रोमी 2:1 - थुलुङ राई

¹ मेम्‍मिमका वाङमिमकु निया बेपा मु़चु़नी, गो मुमा मान्‍थिम बुङु र्‍वामु मेल्‍वानी, हेङालोने उहेम ल्‍वाडा गानी वाङमिमलाई मुमा बेनिमी मेराम खारी इनी त्‍वाका वो बोनी मा मुमाचो़ दु़म्‍नी।

रोमी 2:1 Iomraidhean Croise

लूका 12:14

लावो येशूका मेराम मु़चु़लाई र्‍वाम्‍डी, “ङोप्‍सो़, मेम्‍साका निया बेपा, मा मुलु़ बेप्‍साक्‍पा सु़का गोलाई थुट्‌ङिडिम बु मा?”

लूका 19:22

“हपका मे डु़ल्‍चो़लाई र्‍वाक्‍ता, ‘गाना इ सिलामका लुक्‍ताम ल्‍वालामकाङा गो मुमा बेनी, ए मेजो़पा न-गोनुङमा डु़ल्‍चो़ बाम आमा मेएँ मेराम रपा, मा हाम मेख्‍लिउवाम बु मेराम रु़पा गो आ न-थो़म मान्‍थिम मु़चु़ बुङु र्‍वाक्‍साका गाना चनामङा बाइडा।

लूका 6:37

“सु़काम वो निया मेबेनी, मा माम्‍चु़नीका इनीमा निया मेबोमी। सु़लाई वो मुमा मेबेट्‌नी, मा माम्‍चु़नीका गानीलाई मुमा मेबेनिमी। मु़चु़मिमलाई पाचो ग्‍वाक्‍निमी, मा माम्‍चु़नीका गानीलाई वो पाचो ग्‍वानिमी।

रोमी 14:22

मेम्‍मिमका पोमु-डुमुडा बाट्‍पा थो़र, गानी नुङ माम्‍चु़नीगोडा कोङङा जु़ल्‍नी। उहेम मु़चु़ उ त्‍वाकाङा जो़पा बु र्‍वाक्‍पा मिम्‍डु़म ल्‍वाका उ त्‍वापलाई मुमा मेबेडु़, मेराम मु़चु़ ने आलाकाम सो़।

रोमी 2:2

आरेप्‍माम खारी बेपामिमडला माम्‍चु़नीका जो़होमका निया बोमी र्‍वाक्‍साका गुइ चडिम बु।

रोमी 2:3

ए मु़चु़नी, गानी आरेप्‍माम खारी बेपामिमलाई मुमा बेनिमी मा गानी वो मेप्‍माम ङा खारी बोनी माला, हाम माम्‍चु़नीकु नियालामका लुङल्‍याङु र्‍वाक्‍पा गानी मिम्‍सिनी?

रोमी 3:9

मेम माला गुइ यहूदीमिम वाङमिमडाम जो़पा बुइ मा? मेम ने मेएँ, हेङालोने यहूदी नुङ वाङसामा खोत्‍लेङा छु़लका हुप्‍डु़मिम बु र्‍वाक्‍साका ङादोङा गो रेम्‍बोमु दु़म्‍तोम बु।

रोमी 9:20

ए मु़चु़नी, माम्‍चु़नीकु कोर्थो़लाम जेपा इनीमा साखाम मिबु। क्‍वाकु सोजामका गोलाई हेङा आरेप्‍माम बनेबेङ्‍डी र्‍वा मा?

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

१ कोरिन्थी 7:16

थो़रलु़पा नाइमेनी, हाम गानी मेचनी, गानी थो़रडा बुनिमिमका इनीमा वोचु़मिम वो थो़रडा रोमु चाम्मी डे? मेम्‍साकाङा थो़रलु़पा वोचु़नी हाम गानी मेचनी, गानी थो़रडा बुनिमिमका इनीमा नाइमेमिम वो थो़रडा रोमु चाम्मी डे?

याकूब 2:20

ए नेप्‍ची मान्‍थिम मु़चु़नी, खारी मान्‍थिम थो़र हाम ना हामकाम दु़म र्‍वाक्‍पा मेचनी?

याकूब 4:11

वा-ल्‍वाकनी, वाङमिमकु दुथाम कोर्थो़लाम मेजो़पा मेजेनी। उहेमका उमा ल्‍वाककु कोर्थो़लाम मेजो़पा जेसाका मुमा बेडु़, मेराम माम्‍चु़नीकाम डु़म्‍लाकु कोर्थो़लाम जेमिम दु़म, मा मेरामका डु़म्‍ला मुमा बेडु़। गानी डु़म्‍ला मुमा बेनी माला ने गानी डु़म्‍ला होम्‍साका दोपा मु़चु़ मेदु़म्‍नी, डु़म्‍लाकु निया बेपा रे दु़म्‍नी सो़।