिमनुङ बाट्‌पा पेल माम्‍चु़नीलाममिम डे मेएँ डे र्‍वाक्‍पा रेम्‍मु मेर्मिमलाई छाम्‍निमी। हेङालोने माम्‍चु़नीलाम-जेपा लिसिक्‍पा हापा मु़चु़मिम ओराम सु़म्‍दिसेरडा लुम्‍डिम बु।

रेम्‍बेट्‌मिडिम ल्‍वा 2:14

मेम्‍मा वो इनीमा दुथाम गो मेद्‌वाक्‍पुमिम ल्‍वा किचो़ बु: गानीगोडा बालामकु सीसि होङङा बेपा मु़चु़मिम बुमी। मे बालामका इस्राएलीमिमलाई छु़ल बेबेन्‍मु लागि ङाटाडला सासेट्‌मा पोमु-डुमु मेर्मिमलाई पेबेन्‍मु नुङ नाम्‍सु़रु़ बेबेन्‍मु बालाकलाई सीड्‌डु़म बाइडा।

रेम्‍बेट्‌मिडिम ल्‍वा 2:6

लावो गो द्‌वाक्‍पुमिम ओराम ल्‍वा ने गानानुङ बु: निकोलाइटसमिमकु बेसीमिम गाना मेद्‌वाना। गो वो मेराम ने मेद्‌वाक्‍पु।