रेम्‍बेट्‌मिडिम ल्‍वा 7:9 - थुलुङ राई

⁹ ओराम चङडा ङार्मुङा मेझापा सेर्पा मु़चु़मिम ल्वाउतोमी। मेर्मिम ने खोत्‍ले नेब्‍दीलाम, ल्‍वा जेपालाम, खोत्‍ले सामा नुङ दोचो़डाम मु़चु़मिम हप गन्‍खोप नुङ भेन्‍दाचो़कु ङादोडा येम्‍तासिट्‌पा बाम्‍डी। मेर्मिमका बुबुयाम ब्‍लाङमा फम्‍तासिम्‍डी मा उनीमा ल्‍वाडा खजुरकु ग्रेममिम जेन्‍थाम्‍डी।

रेम्‍बेट्‌मिडिम ल्‍वा 7:9 Iomraidhean Croise

लूका 12:1

मेकोतिलोङा छो़म सेर्पा मु़चु़मिम खोम्‍सिम्‍डिमका मेर्मिम उनी त्‍वाप-त्‍वापङा देम्‍बेत्तोङा लेट्‌मिडिम बाइडा। येशूका उनी सीसिपामिमलाई ङादो र्‍वामु चो़म्‍मिडी, “गानी फरिसीमिमकु लङखामडाम चङचङया बानी वो। मे लङखाम र्‍वाक्‍मा ने मु़चु़मिमकु मिक्‍सीलामडा जो़पा लिसिक्‍पा मेर्मिमकु खारी सो़।

लूका 21:36

लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

यूहन्‍ना 12:13

मेम्‍मा मु़चु़मिमका खजुरकु ग्रेम झेट्‌मिडिमा येत्तो गुमीलाई क्रो़म्‍डा लम्‍डी, “होसन्‍ना! मिप्रङमाकु नङडा योक्‍पा आलाकाम इस्राएलडाम हप।”

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

एफिसी 6:13

मेम्‍मिमका माम्‍चु़नीका गानीलाई ग्‍वानिमिम खोत्‍ले क्‍वाल्‍बा बेखोप गिजो-वाजोमिम बिम्‍सिट्‌नी मा गानीडला मेजो़पा थारी रोलो क्‍वाल्‍बा बोमु चापा दु़म्‍नी मा क्‍वाल्‍बा हुमिम चङडा वो गानी सो नुङमा दु़म्साका येम्सिमु चापा दु़म्‍नी।

हिब्रू 11:12

मेम्‍मिमका सिमुखापा ओराम अब्राहामलामका धामुलाम सोरलुङ कोतिम हापा सेर्पा नुङ दिरिदिनकु फार्डाम ङार्मु मेझापा सेक्रे कोतिम चो़-चु़सु़मिम दु़म्‍मिडी।

हिब्रू 12:22

लावो गानी ने सियोन पोप्‍चङडा रोक्‍निम बु, हेल्‍लो लोवो बाट्‍पाम बाट्‍पा माम्‍चु़नीकु शहर, पाह्रीलाम यरूशलेमडा, मा ङार्मुङा मेझापा पाह्रीचो़मिम भ्रसिक्‍तो खोम्‍सिम्‍डिम मेराम खोमडा गानी रोक्‍निम बु।

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रेम्‍बेट्‌मिडिम ल्‍वा 22:3

मेसिन्‍डा आथा ने हाम्‍सी वो वाइतो मेदु़म। माम्‍चु़नी नुङ भेन्‍दाचो़कु साखाम थो़पा खोम मेराम शहरडा दु़म, मा माम्‍चु़नीकु लाले-पाङकेचो़मिमका माम्‍चु़नीकु सो़रलोले बोमी।

रेम्‍बेट्‌मिडिम ल्‍वा 3:18

मुड्‌डा चासाका जो़पा बेम्‍मा सो़ना आमालामका भ्रेया मा गाना खाप्‍चीचो़ दु़म्‍ना, फम्‍सिमु लागि बुबुयाम ये-सेम आमालामका भ्रेया मा इमा क्रो़मलु़पा खालिन्‍ते ख्रेमु चाम्‍ना, मा इमा मिक्‍सीडा फिमु दबाई आमालाम भ्रेया मा इमा मिक्‍सीका ल्‍वामु चाम्‍ना र्‍वाक्‍साका गो गानालाई मुलु़ ग्‍वानी।

रेम्‍बेट्‌मिडिम ल्‍वा 4:4

मेराम साखाम थो़पा गन्‍खोपकु होनोलाम-आथो़लाम न-ब्‍ल (२४) साखाम थो़पा वाङमिम गन्‍खोपमिम बाम्‍डी। मेसिन्‍डा न-ब्‍लले (२४) ङाउ-डु़म्‍लाचो़मिम गन्‍तासिम्‍डी। मेर्मिमका बुबुयाम ये फम्‍तासिम्‍डी मा उनी बुइडला सो़नाकु मुकुट खुम्‍तासिम्‍डी।

रेम्‍बेट्‌मिडिम ल्‍वा 5:11

मेम्‍मा गो रेप्‍तो, मा मे हप गन्‍खोप, ब्‍लले सामनुङमामिम नुङ ङाउ-डु़म्‍लाचो़मिमकु होनोलाम-आथो़लाम हापा सेर्पा पाह्रीचो़मिमकु लो़लाम थो़उतो। मेर्मिम ङार्मुङा मेझापा हापा सेर्पा बाम्‍डी।

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।

रेम्‍बेट्‌मिडिम ल्‍वा 6:11

मेम्‍मा मेर्मिम खोत्‍लेलाई माम्‍चु़नीका बुबुयाम ब्‍लाङमा ग्‍वाम्‍डी, मा माम्‍चु़नीकु खारी बेपामिम वो मेर्मिम होम्‍साका मु़चु़मिमका सेसाका ङार्सीडा मेलिथु़मसम्‍म आथावो लन्‍थाट्‍नी र्‍वाक्‍साका मेर्मिमलाई र्‍वाम्‍डी।

रेम्‍बेट्‌मिडिम ल्‍वा 7:8

जबूलूनकु दोचो़लाममिम को सङसङ न धु़मसङ मु़चु़मिमडला, योसेफकु दोचो़लाममिम को सङसङ न धु़मसङ मु़चु़मिमडला, बेन्‍यामीनकु दोचो़लाममिम को सङसङ न धु़मसङ मु़चु़मिमडला।