रोमी 3:3 - थुलुङ राई

³ लावो मेर्मिमगोडाम कोङनिमका माम्‍चु़नीकु सिजेमडा थो़र मेलु़मिवा र्‍वाक्‍साका हाम माम्‍चु़नी वो थो़र मेलु़इमिम बुमी मा?

रोमी 3:3 Iomraidhean Croise

मत्ती 24:35

सुबु नुङ धामु दाम्‍मा ल, लावो आमा सिजेम हेल्‍लो वो मेदाम।

यूहन्‍ना 1:16

छो़म उनी दिदामडला दिदाम गुइ ल्‍वास्‍तिम बु।

रोमी 10:16

लावो जो़पा-सेला थो़पामिम खोत्‍लेका ने थो़रमेलु़मिवा, हेङालोने माम्‍चु़नीलाम जेपा यशैयाका आरे र्‍वाक्‍ताम बु, “ए ङाचो़, गुकु थो़बेत्तोकोम जो़पा-सेला डा सु़का थो़र बु़डु़म बु मा?”

रोमी 11:29

माम्‍चु़नीका ग्‍वाम्‍डिम राप्‍लावा गुमीका मेख्‍लोमी, मा येट्‌मिडिम मु़चु़लाई हेल्‍लो वो मेङेन्‍मी।

रोमी 9:6

हाम माम्‍चु़नीकु सिजेम हाम ना हामकाम दु़स्‍ता मा? मेएँ, हेङालोने इस्राएलडा गक्‍पा र्‍वाक्‍साका आच्‍छाङा खोत्‍ले इस्राएली र्‍वामु मेझाम,

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

२ तिमोथी 2:13

गुइ थो़रमेलु़पा बुइ लोवो, गुमी थो़रलु़इमिम दु़म्‍मी, हेङालोने गुमीका उनी त्‍वापलाई लिमा थेन्‍मु मेचाम्‍मी।

हिब्रू 4:2

गुइलाई होम्‍साकाङा मेर्मिमलाई वो जो़पा-सेला थो़बेट्‌मा बाइडा। लावो मेर्मिमलाई थो़बेट्‌मा जो़पा-सेला ने हाम ना हामकाम दु़स्‍ता, हेङालोने मेर्मिमका थो़म्डिम ल्‍वाडा थो़र मेलु़मिवा।