रेम्‍बेट्‌मिडिम ल्‍वा 8:5 - थुलुङ राई

⁵ मेम्‍मा पाह्रीचो़का मे धूप चाखोप रङ्‍डु़मा सासेन्‍खोपडला मुका देम्‍बेट्‌डु़, मा सुबुडा घ्रोक्‍तु़। मेम्‍मा बुलु़लु़ बु़डु़, गुडुमाक्‍सी जेस्‍ता, ब्‍ल्‍याक्‍ची ओप्‍डु़ मा सुबुरुक्‍सी लस्‍ता।

रेम्‍बेट्‌मिडिम ल्‍वा 8:5 Iomraidhean Croise

मत्ती 24:7

कोङ सामा कोङमी सामाकु कोर्थो़लाम नुङ कोले किब्‍दी कोङमी किब्‍दीकु कोर्थो़लाम ब। याङ-याङडा पोमु-डुमुकु दु़खा दु़म, मा सुबुरुक्‍सी ल।

लूका 12:49

“सुबुडा गो मु वाबेड्‌डा योङडोम सो़, मेराम मु ने ङादोङा वाकसोकावाम माला ने नु़यावा।

थु़र्मा 16:26

मेकोतिलोङा कोचोत्ति कोले डोक्‍पु सुबु-रुक्‍सी रोक्‍ता, मा मे झ्‍यालखान ङा रक्‍तु़। मेकोतिमा खोत्‍ले लाम्‍चोकोमिम होल्‍सिम्‍डी, मा खोत्‍ले सेल रिवामिम ब्रोम्‍सिम्‍डी।

थु़र्मा 4:31

आरेसाका मेर्मिमका सो़म्‍दी बोमु डु़म्‍मिडी, मा मेर्मिम खोम्‍सिडिम बाय रुड्‌डु़। मेकोतिमा मेर्मिम खोत्‍लेङा माम्‍चु़नी-पेलका लु़न्‍सिम्‍डी, मा मेर्मिमका माम्‍चु़नीकु सिजेम मेङिसाका ङा दो़म्‍डी।

रेम्‍बेट्‌मिडिम ल्‍वा 11:13

मेराम थारीकाङा डोक्‍पु सुबु रुक्‍सी लस्‍ता मा को धु़म फ्‍वाकु को फ्‍वा शहर झार्स्‍ता। मेम्‍मा येत धु़मसङ (७,०००) मु़चु़मिम सुबु रुक्‍सीडा सिम्‍डी। मेसिपा वाङमिम मु़चु़मिम ङिम्‍डी मा मु़चु़मिमका पाह्रीलाम माम्‍चु़नी यु़मनुङमा बुमी र्‍वाम्‍डी।

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 4:5

मे साखाम थो़पा गन्‍खोपलामका ब्‍ल्‍याक्‍ची झ्‍वाक्‍ताम बाइडा, गुडुमाक्‍सी र्‍वाक्‍साका जेस्‍ताम बाइडा मा बुलु़लु़ बु़डु़म बाइडा। मे साखाम थो़पा गन्‍खोप ङादोडा येतले धिप्‍रीमिम झ्‍वाम्‍डिम बाम्‍डी, मेर्मिम ने माम्‍चु़नीकु येतले पेलमिम सो़।

रेम्‍बेट्‌मिडिम ल्‍वा 6:12

भेन्‍दाचो़का रुनोम छाप पिम्‍डिम गो ल्‍वाउतो मा मेसिन्‍डा कोङ डोक्‍पु सुबुरुक्‍पा रोक्‍ता। नेम्‍सुङ तुकुम्‍चिम होप्‍माम केकेया दु़स्‍ता मा ख्‍लो़मु सिसि होप्‍माम लालाया दु़स्‍ता।

रेम्‍बेट्‌मिडिम ल्‍वा 8:3

मेम्‍मा सो़नाकाम धूप चाखोप जेथाक्‍पा कोङमी पाह्रीचो़ रोक्‍ता मा सासेन्‍खोपफार्डा येम्‍स्‍ता। हप गन्‍खोपकु ङादोडा बाट्‍पा सो़नाकु सासेन्‍खोपडला माम्‍चु़नीकु खोत्‍ले मु़चु़मिमका सो़म्‍दीनुङ धूप चामिनु़ र्‍वाक्‍साका गुलाई हापा धूप ग्‍वाम्‍डी।