रोमी 2:2 - थुलुङ राई

² आरेप्‍माम खारी बेपामिमडला माम्‍चु़नीका जो़होमका निया बोमी र्‍वाक्‍साका गुइ चडिम बु।

रोमी 2:2 Iomraidhean Croise

थु़र्मा 17:31

हेङालोने माम्‍चु़नीका उनी त्‍वाका ङा थुट्‌मीडिम येशूलामका सुबुडा बाट्‌पा मु़चु़मिमकाम जो़होमका निया दु़म्‍पा कोङ थारी जु़ल्‍मिडिम बु, मा गुमीलाई सिमुलामका फम्‍डिमा खोत्‍ले मु़चु़मिमलाई ओराम आच्‍छाङा र्‍वाक्‍पा रेम्‍बेम्‍डिम बु।”

रोमी 2:1

मेम्‍मिमका वाङमिमकु निया बेपा मु़चु़नी, गो मुमा मान्‍थिम बुङु र्‍वामु मेल्‍वानी, हेङालोने उहेम ल्‍वाडा गानी वाङमिमलाई मुमा बेनिमी मेराम खारी इनी त्‍वाका वो बोनी मा मुमाचो़ दु़म्‍नी।

रोमी 2:3

ए मु़चु़नी, गानी आरेप्‍माम खारी बेपामिमलाई मुमा बेनिमी मा गानी वो मेप्‍माम ङा खारी बोनी माला, हाम माम्‍चु़नीकु नियालामका लुङल्‍याङु र्‍वाक्‍पा गानी मिम्‍सिनी?

रोमी 2:5

लावो इनीमा न-गो लुङ होप्‍माम बेन्‍निमा गुमीथो़ ख्‍लोसिमु न मेबेनिवा। मेम्‍मिमका माम्‍चु़नीकु निया रेम्‍बेसिक्‍पा मेराम छोक्‍चोकाम नेम गानी छो़म डोक्‍पु देन्‍दे ल्‍वानी।

रोमी 9:14

मेम माला गुइ हाम र्‍वामु? हाम माम्‍चु़नीका निया मेबोमी मा? मेम ने मेएँ!

रेम्‍बेट्‌मिडिम ल्‍वा 16:5

मेम्‍मा कु रेपा खारी ल्‍वापा पाह्रीचो़का आरे र्‍वाक्‍ताम गो थो़उतो, “गानी सेपा माम्‍चु़नी, गानी ओम्‍लो वो बुनी, ङादो वो बान्‍नी, गानी जो़पा निया बेन्‍नी,

रेम्‍बेट्‌मिडिम ल्‍वा 19:2

हेङालोने उनीमा निया आच्‍छाङाकाम नुङ जो़पा बु। मे छो़लो़माकु नाम्‍सु़रु़ बेसीका सु़म्‍दिसेरडाम मु़चु़मिमलाई छो़म मेजो़पा बेबेट्‌पा मेरामलाई माम्‍चु़नीका देन्‍दे ग्‍वाम्‍डिम बु। गुमीका उनीमा डु़ल्‍चो़मिमकु सिसिकाम फुलु़ सो़म्‍डिम बु।”