रेम्‍बेट्‌मिडिम ल्‍वा 8:1 - थुलुङ राई

¹ भेन्‍दाचो़का येतनोम छाप पिम्‍डी, मेम्‍मा आधा घण्‍टा कोकोसम्‍म पाह्रीला वायवाय दु़स्‍ता।

रेम्‍बेट्‌मिडिम ल्‍वा 8:1 Iomraidhean Croise

मत्ती 27:66

मेकोतिमा मेर्मिम लम्‍डिमा सु़लु़मकु ख्रेमलुङडा छाप ओप्‍मिडी, मा सिपाहीमिमलाई लन्‍बेट्‌मिडी।

रेम्‍बेट्‌मिडिम ल्‍वा 5:1

मेम्‍मा मे हप गन्‍खोपडा गन्‍तासिट्‌पा गुमीलाई गो ल्‍वाउतोमी। निफिलाम र्‍याक्‍मामा येतले छापमिम ओप्‍साका दिल्‍साका जु़ल्‍मा कोले खाजेम उनीमा जो़प ल्‍वाडा बाइडा।

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।

रेम्‍बेट्‌मिडिम ल्‍वा 6:1

मे भेन्‍दाचो़का येतले छापमिमगोडाम कोलेलाई पिम्‍डिम गो ल्‍वाउतो। मेम्‍मा ब्‍लले सामनुङमामिमगोडाम कोलेका बुलु़लु़ होङङा र्‍वाक्‍पा लो़लामका “बिका” र्‍वाक्‍ताम गो थो़उतो।

रेम्‍बेट्‌मिडिम ल्‍वा 6:12

भेन्‍दाचो़का रुनोम छाप पिम्‍डिम गो ल्‍वाउतो मा मेसिन्‍डा कोङ डोक्‍पु सुबुरुक्‍पा रोक्‍ता। नेम्‍सुङ तुकुम्‍चिम होप्‍माम केकेया दु़स्‍ता मा ख्‍लो़मु सिसि होप्‍माम लालाया दु़स्‍ता।

रेम्‍बेट्‌मिडिम ल्‍वा 6:3

हाङकोलो मे भेन्‍दाचो़का ननोम छाप पिम्‍डी, मे ननोम सामनुङमाका “बिका” र्‍वाक्‍ताम गो थो़उतो।

रेम्‍बेट्‌मिडिम ल्‍वा 6:5

मेकोतिमा भेन्‍दाचो़का सुनोम छाप पिम्‍डी मा सुनोम सामनुङमामिमका “बिका” र्‍वाक्‍ताम गो थो़उतो। गो रेप्‍तो मा कोले केकेम घोडा बाइडाम ल्‍वाउतो। मे घोडाडला हुपाकु उ ल्‍वाडा कोले तराजु जेथाड्‌डु़म बाइडा।

रेम्‍बेट्‌मिडिम ल्‍वा 6:7

भेन्‍दाचो़का ब्‍लनोम छाप पिम्‍डी, मा ब्‍लनोम सामनुङमामिमका “बिका” र्‍वाक्‍ताम गो थो़उतो।

रेम्‍बेट्‌मिडिम ल्‍वा 6:9

मेकोतिमा भेन्‍दाचो़का ङोनोम छाप पिम्‍डी, मा सासेन्‍खोपकु ध्‍वायु़ मु़चु़मिमकु त्‍वारो़म ल्‍वाउतो। माम्‍चु़नीकु सिजेम जेम्‍डिमका नुङ येशूकु दुथाम सो़म्‍डिमका मेर्मिम मु़चु़लाई सेट्‌मिडिम बाइडा।