रोमी 8:2 - थुलुङ राई

² हेङालोने ख्रीष्‍ट येशूलाम त्‍वारो़म ल्‍वापा, माम्‍चु़नी-पेलकु डु़म्‍लाका छु़ल नुङ सिमुलाम रेट्‍पा डु़म्‍लाडाम गोलाई सेल्‍ङिडिमिम बु।

रोमी 8:2 Iomraidhean Croise

यूहन्‍ना 4:10

येशूका मेराम मेसेमलाई र्‍वाम्‍डी, “गाना माम्‍चु़नीकु राप्‍लावा नुङ गानानुङ कु डुमु बिपा मु़चु़ सु़ र्‍वाक्‍साका छेनावाम माला ने गाना गुनुङ बिनावा। मेम्‍मा गुका गानालाई त्‍वारो़म ग्‍वाक्‍पा कु ग्‍वाक्‍नावा।”

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

यूहन्‍ना 6:63

पेलका कोङङा त्‍वारो़म ग्‍वाक्‍सा। मु़चु़कु सोका हाम वो मेबु़। गानीनुङ जेङडोम सिजेम ने त्‍वारो़म ग्‍वाक्‍पा पेल सो़।

यूहन्‍ना 8:32

मेम्‍मा गानी माम्‍चु़नीकु दुथाममिम आच्‍छाङाकाम ल्‍वा थेसिथेनी, मा मे आच्‍छाङाकाम ल्‍वाका गानीलाई फ्‍वानी।”

यूहन्‍ना 8:36

मेम्‍मिमका तारापाचो़का गानीलाई फ्‍वाक्‍नी माला आच्‍छाङा गानी फ्‍वान्‍सिनी।

रोमी 16:3

गोनुङङा खारी बेपा प्रिस्‍का नुङ अकिलासलाई वो आमा सेव र्‍वाङ्‍साङनी।

रोमी 3:27

मेम माला उहेम ल्‍वाकु दुथाम गुइ डोक्‍पु लिसिमु? डोक्‍पु लिसिक्‍पा ने ल्‍वा ङा मिबु। गुइ डु़म्‍ला होम्‍साका दोसीमिमका? मेम ने मेएँ, लावो येशूडा थो़र लु़इमिमका कोङङा सो़।

रोमी 5:21

मेराम थारीका छु़लका सिमुलाम रेड्‍डु़ मा मु़चु़मिमडला साखाम थो़डु़म होम्‍साकाङा ओम्‍लो माम्‍चु़नीकु दिदामका साखाम थो़त्तोङा बु़। ओराम दिदामका गुइलाई माम्‍चु़नीकु ङादोडा जो़पा न-गोकाम दु़म्‍बेसाका इकीमा ङाचो़ येशू ख्रीष्‍टलाम हेल्‍लो वो मेसिपा त्‍वारो़म ग्‍वाक्‍साड्‍डामिम बु।

रोमी 6:14

छु़लका गानीडला साखाम मेथो़डु़, हेङालोने गानी डु़म्‍लाकु साखामगोडा मेबुनी, गानी ने माम्‍चु़नीकु दिदामगोडा बुनी।

रोमी 6:18

गानी छु़ललामका सेल्‍सिट्‌निमा माम्‍चु़नीकु जो़पा खारी बेपा डु़ल्‍चो़ दु़म्‍निम बु।

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

रोमी 7:21

मेम्‍मिमका जो़पा खारी बोमु न बेत्तो-बेत्तोङा वो मेजो़पा खारी गोनुङङा दु़म। गोनुङङा दु़म्‍पा मेराम ल्‍वाकाङा आमा त्‍वारो़मडा खारी बु़डु़म गो लु़लेट्‍पु।

रोमी 7:23

लावो आमा अंगमिमडा कोङमी ल्‍वाकु यु़मका आमा न-गोडा बाट्‍पा यु़मनुङ क्‍वाल्‍बा बु़। मेम्‍मा नगोडा बाट्‍पा ओराम छु़लनुङमा यु़मका गोलाई बन्‍थाङी।

