रोमी 9:3 - थुलुङ राई

³ आमा इस्राएली वा-ल्‍वाकमिमका त्‍वारो़म ल्वामिवा माला ख्रीष्‍टलाम गो वाङ दु़म्‍पा वाइतो बेला सो़सिङु लोवो गेर्सी द्‍वाक्‍ङुवा। मेर्मिमका त्‍वारो़म ल्‍वामिनु़ र्‍वाक्‍पा आमा छो़म न बु।

रोमी 9:3 Iomraidhean Croise

थु़र्मा 13:26

“ए अब्राहामकु चो़-चु़सु़ नुङ माम्‍चु़नीकु ङिम जु़ल्‍पा वाङसामा वा-ल्‍वाकनी, माम्‍चु़नीका ओराम सेल्‍पा-सेला इकीमा लागि ङा थु़र्मीडिम बु।

थु़र्मा 22:5

डोक्‍पु ङाउ डु़म्‍लाचो़ नुङ डोक्‍पु घ्रो़म्‍दीडाम खोत्‍ले मु़चु़मिमका गानीलाई ओराम आच्‍छाङा र्‍वाक्‍साका र्‍वामु चाम्‍मी। दमस्‍कस शहरडाम थो़रलु़पामिमलाई चु़म्‍मुमा देन्‍दे ग्‍वाप्‍डा यरूशलेमडा रेन्‍मु लागि मेर्मिमका दमस्‍कसडाम यहूदी ङाचो़मिमलाई सेलाखाजेम र्‍याम्‍डी, मा ग्‍वाङ्‌सोङ्‌डिमिम बाइडा।

थु़र्मा 28:21

मेकोतिमा मेर्मिमका पावलनुङ र्‍वाम्‍डी, “गुकु ने इनीमा दुथाम यहूदियालामका कोले वो सेलाखाजेम डोर्तोकोम मिबु। इनीमा कोर्थो़लाम मेजो़पा ल्‍वा मेलाम रोक्‍पा सु़का वो आसिन्‍डा र्‍वाम्‍डिम, जेम्‍डिम मिबु।

रोमी 1:3

ओराम जो़पा-सेला ने माम्‍चु़नीकु द्‍वादीबुङ तारापाचो़ येशू ख्रीष्‍टकु दुथाम सो़। गुमी मु़चु़ दु़म्‍साका दाऊद हपकु दोचो़गोडा गम्‍डी।

रोमी 11:1

मेम्मिमका गो हिलाबेउ, हाम माम्‍चु़नीका इस्राएलीमिमलाई ङेट्‌मिडी? हेल्‍लो वो मेएँ, हेङालोने गो आ त्‍वाप वो अब्राहामकु चो़-चु़सु़ बेन्‍यामीनकु दोचो़गोडा गङ्‍डोम कोङ इस्राएली सो़।

रोमी 11:14

आरेप्‍माम जो़पा-सेला दो़पा खारीडा आमा त्‍वाकु यहूदी सामागोडाममिमका नाचु़र बोमिनु़ मा मेर्मिमगोडाम कोङनिमलाई माम्‍चु़नीडा ख्‍लोमु चापुनु़।

रोमी 16:11

आमा त्‍वाकु मु़चु़ हेरोदियनलाई सेव बु मा ङाचो़डा थो़रलु़पा नर्किससकु नेमडाम खोत्‍लेलाई सेव र्‍वाक्‍ताम बु र्‍वाक्‍साका खोत्‍लेलाई थो़बेन्‍साङनी।

रोमी 16:21

गोनुङङा खारी बेपा तिमोथी मा आमा यहूदी ल्‍वाकमिम लुकियस, यासोन नुङ सोसिपात्रोसका वो गानीलाई सेव र्‍वाम्‍डिम बु।

