रोमी 1:1 - थुलुङ राई

¹ माम्‍चु़नीकु थु़र्मा दु़म्‍मु लागि येट्‌ङिडिमिम मा उनीमा जो़पा-सेला थो़बेन्‍मु लागि वाङ दु़म्‍ङोडोम येशू ख्रीष्‍टकु डु़ल्‍चो़ गो पावलका ओराम सेलाखाजेम र्‍याक्‍तोङा बेउ।

रोमी 1:1 Iomraidhean Croise

मर्कूस 1:14

यूहन्‍ना चु़म्‍मिडिम चङडा, माम्‍चु़नीकु जो़पा-सेला थो़बेत्तोङा येशू गालीलडा रोम्‍फाम्‍डी।

यूहन्‍ना 12:26

उहेमका आमा चापेडुपे बु़, मेराम आमा चङचङ लाम्‍दिमु बासी, मा गो बान्‍ते बुङु, आमा डु़ल्‍चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्‍पु बोमी।

यूहन्‍ना 15:15

आथा ने गो गानीलाई डु़ल्‍चो़ मेर्‍वाङु, हेङालोने उमा नेमहपका हाम बु़, मेराम डु़ल्‍चो़का मेच। मेम मेर्‍वाक्‍साका गो गानीलाई ङोप्‍सो़नी र्‍वाङु, हेङालोने आमा पापलामका थो़उतोम खोत्‍ले ल्‍वा गानीनुङ सो़उतोम बु।

यूहन्‍ना 15:20

गो गानीलाई र्‍वाङडोम सिजेम मिम्‍नी, ‘डु़ल्‍चो़ नेमहपडाम डोक्‍पु मेदु़म।’ मेर्मिमका आमा ने थो़मतेर्मी माला इनीमा वो थो़मतेर्मी। मेर्मिमका आमा सीसि थो़मी माला इनीमा सीसि वो थो़मी।

थु़र्मा 13:9

लावो पावल र्‍वाकिमिम शाऊल माम्‍चु़नी-पेलका लु़न्‍स्‍ता, मा एलुमासथो़ रेप्‍डु़म-रेप्‍डु़म ङा बु़डु़।

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

थु़र्मा 21:40

कमाण्‍डरका पावललाई जेमु ग्‍वाक्‍तु़मका, देम्‍कुलीडा येम्‍स्‍तामा उ ल्‍वा थो़त्तो मे सेर्पा मु़चु़मिमलाई लिबा बाबेड्‌डु़मी। मु़चु़मिम लिबा बाम्‍डिम चङडा गुका मेर्मिमनुङ हिब्रू ल्‍वालाम आरे र्‍वाक्‍ता,

थु़र्मा 22:21

“गुमीका गोनुङ र्‍वाम्‍डी, ‘मेलामका लक्‍सा, गो गानालाई हापा होनोवा बाट्‌पा वाङसामामिमकाडा थु़र्नी’।”

थु़र्मा 22:7

मा गो क्‍वायु़ झार्ङोडो, मा गोनुङ आरे र्‍वाक्‍ताम लो़लाम थो़उतो, ‘ए शाऊल, शाऊल, गाना हेङा आमा थो़मतेर्नामिम?’

थु़र्मा 26:1

हप अग्रिपासका पावलनुङ र्‍वाक्‍ता, “गाना इमा त्‍वाकु दुथाममिम ल्‍वा जेमु चाम्‍ना।” मेकोतिमा उमा ल्‍वा कोस्‍तु़मा पावल जेमु चो़म्‍डु़:

थु़र्मा 26:14

गुकु खोत्‍ले क्‍वायु़ झार्तोकोलो हिब्रू ल्‍वालाम कोङ लो़लामका गोलाई आरे र्‍वाक्‍ताम थो़उतो, ‘शाऊल, शाऊल, गाना हेङा आमा थो़मतेर्नामिम? खानायु़प्‍ते डु़लु़म्‍चो़कु जु़जु़डा इमा फेमखेलका यानालो इ त्‍वाकाडा ङा मेनो?’

थु़र्मा 27:23

हेङालोने गो सो़रलोले बेउमिम आमा माम्‍चु़नीकु उनी पाह्रीचो़ बासिन्‍था आमाडा रोक्‍ता,

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

रोमी 1:9

उनीमा तारापाचो़काम जो़पा-सेला थो़बेन्‍मुडा छो़म न सोक्‍साका उनीमा खारी बेउ। गो गानीलाई प्‍ल्‍वान्‍निनिम मिबु लावो इनीमा लागि गो हेल्‍लो लोवो सो़म्‍दी बेउहोम बुङु। माम्‍चु़नी आमा दुथाम सो़पा बुमी।

