रोमी 2:4 - थुलुङ राई

⁴ डे माम्‍चु़नीका गानीडला न-थो़म रेम्‍बेसाका इनीमा छु़ललाम ख्‍लोनिमी र्‍वाक्‍पा मेचनिमा, हाम उनीमा न-थो़म, इम्‍सीलाई हाम ना हामकाम मिम्‍नी?

रोमी 2:4 Iomraidhean Croise

रोमी 10:12

यहूदी नुङ वाङसामाडा हाम वो वाङ मिबु। गुमी गुइ खोत्‍लेकाम कोलेङा माम्‍चु़नी बुमी मा गुमीडा सो़म्‍दी बेपा खोत्‍लेलाई हापा जि ग्‍वामी।

रोमी 11:22

मेम्‍मिमका माम्‍चु़नी न-थो़मनुङमा बुमी मा गुमीका र्‍वामिमिम होङङा मेबेपामिमलाई देन्‍दे ग्‍वामी र्‍वाक्‍पा ल्‍वा जो़होमका मिम्‍नी। लावो माम्‍चु़नीकु दिदामगोडा बुनिम बुनी माला गानीडला उनीमा न-थो़म रेम्‍बोमी मेएँ माला गानी वो क्रिम्‍ला सो़सिनी।

रोमी 11:33

अहो! हेल्‍लो वो मेल्‍वाम्‍मा यु़मखारीनुङमा माम्‍चु़नी गुइनुङ बुमी, गुमी नेप्‍चीनुङमा बुमी, मा खोलेम थोक थेट्‍पा चक्‍पा वो गुमी ङा बुमी। अहो! उनीमा निया हाङको डोक्‍पु मा गुमी लाम्‍दीमिम लाम्‍दी सु़का छेमु चाप्‍सु़?

रोमी 3:25

माम्‍चु़नीका इकीमा छु़ल हेम्‍मु लागि येशू ख्रीष्‍टलाई सासेट्‌मिडिमा उनीमा सिसि हाट्‌मिडी र्‍वाक्‍साका थो़रलु़पा मु़चु़मिमकु छु़ल हेप्‍साड्‌मिडिम बु। माम्‍चु़नीका ओराम खारी बेम्‍डिमा गुमी जो़पा न-गोकाम बुमी र्‍वाक्‍पा ल्‍वा रेम्‍बेम्डिम बु। हेङालोने माम्‍चु़नीका ख्रीष्‍ट रोमु ङादो उनी छोक्‍चो इम्‍मिडी मा मु़चु़मिमका बेम्‍डिम छु़लकु देन्‍दे मेग्‍वाक्‍मिवा।

रोमी 6:1

मेम माला गुइ हाम र्‍वामु मा? हाम गुइ माम्‍चु़नीकु दिदाम हापा ल्‍वासी र्‍वाक्‍साका छु़ल बोमुम बुमु?

रोमी 6:15

हाम गुइ डु़म्‍लाकु साखाम गोडा मेबुइ, लावो दिदामकु साखामगोडा बुइ र्‍वाक्‍साका गुइ छु़ल बोमु? आरेप्‍माम ने हेल्‍लो वो मेएँ।

२ कोरिन्‍थी 8:2

छो़म इम्‍मु मेचाप्‍मिवाम दु़खाडा वो छो़म भ्रम्‍सिम्‍डी मा मेर्मिम दु़खापोङा लोवो छो़म ग्‍वा-ग्‍वाद्‌वाक्‍पा नका मेर्मिमका ग्‍वाम्‍डी।

एफिसी 1:18

मेम्‍मा इनीमा नगोडा माम्‍चु़नीकु ओल झ्‍वाबेसाका, माम्‍चु़नीका गानीलाई हाम ग्‍वामु लागि येट्‌निमिम, मा उनीमा मु़चु़मिमलाई ग्‍वानिनी र्‍वाम्‍डिम डोक्‍पु जि-वामिम,

एफिसी 1:7

माम्‍चु़नीकु छो़म डोक्‍पु दिदामका ख्रीष्‍टकु सिसिलामका गुमीडाङा गुइलाई सेल्‍साड्‍डामी, मा इकीमा छु़ल हेप्‍साड्‌डामिम बु।

एफिसी 2:4

लावो माम्‍चु़नी छो़म न-थो़मनुङमा बुमी मा गुइलाई छो़म रिखाम बेसाड्‌डामी।

एफिसी 2:7

रोक्‍पा थारीमिमडा हेल्‍लो लोवो गुइलाई बेसाड्‌डामिम डोक्‍पु रिखाम रेम्‍बोमुलाई ओर्मिम खोत्‍ले बेम्‍डी। ओराम रिखाम गुमीका गुइलाई ङाचो़ येशू ख्रीष्‍टलामका रेम्‍बेम्‍डिम बु।

