रेम्‍बेट्‌मिडिम ल्‍वा 8:2 - थुलुङ राई

² मेम्‍मा माम्‍चु़नीकु ङादोडा येम्‍तासिट्‌पा येतले पाह्रीचो़मिम ल्‍वाउतो। मेर्मिमलाई माम्‍चु़नीका येतले भुम ग्‍वाम्‍डी।

रेम्‍बेट्‌मिडिम ल्‍वा 8:2 Iomraidhean Croise

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

मत्ती 24:31

मिनीचो़का उ पाह्रीचो़मिमलाई भुमकु डोक्‍पु लो़लामनुङ थु़रु़मी, मा छेट्‌मा उ मु़चु़मिमलाई सुबुडाम खोत्‍लेथो़लाम मेर्मिमका खोम्‍मी।

लूका 1:19

पाह्रीचो़का गुनुङ र्‍वाक्‍ता, “माम्‍चु़नीनुङ दु़म्‍पा डोक्‍पु पाह्रीचो़ गो गब्रिएल सो़। गानानुङ ल्‍वा बेप्‍डा नुङ ओराम जो़पा-सेला थो़बेड्‌डा गुमीकाङा गोलाई थु़र्ङिडिमिम सो़।

लूका 21:36

लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

१ कोरिन्थी 15:52

घरिकोङकाङा, मिक्‍सीकु चिक्रिमकाङा, चङडाम थारीकु भुमकु लो़लामडा गुइ मिरो़मडा वाङ दु़म्‍सीमा ख्‍लोसिडी। हेङालोने भुम जे, मा सिपा मु़चु़मिम हेल्‍लो वो मेसिपा बेसाका बमी। गुइ नु़पामिम ने लाले मिरो़म ख्‍लोसिडी।

१ थेसलोनिकी 4:16

डोक्‍पु-पाह्रीचो़कु लो़लाम नुङ पाह्रीचो़मिमका माम्‍चु़नीकु भुम डु़प्‍मिमिमकु लो़लामका ङाचो़ येशू उनी त्‍वापङा डोक्‍पु लो़लामका साखामनुङ येत्तो पाह्रीलामका योमी। मेम्‍मा ख्रीष्‍टडला थो़रलु़साका सिपामिम ङादोङा बम्‍गेमी।

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रेम्‍बेट्‌मिडिम ल्‍वा 15:1

मेम्‍मा गो पाह्रीला कोङमी डोक्‍पु नुङ हेल्‍लो वो मेल्‍वाम्‍मा ओराम छेखोप ल्वाउतो। येतले पाह्रीचो़मिमका येतले दु़खा थारीमिम रेट्‌मिडिम बाइडा। मेर्मिम ने चक्‍थो़म दु़खामिम बाइडा, हेङालोने ओर्मिम दु़खामिम हुमिम चङडा माम्‍चु़नीका छोक्‍चो बोमु डिन्‍मी।

रेम्‍बेट्‌मिडिम ल्‍वा 16:1

मेकोतिमा सो़रनेमलाममिम कोङ डोक्‍पु लो़लामका येतले पाह्रीचो़मिमलाई आरे बु़डु़मिम गो थो़उतो, “लक्‍नी, मा माम्‍चु़नीकु छोक्‍चोकु येतले कान्‍चु़रेमिम सुबुडला अनी।”

रेम्‍बेट्‌मिडिम ल्‍वा 8:13

मेम्‍मा गो रेप्‍तो होङङा धामुकु थेतेला हुट्‌पाम बाट्‌पा कोले खिरिजङमाका डोक्‍पु लो़लामका आरे र्‍वाक्‍ताम थो़उतो, “वाङमिम सुले पाह्रीचो़मिमका भुम डु़म्‍मु खाप्‍मिमिम ने हाउरेमा! हाउरेमा! हाउरेमा! सुबुडा बाट्‌पामिम ने।”

रेम्‍बेट्‌मिडिम ल्‍वा 8:6

मेकोतिमा येतले भुमनुङमा येतले पाह्रीचो़मिमका मेराम डु़म्‍मु झो़म्‍सिम्‍डी।

रेम्‍बेट्‌मिडिम ल्‍वा 9:1

मेम्‍मा ङोनोम पाह्रीचो़का उ भुम डु़प्‍डु़, मा धामुलामका सुबुडा कोले सोरलुङ आल्‍स्‍ताम गो ल्‍वाउतो। कोङनिमका मेराम सोरलुङलाई छो़म घ्‍लु़म्‍पा पोलु़म कु चाबी ग्‍वाम्‍डी।