रोमी 11:13

गानी वाङसामामिमलाई गो ओराम ल्‍वा र्‍वाक्‍तोङा बेउ। गो वाङसामामिमकु थु़र्मा दु़म्‍ङोडोमका जो़पा-सेला दो़पा खारी बोमुङा छो़म डोक्‍पु मिम्‍पु।

रोमी 15:16

वाङसामाकाम लागि माम्‍चु़नीकु डु़म्‍लाचो़का बोमु बासिक्‍पा होम्‍साका खारी बोमु लागि गुमीका गोलाई ओराम दिदाम ग्‍वाङडिमिम सो़। मेम्मिमका माम्‍चु़नी-पेललाम सेपा दु़म्‍साका माम्‍चु़नीडा सासेन्‍सिमु घ्रेट्‍पा दु़म्‍मिनु़।

रोमी 15:29

गो इनीमाडा रोङुलो येशू ख्रीष्‍टलाम ल्वाउतोम जिवा हापा रेट्‍पुमा रोङु र्‍वाक्‍साका गो चक्‍तोम बु।

रोमी 16:18

हेङालोने मेर्मिमका ने ङाचो़कु खारी बेपा मेएँ लावो त्‍वाकु ख्‍वाचेपकाम लागि कोङङा बोमी सो़। मेर्मिम ने ड-ड जो़पा लिसीमिमा भ्रपा जेमी मा जो़पा न-गोकाम मु़चु़मिमलाई गोलामका वायम डमी।

रोमी 16:25

येशू ख्रीष्‍टकु दुथाम गो दो़उतोम जो़पा-सेलालाम माम्‍चु़नीका इनीमा थो़रलु़सीडा सोनुङमा दु़म्‍बेनिमी। ओराम ल्‍वा सु़म्‍दिमोलो आथामङा थक्‍मा बाइडा र्‍वाक्‍साका छ्‍याङलो छ्‍याङलो रेम्‍बु़डु़म बु।

१ कोरिन्थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टका उनीमा थु़र्मा मु़चु़ दु़म्‍मु छेट्‌ङिडिमिम गो पावल मा गोनुङ लाम्‍दिपा आकीमा ल्‍वाक सोस्‍थेनेसलामका सो़।

१ कोरिन्थी 9:1

हाम गो वो वाङमिम होम्साका त्‍वाकु नसीहोमका दोमु मेचापु मा? हाम गो थु़र्मा मेएँ मा? हाम गो इकी ङाचो़ येशू ल्‍वाउतोमिम मिबु मा? हाम ङाचो़कु खारी बेसाका गो ल्‍वान्‍निनिम गानी ङा मेएँ मा?

२ कोरिन्‍थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टकु थु़र्मा दु़म्‍ङोडोम गो पावल नुङ आकीमा ल्‍वाक तिमोथीलामका सो़। गो कोरिन्‍थ शहरडा बाट्‌पा माम्‍चु़नीकु मण्‍डली नुङ अखैयाडा बाट्‌पा माम्‍चु़नीकु खोत्‍ले सेपा मु़चु़मिमलाई ओराम सेलाखाजेम र्‍याक्‍तोङा बेउ।

२ कोरिन्‍थी 11:5

त्वापङा डोक्‍पु दु़म्‍पा मे थु़र्मामिम लिसिक्‍पामिमडाम गो कि-किम वो याक्‍के मेबुङु।

२ कोरिन्‍थी 11:7

माम्‍चु़नीकु जो़पा-सेला गानीलाई हाम वो मेरसाका मेडेङा थो़बेट्‌निनिमा गो आ त्‍वाप याक्‍के दु़म्‍ङोडो मा गानीलाई डोक्‍पु दु़म्‍बेट्‌निनी। हाम आरे बेउतोमका गो छु़ल बेउतो?

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

२ कोरिन्‍थी 2:12

ख्रीष्‍टकु दुथाम जो़पा-सेला थो़बेड्‌डा गो त्रोआस शहरडा रोङडोलो ङाचो़का आमा लागि लाम्‍चोको होल्‍साङ्‌डिमिम बाइडा।

२ कोरिन्‍थी 4:5

गुकु थो़बेन्कुमिम ल्‍वा आकीमा दुथाममिम मेएँ, लावो येशू ख्रीष्‍ट ने ङाचो़ र्‍वाक्‍पा ल्‍वा नुङ ख्रीष्‍टकाम लागि गुकु इनीमा डु़ल्‍चो़ दु़म्‍तोकोम बु र्‍वाक्‍साका थो़बेन्‍कु।