रोमी 7:4

आमा वा-ल्‍वाकनी, गानी वो ख्रीष्‍टकु मिरो़मनुङ डु़म्‍लाकाम लागि सिन्‍निम बु। मेम्‍मिमका जो़पा मा-के सिन्‍बेडिमिम होम्‍साकाङा माम्‍चु़नीकु जो़पा खारी बोमु चापा दु़म्‍मु लागि गुइ ने सिमुलाम बग्‍गेसाका त्‍वारो़म ल्‍वापानुङ कोले दु़म्‍सी।

रोमी 8:1

मेम्‍मिमका ख्रीष्‍ट येशूडा थो़रलु़पामिमलाई माम्‍चु़नीका देन्‍दे मेग्‍वामी।

१ कोरिन्थी 15:45

मेम्‍मिमका माम्‍चु़नी सिजेमडा र्‍याक्‍मा बु, “खोत्‍लेडाम ङादोम मु़चु़ आदम उ सामनुङमा दु़स्‍ता।” लावो चङडाम आदम त्‍वारो़म ग्‍वाक्‍पा पेल सो़।

२ कोरिन्‍थी 3:17

ङाचो़ ङा पेल बुमी, मा ङाचो़कु पेल बान्‍ते दु़म मेसिन्‍डा मेजो़पा ल्‍वालामका गुइ सेल्‍सिडी।

२ कोरिन्‍थी 3:6

गुमीका गुकुलाई लाले सो़रख्रेप्‍सीकु डु़ल्‍चो़ दु़म्‍मु चापा दु़म्‍बेत्तिकिमिम बु। ओराम लाले सो़रख्रेप्‍सी ने र्‍याक्‍मा डु़म्‍लामिम मेएँ, लावो माम्‍चु़नी-पेललाम सो़। र्‍याक्‍मा डु़म्‍लाका सिमुलाम रेडु़, लावो माम्‍चु़नी-पेलका ने त्‍वारो़म ग्‍वाक्‍सामी।

गलाती 2:19

हेङालोने गो डु़म्‍ला होम्‍साका दोमु माल्‍तोलो डु़म्‍लाका गोलाई मुमा बेट्‌ङिडी। मेम्‍मिमका गो माम्‍चु़नीकाम लागि नु़पा दु़म्‍मु चापुनु़ र्‍वाक्‍साका डु़म्‍ला होम्‍साका गो दोमु डित्तो।

गलाती 5:1

आथाडा आनो गुइ डु़ल्‍चो़ मेदु़म्‍सिनु़ र्‍वाक्‍साका येशू ख्रीष्‍टका गुइलाई वाङ बेसाड्‌डामिम सो़। मेम्‍मिमका गानी वाङ दु़म्‍पा मु़चु़मिम सोनुङमा दु़म्‍साका बानी मा आथावो डु़म्‍लाकु जुवागोडा हुमु मेमाल्‍नी।

गलाती 6:2

कोलेका कोङमीकु दु़खाडा ख्‍लो़बेबेनी। आरे बेन्‍नी माला येशू ख्रीष्‍टकु डु़म्‍ला होम्‍साका दोनिमिम दु़म।

याकूब 1:25

लावो गुलाई फ्‍वाक्‍पा छो़म जो़पा डु़म्‍ला होम्‍साका उहेम लाम्‍दी, मा गुका थो़स्‍तु़म सिजेम मेप्‍ल्‍वासाका मेराम होम्‍साका खारी बु़ माला मेरामका बु़मिम खारीडा जि ल्‍वासु़।

रेम्‍बेट्‌मिडिम ल्‍वा 11:11

लावो सुलेम नुङ को नेम्‍फु चङडा मेर्चिप गोडा माम्‍चु़नीलाममिम त्‍वारो़म ल्‍वापा साम हुङडा। मेम्‍मा मेर्चिप उची खेलका येम्‍सिट्‌ची मा मेर्चिपलाई ल्‍वापा मु़चु़मिम छो़म ङिम्‍डी।

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका