रेम्‍बेट्‌मिडिम ल्‍वा 8:13 - थुलुङ राई

¹³ मेम्‍मा गो रेप्‍तो होङङा धामुकु थेतेला हुट्‌पाम बाट्‌पा कोले खिरिजङमाका डोक्‍पु लो़लामका आरे र्‍वाक्‍ताम थो़उतो, “वाङमिम सुले पाह्रीचो़मिमका भुम डु़म्‍मु खाप्‍मिमिम ने हाउरेमा! हाउरेमा! हाउरेमा! सुबुडा बाट्‌पामिम ने।”

रेम्‍बेट्‌मिडिम ल्‍वा 8:13 Iomraidhean Croise

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

रेम्‍बेट्‌मिडिम ल्‍वा 11:14

ननोम ङिमलु़पा ल्‍वा हुक्‍ता, सुनोम ङिमलु़पा ल्‍वा रोक्‍तोङा लेडु़।

रेम्‍बेट्‌मिडिम ल्‍वा 12:12

मेम्‍मिमका पाह्रीला नुङ मेला बाट्‌पामिम भ्रन्‍सिट्‌नी। लावो सुबु नुङ दिरिदिनडा बाट्‍पामिम ने हाउरेमा! हेङालोने उमा थारी कति दु़पा बु र्‍वाक्‍पा चक्‍साका मुनाङमिमकु ङाउ छो़म उ छोक्‍चोनुङमा इनीमायु़ योक्‍ताम बु।”

रेम्‍बेट्‌मिडिम ल्‍वा 14:3

मेम्‍मा को-ब्ल सङसङ ब्ल धु़मसङ मु़चु़मिमका मे हपकु गन्‍खोप, ब्‍लले सामनुङमा नुङ ङाउ-डु़म्‍लाचो़मिमकु ङादोडा कोले लाले काम्‍सो बेम्‍डी। माम्‍चु़नीका मेर्मिमलाई सुबुलामका थि सोक्‍साका सेल्‍मिडिम बाइडा, मेर्मिमडाम वाङमिम सु़का वो मे लाले काम्‍सो सीम्‍सिमु मेचाप्‍मिवा।

रेम्‍बेट्‌मिडिम ल्‍वा 14:6

मेम्‍मा कोङमी पाह्रीचो़ धामुकु थेतेडा हुट्‌पाम बाट्‌पा गो ल्‍वाउतो। सुबुडा बाट्‌पा खोत्‍ले नेब्‍दीमिम, दोचो़, ल्‍वा जेपामिम नुङ मु़चु़मिमलाई थो़बेन्‍मु हेल्‍लो लोवो बाट्‌पाम बाट्‌पा जो़पा-सेला गुनुङ बाइडा।

रेम्‍बेट्‌मिडिम ल्‍वा 19:17

मेकोतिमा कोले पाह्रीचो़ नेम्‍सुङडा येम्‍तासिट्‌पा गो ल्‍वाउतो। मेरामका हाला-हाला धामुला हुट्‌पा खोत्‍ले चक्‍पुमिमलाई डोक्‍पु लो़लामका येस्‍तामा आरे बु़डु़मी, “रोक्‍नी, माम्‍चु़नीकु डोक्‍पु ग्रुलाडा खोम्‍सिट्‌नी,

रेम्‍बेट्‌मिडिम ल्‍वा 3:10

गो र्‍वाङ्‌डोम होङङा गाना इम्‍सिक्‍साका बेन्‍ना। मेम्‍मिमका रोमु खापा दु़खा थारीडाम गो गानालाई बोनी-थार्नी। मेराम दु़खा ने सु़म्‍दिसेरडा बाट्‌पामिम खोत्‍लेडला रो।

रेम्‍बेट्‌मिडिम ल्‍वा 8:2

मेम्‍मा माम्‍चु़नीकु ङादोडा येम्‍तासिट्‌पा येतले पाह्रीचो़मिम ल्‍वाउतो। मेर्मिमलाई माम्‍चु़नीका येतले भुम ग्‍वाम्‍डी।

रेम्‍बेट्‌मिडिम ल्‍वा 9:1

मेम्‍मा ङोनोम पाह्रीचो़का उ भुम डु़प्‍डु़, मा धामुलामका सुबुडा कोले सोरलुङ आल्‍स्‍ताम गो ल्‍वाउतो। कोङनिमका मेराम सोरलुङलाई छो़म घ्‍लु़म्‍पा पोलु़म कु चाबी ग्‍वाम्‍डी।

रेम्‍बेट्‌मिडिम ल्‍वा 9:12

कोनोम ङिमलु़पा हेम्‍स्‍ता। आथावो ङिमलु़पा नले थारी रोक्‍तोङा बोची।