गलाती 1:1

गो थु़र्मा पावललामका गलातियाडाम मण्‍डलीमिमलाई ओराम सेलाखाजेम र्‍याक्‍तोङा लेट्‌पु। गो थु़र्मा दु़म्‍ङोडोम ने मु़चु़मिमलामका मेएँ, मु़चु़मिमकु साखामका वो मेएँ, लावो येशू ख्रीष्‍ट नुङ गुमीलाई सिमुलाम फक्‍खेट्‌पा माम्‍चु़नी पापका गोलाई थु़र्मा दु़म्‍बेट्‌ङिडिमिम सो़।

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।

एफिसी 1:13

मेम्साका गानी वो आच्‍छाङाकु सिजेम, सेल्सिक्‍पा जो़पा-सेला थो़न्‍निमा ख्रीष्‍टडा थो़र बेन्‍नी। मेम्मिमका माम्‍चु़नीका ङादो याचे जेम्‍डिम माम्‍चु़नी-पेल गानीलाई ग्‍वाक्‍साका उनीमा मु़चु़ र्‍वाक्‍पा छाप ओप्‍मिडिम बु।

एफिसी 4:11

गुमीकाङा याङलाई थु़र्मा दु़म्‍बेट्‌मिडी, याङ माम्‍चु़नीलाम जेपा, याङलाई जो़पा-सेला दो़पा, याङ मण्‍डली रेपा मा याङ मण्‍डलीडा सीपा दु़म्‍बेट्‌मिडी।

फिलिप्‍पी 1:1

ख्रीष्‍ट येशूकु डु़ल्‍चो़चिप, गुचुकु पावल नुङ तिमोथीका, फिलिप्‍पी मण्डलीडाम रेपा ङाउमिम, डिकनमिम मा येशू ख्रीष्‍टडा थो़र लु़पा खोत्‍ले मु़चु़मिमलाई ओराम सेलाखाजेम र्‍याक्‍तोङा बोचुकु।

फिलिप्‍पी 2:11

मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

कलस्‍सी 1:1

माम्‍चु़नीकु नलामका ख्रीष्‍ट येशूकु थु़र्मा मु़चु़ दु़म्‍ङोडोम गो पावल नुङ गुइ होम्‍साकाङा येशूडा थो़र बेपा ल्वाक तिमोथीका,

कलस्‍सी 1:25

माम्‍चु़नीका ङा गोलाई उनीमा डु़ल्‍चो़ दु़म्‍बेट्‍ङिडिमी, मा गानीलाई खोत्‍ले उनीमा सिजेम सो़साका मण्‍डलीकु खारी बेपा खुन्‍चु़म गुमिकाङा ग्‍वाङ्‌डिमिम बु।

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

१ थेसलोनिकी 2:8

गानीलाई गुकु छो़म रिखाम बेत्तोकोमका माम्‍चु़नीकु जो़पा-सेला गानीनुङ सो़मु कोङङा मेएँ, लावो इनीमा लागि आकीमा साम फ्‍यामु वो गेर्सिद्‌वाक्‍पा बात्तोको। हेङालोने गानी छो़म आकी द्‌वादीबुङ दु़म्‍निम बाइडा।

१ थेसलोनिकी 2:9

वा-ल्‍वाकनी, गुकु मेचाप्‍तो खारी नुङ ब्राम्‍दु़ल्‍वा बेत्तोकोम ने गानी चनिमिमङा बु। माम्‍चु़नीकु जो़पा-सेला गानीलाई थो़बेत्तोकोलो पोमु-डुमुडा भुक्‍ता मेग्‍वामुमि र्‍वाक्‍साका नेम्‍फु सिन्‍था खारी बेत्तोको।

१ तिमोथी 1:1

थो़रलु़सीडा आमा आच्‍छाङाकाम तारापाचो़ होप्‍माम तिमोथी, गो पावलका गानालाई ओराम सेलाखाजेम र्‍याक्‍तोङा बेउ। गुइ ख्रीष्‍ट येशूलाम हाम हुम ल्‍वापा न बिइमिम नुङ गुइलाई सेल्‍पा इकीमा माम्‍चु़नीका बेबेट्‌ङिडिमिम होम्‍साका गो ख्रीष्‍ट येशूकु थु़र्मा सो़। माम्‍चु़नी नुङ इकीमा ङाचो़ ख्रीष्‍ट येशूलामका गाना दिदाम, न-थो़म, नुङ न-भ्रसी ल्‍वानानु़!