एफिसी 3:16

उनीमा हेल्‍लो वो मेहुक्‍पा जि-वाका सासाका उनीमा पेललामका गानीलाई यु़म ग्‍वाक्‍साका इनीमा न-गो सोनुङमा दु़म्‍बेन्‍मिनु़ र्‍वाक्‍साका यु़मनुङमा माम्‍चु़नीनुङ सो़म्‍दी बेउ।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

फिलिप्‍पी 4:19

आमा माम्‍चु़नीका र्‍वामु मेझापा उनीमा खाप्‍चीलामका गानी चाहे बोनिमिम खोत्‍ले ख्रीष्‍ट येशूडा ग्‍वानिमी।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

कलस्‍सी 2:2

इनीमा सो हन्‍नु़ मा रिखाम बेबोमुडा कोले दु़म्‍नी र्‍वाक्‍साका ओराम बेउतोम बु। इनीमा थो़रडा ने जो़पा दु़म्नी मा गानी मेमुर्पा दु़म्नी, हेङालोने गानी आच्‍छाङाकाम सिजेम जो़होमका थेसिथेट्‌निम बु। मेम्मा माम्‍चु़नीकु थक्‍मा ल्‍वा ख्रीष्‍टकु दुथाम आच्‍छाङाका थेसिथेनिनु़ र्‍वाक्‍पा आमा न बु।

१ तिमोथी 1:16

लावो छु़लचो़मिमगोडाम छो़म डोक्‍पु छु़लचो़ दु़म्‍साका वो गोलामका येशू ख्रीष्‍टका खोत्‍ले इम्‍सिक्‍साका रेम्‍बोमु चाम्‍मिनु़, मा गुमीडला थो़र लु़साका हेल्‍लो वो मेसिपा त्‍वारो़म ल्‍वापामिमकाम लागि गो कोले रेम्‍बेपा मु़चु़ दु़म्‍मु चापुनु़ र्‍वाक्‍साका न-थो़म ल्‍वाउतो।

१ तिमोथी 6:17

ओराम सु़म्‍दिसेरडाम खाप्‍चीचो़मिमलाई डोक्‍पु मेलिम्‍सिमु बेमी, घरिकोङ ल्‍वापा खाप्‍चीडा मेएँ, लावो गुइलाई लिट्‌पा बेसाका खोत्‍ले मोमु ग्‍वाक्‍पा माम्‍चु़नीलाम ल्‍वापा न मेर्मिमका बोमिनु़।

१ पत्रुस 3:20

मेर्मिमका माके माम्‍चु़नीका र्‍वाम्‍डिम होम्‍साका मेबेमिवा। नोआका कुबी-बोक्‍सा बनेबु़डु़लोसम्‍म माम्‍चु़नीका इम्‍साका लम्‍थाट्‌मिडिम बाइडा। मेराम कुबी-बोक्‍सागोनो खोत्‍ले लेत्‍ले मु़चु़मिम कोङङा कुड्‌डा प्‍लु़म्‍सिमुडाम सेल्‍सिम्‍डिम बाइडा।

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।

२ पत्रुस 3:15

गानी ओराम मिम्‍नी, ङाचो़कु इम्‍सीका मु़चु़मिमलाई सेल्‍सिबेट्‌पा थारी ग्‍वाकु़। छो़म इकी द्‌वादीबुङ पावलका वो माम्‍चु़नीका गुलाई ग्‍वाम्‍डिम नेप्‍चीका गानीलाई ओरामङा र्‍याक्‍तु़म बाइडा।

२ पत्रुस 3:3

खोत्‍लेडाम ङादो गानी ओराम ल्‍वा थेसिथेन्‍मु बासी, हुक्‍पा थारी बिलि गानीलाई सेम्‍ला बेट्‌पा मु़चु़मिम रोमी, सेम्‍ला बेसी नुङ मेर्मिमकु उनी मेजो़पा नमिम होम्‍साका दोमी।

२ पत्रुस 3:9

ङाचो़का याचे जेम्‍डिमडा गुमी छु़मी र्‍वाक्‍पा याङ-याङकु थेसिथेसी होङङा ङाचो़ मेछु़मी। सु़ वो पुयु़मेलुमिनु़, लावो खोत्‍लेका मेजो़पा खारी बोमु डिन्‍मिनु़मा गुमीडा ख्‍लोम्‍सिमिनु़ र्‍वाक्‍साका गुमीका गानीलाई इम्‍साका लम्‍थामी।

रेम्‍बेट्‌मिडिम ल्‍वा 2:21

गो गुलाई माम्‍चु़नीथो़ ख्‍लोम्‍सिमु जो़पा थारी ग्‍वाक्‍तो, लावो गुका वाङमिम वोस्‍चो़नुङ अम्‍मु डिन्‍मु न मेबु़वा।

रेम्‍बेट्‌मिडिम ल्‍वा 3:20

थो़सा, गो लाम्‍चोकोडा येम्‍सिङुमा हेला बेउ। कोङनिमका आमा लो़लाम थो़सु़मा लाम्‍चोको होलु़ माला गो मेगोनो बिङु मा गुनुङ पोचुकु-डुचुकु मा गुका गोनुङ पु़।