रोमी 4:3 - थुलुङ राई

³ हेङालोने माम्‍चु़नीकु सिजेमडा र्‍याक्‍मा बु, “अब्राहामका माम्‍चु़नीडा थो़र बु़डु़। मेराम थो़रलामङा माम्‍चु़नीका गुलाई जो़पा न-गोकाम दु़म्‍बेट्‌मिडी।”

रोमी 4:3 Iomraidhean Croise

मत्ती 20:9

“ङो (५) जेस्‍तालो आथाम खारी बोमु चो़म्‍पामिम रोम्‍डिमा खोत्‍लेका नेम्‍तोमकाम खउलुङ ल्‍वाम्‍डी।

मर्कूस 12:10

हाम गानी माम्‍चु़नीकु सिजेमडा हेल्‍लो वो डाट्‌निम मिबु? ‘उहेम लुङ नेम बनेबेपामिमका पार्मिडी मेराम ङा सुरलुङ दु़स्‍ता,

रोमी 10:11

माम्‍चु़नीकु सिजेमका र्‍वा, “गुमीडला थो़रलु़पा मु़चु़का हेल्‍लो वो उनी क्रो़म लुमु मेबासी।”

रोमी 11:2

माम्‍चु़नीका ङादो आथामङा छेट्‌मिडिम उनीमा त्‍वाकु मु़चु़मिमलाई ङेट्‌मिडिम मिबु। हाम एलियाकु दुथाम माम्‍चु़नीकु सिजेमडा र्‍याक्‍मा ल्‍वा चनिम मिबु? इस्राएलीमिमकु कोर्थो़लाम एलियाका आरेसाका र्‍वाक्‍ताम बु,

रोमी 4:11

मेम्‍मिमका खिरिरि क्रिप्‍सी ने उमा थो़रलाम माम्‍चु़नीका जो़पा न-गोकाम दु़म्‍बेट्‌मिडिम छेखोप रेम्‍बेट्‌मिडिम सो़। आरेसाका अब्राहामका खिरिरि मेक्रिपा लोवो माम्‍चु़नीडा ने थो़रलु़साका जो़पा न-गोकाम दु़म्‍पा वाङसामामिमकाम ङाउ-खुउ दु़स्‍ता।

रोमी 4:5

कोङनिम मु़चु़का बु़डु़म डु़म्‍ला रु़दु़मका मेएँ, लावो मुमाचो़लाई मुमा मान्‍थिम बनेबेपा माम्‍चु़नीडा थो़र बु़ माला गुलाई माम्‍चु़नीका उनीमा त्‍वाकु ङादोडा मुमा मान्‍थिम दु़म्‍बेन्‍मी। आरेसाका माम्‍चु़नीका मु़चु़मिमलाई थो़रलामका मुमा मान्‍थिम नुङ जो़पा न-गोकाम दु़म्‍बेन्‍मी।

रोमी 4:9

ओराम जि-वा ने खिरिरि क्रिपामिमकाम कोङङा मेएँ, लावो खिरिरि मेक्रिपामिमकाम लागि वो सो़। अब्राहाम ने थो़रलु़सीलामका ङा माम्‍चु़नीकु ङादोडा जो़पा न-गोकाम दु़स्‍ताम बाइडा र्‍वाक्‍तो गेड्‌डिम बु।

रोमी 9:17

माम्‍चु़नीकु सिजेमडा मिश्रडाम फारो हपकु दुथाम आरेसाका र्‍वाक्‍मा बु, “आमा यु़म गानालाम रेम्‍बेसाका सुबुडा खोत्‍लेथो़ आमा नङ सो़मिनु़ र्‍वाक्‍पा नका गो गानालाई हप दु़म्‍बेट्‌निम बु।”

याकूब 2:23

ओराम ल्‍वा माम्‍चु़नीकु सिजेमडा होम्‍साका रोक्‍थिड्‌डा, “अब्राहामका माम्‍चु़नीडा थो़र बु़डु़, मा मेराम थो़रलामकाङा माम्‍चु़नीका गुलाई जो़पा मिम्‍मिडी।” मेम्‍मिमका अब्राहाम माम्‍चु़नीकु ङोप्‍सो़ दु़स्‍ता।

याकूब 4:5

माम्‍चु़नीकु सिजेमका “गुइलाई ख्‍लो़मु माम्‍चु़नीका उनी पेल थु़र्मिडी। गुमीका गुइ माम्‍चु़नीडाम फ्‍वासिडिनु़ र्‍वाक्‍पा न मेबोमी” र्‍वाक्‍पा गानी हाम होङङा वो मेलु़नी?