१ तिमोथी 2:7

मेम्‍मिमका माम्‍चु़नीका ओराम उनी नकाम लागि जो़पा-सेला सो़पा नुङ थु़र्मा थुट्‌ङिडिमिम बु, मा आच्‍छाङाकाम सिजेम वाङसामामिमलाई सीपा मु़चु़ दु़म्‍ङोडोम बु। गो ओराम लिमा मेथेसाका आच्‍छाङा र्‍वाङुमिम सो़।

२ तिमोथी 1:11

ओराम जो़पा-सेलाकाम लागि जो़पा-सेला थो़बेट्‌पा, थु़र्मा नुङ सीपा कोङ मु़चु़ माम्‍चु़नीका गोलाई थुट्‌ङिडिमिम बु।

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।

हिब्रू 5:4

सु़का वो त्‍वाका न बेसाका डोक्‍पु डु़म्‍लाचो़ दु़म्‍मु मेचाप्‍सु़। लावो हारूनलाई होम्‍साका गुलाई खारी बेप्‍डा माम्‍चु़नीका येट्‌मिडिम दु़म्‍मु बासी।

हिब्रू 7:26

मेम्‍मिमका गुइ चाहेबिइमिम डोक्‍पु डु़म्‍लाचो़ ने येशू ङा सो़। गुमी सेपा, हाम वो मेख्‍लो़ट्‌पा, छु़ल मान्‍थिम बुमी, मा गुमी छु़लचो़मिमडाम वाङ दु़म्‍साका खोत्‍लेडाम गेले पाह्रीला कोसिक्‍पा बुमी।

याकूब 1:1

माम्‍चु़नी नुङ ङाचो़ येशू ख्रीष्‍टकु डु़ल्‍चो़ याकूबलामका, नेब्‍दी-नेब्‍दीडा फोन्‍सिक्‍साका बाट्‌पा को-न (१२) दोचो़मिमलाई सेव!

१ पत्रुस 4:17

हेङालोने माम्‍चु़नीकु मु़चु़मिमलामकाङा निया दु़म्‍मु चो़म्‍सिक्‍पा थारी रोक्‍ताम बु। निया दु़म्‍मु गुइलामकाङा चो़म्‍सी माला ने माम्‍चु़नीकु जो़पा-सेला होम्‍साका दोमु मेद्‌वाक्‍पामिमलाई ने हाम दु़म?

२ पत्रुस 1:1

गो येशू ख्रीष्‍टकु डु़ल्‍चो़ नुङ थु़र्मा सिमोन पत्रुसका, इकीमा माम्‍चु़नी नुङ गुइलाई सेल्‍पा येशू ख्रीष्‍टकु चोमिक्‍सी मान्‍थिम नुङ जो़पा खारी बेसीलामका आकीमा होप्‍माम हापा थिकाम थो़र ल्‍वापा गानीलाई ओराम सेलाखाजेम र्‍याक्‍तोङा बेउ।

यहूदा 1:1

येशू ख्रीष्‍टकु डु़ल्‍चो़ नुङ याकूबकु ल्‍वाक यहूदालामका– माम्‍चु़नी पापलामका थसिक्‍पा नुङ रिखाम ल्‍वापा मा येशू ख्रीष्‍टकाम लागि बोट्‌मा-थार्मामिम,

रेम्‍बेट्‌मिडिम ल्‍वा 1:1

ओराम खाजेमडा दालाङा हाम दु़म्मिम मेराम ल्‍वा येशू ख्रीष्‍टका रेम्‍बेम्‍डिम बु। त्‍वाकु लाले-पाङके बेपा डु़ल्‍चो़मिमका दालाङा ओराम ल्‍वाकु दुथाम चमिनु़ र्‍वाक्‍साका माम्‍चु़नीका ओराम रेम्‍बेट्‌मिडम ल्‍वा येशूलाई ग्‍वाम्‍डी। मेम्‍मा ओराम ल्‍वाकु दुथाम सो़मु लागि येशूका कोले पाह्रीचो़लाई उनीमा त्‍वाकु डु़ल्‍चो़ यूहन्‍नाकाडा थु़र्मिडी।

रेम्‍बेट्‌मिडिम ल्‍वा 22:6

मे पाह्रीचो़का गोलाई आरे र्‍वाक्‍ता, “गानालाई र्‍वाक्‍मा ओर्मिम खोत्‍ले ल्‍वा थो़रलु़इमिम नुङ आच्‍छाङाकाम बु सो़। दु़म्‍मुङा खापा ल्‍वामिम उनी डु़ल्‍चो़मिमलाई रेमबेन्‍मु गुमीलाम जेपा मु़चु़मिमलाई न ग्‍वाक्‍पा मिप्रङमा माम्‍चु़नीका उनी पाह्रीचो़ थु़र्मिडी।”

रेम्‍बेट्‌मिडिम ल्‍वा 22:9

लावो गुका गोलाई आरे बेङ्‌डी, “आरे ने मेबे! गो ने गाना, माम्‍चु़नीलाम जेपा इमा वा-ल्‍वाकमिम नुङ ओराम खाजेमडाम सिजेममिम होम्‍साका दोपामिम होप्‍माम माम्‍चु़नीकु डु़ल्‍चो़ कोङङा सो़। माम्‍चु़नीलाई सेव साडा।”