रोमी 16:7

एन्‍ड्रोनिकस नुङ यूनियस र्‍वाक्‍मा आमा त्‍वाकु मु़चु़चिप मा गोनुङङा चसिक्‍पा यहूदी ङोप्‍सो़मिमलाई आमा सेव र्‍वाङ्‍साङ्‍नी। थु़र्मामिमगोडा मेर्मिमकु नङ हापा दोस्‍ताम बाइडा। मेम्‍मा गो थो़रलु़मु हापा ङादोङा मेर्मिमका ख्रीष्‍टडा थो़र लु़म्‍डिम बाइडा।

रोमी 9:2

आमा द्‍वादीबुङ इस्राएली वा-ल्‍वाकमिमकाम लागि आमा थो़मबोक घ्रु़पा बु।

१ कोरिन्थी 12:3

मेम्‍मिमका गानी आरेप्‍माम ल्‍वा चक्‍नी र्‍वाक्‍पा आमा न बु, मेम्‍मा माम्‍चु़नीकु पेललामका जेपा सु़का वो “येशूडला वाइतो रोनु़” मेर्‍वा। माम्‍चु़नी पेललामका कोङङा, “येशू ङा ङाचो़ सो़” र्‍वामु चाप्‍सु़।

१ कोरिन्थी 16:22

कोङनिमका ङाचो़लाई रिखाम मेबु़ माला मेरामडला वाइतो रोनु़। आकीमा ङाचो़, योक्‍नी!

२ कोरिन्‍थी 12:15

गानीलाई जो़पा दु़म्‍नु़ र्‍वाक्‍साका गोनुङ बाट्‍पा खोलेम थोक गेर्सी द्‍वाक्‍तो ग्‍वानिनी मा गो आ त्‍वापलाई ङा वो ग्‍वानिनी। गो गानीलाई ओकोति छो़म रिखाम बोनिनी माला गानी ने गोलाई कि-कि कोङङा रिखाम बोङिनी मा?

गलाती 1:8

गुकु थो़बेत्तोकोम जो़पा-सेलाडाम वाङमिङा जो़पा-सेला र्‍वाक्‍साका थो़बेडु़ माला गुकु गोडामङा कोङनिम लोवो पाह्रीलाम योक्‍पा पाह्रीचो़ङा लोवो मेराम पुयु़लुनु़।

गलाती 1:9

ङादोङा गो गानीलाई र्‍वाङ्‌डोम बाइडा मा ओम्‍लो वो र्‍वाक्‍तोङा बेउ, ङादो गानी रन्‍निम सिजेमडाम वाङमिङा जो़पा-सेला र्‍वाक्‍साका कोङनिमका गानीलाई सीनी माला मेरामका पुयु़लुक्‍पा देन्‍दे ल्‍वासु़नु़।

गलाती 3:10

माम्‍चु़नीकु ङादोडा मुमा मान्‍थिम दु़म्‍मु लागि डु़म्‍लागोडाम खारी बेसीडा थो़र बेपा खोत्‍ले मु़चु़मिम वाइतो बेन्‍ला सो़सिमी। हेङालोने माम्‍चु़नीकु सिजेमडा र्‍याक्‍मा बु, “मोशाकु डु़म्‍लागोडा बाट्‍पा खोत्‍ले ल्‍वा जो़होमका मेबेसाका बाट्‍पा खोत्‍ले मु़चु़मिम वाइतो बेन्‍ला सो़सिमी।”

गलाती 3:13

येशू ख्रीष्‍टका थि सोक्‍साका डु़म्‍लागोडाम वाइतोलामका गुइलाई फ्‍वाक्‍साड्‌डामी, मा इकीमा खोमडा गुमी वाइतो बेन्‍ला सो़सिम्‍डी। हेङालोने माम्‍चु़नीकु सिजेमडा र्‍याक्‍मा बु, “सु़ सङडा चेसी मेराम वाइतो बेन्‍ला सो़सिड्‌डाम दु़म।”

एफिसी 6:5

गानी डु़ल्‍चो़नी, ख्रीष्‍टका र्‍वामिमिम इनी न-गोलामका थो़निमिम होम्‍साका इनीमा नेमहपलाई छो़म डोक्‍पु मिम्‍साका गुका र्‍वामिम थो़नी।