रेम्‍बेट्‌मिडिम ल्‍वा 7:2 - थुलुङ राई

² मेम्‍मा हेल्‍लो लोवो बाट्‌पाम बाट्‌पा माम्‍चु़नीकु छाप रेसाका पूर्वलामका कोङमी पाह्रीचो़ बिक्‍ताम गो ल्‍वाउतो। गुका सुबु नुङ दिरिदिन छो़रो़प बोमु माम्‍चु़नीलाम साखाम ल्‍वापा ब्‍लले पाह्रीचो़मिमलाई डोक्‍पु लो़लामका आरे र्‍वाक्‍ता:

रेम्‍बेट्‌मिडिम ल्‍वा 7:2 Iomraidhean Croise

मत्ती 16:16

सिमोन पत्रुसका र्‍वाक्‍ता, “गानी ख्रीष्‍ट, हेल्‍लो लोवो बाट्‌पाम बाट्‌पा माम्‍चु़नीकु तारापाचो़।”

मत्ती 26:63

लावो येशू वायवाय बाम्‍डी। डोक्‍पु ङाउ डु़म्‍लाचो़का गुमीलाई र्‍वाक्‍ता, “गो गानालाई र्‍वाङु, गाना माम्‍चु़नीकु चो़ ख्रीष्‍ट माला हेल्‍लो लोवो बाट्‌पाम बाट्‌पा माम्‍चु़नीकु नङडा कसम पेसाका गुकुनुङ सो़या।”

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

२ कोरिन्‍थी 1:22

गुइ गुमीकाम ङा र्‍वाक्‍साका गुमीका गुइडला उनीमा छेखोप ओप्‍मिडिम बु मा ङादो ग्‍वाक्‍पा बैना होप्‍मामङा इकीमा न-गोडा माम्‍चु़नी-पेल ग्‍वाक्‍साड्‌डामिम बु।

एफिसी 1:13

मेम्साका गानी वो आच्‍छाङाकु सिजेम, सेल्सिक्‍पा जो़पा-सेला थो़न्‍निमा ख्रीष्‍टडा थो़र बेन्‍नी। मेम्मिमका माम्‍चु़नीका ङादो याचे जेम्‍डिम माम्‍चु़नी-पेल गानीलाई ग्‍वाक्‍साका उनीमा मु़चु़ र्‍वाक्‍पा छाप ओप्‍मिडिम बु।

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

१ थेसलोनिकी 1:9

गुकु इनीमाडा रोक्‍तोकोम थारीका गानी गुकुलाई जो़होमका हुनाखाना बेत्तिकी। मेम्‍मा ङाटामिमलाई सेव सान्‍मु डिसाका आच्‍छाङाकाम नुङ हाम्‍सी वो मेसिपा माम्‍चु़नीकु लाले-पाङके बोमु ख्‍लोन्‍सिट्‌नी। ओर्मिम खोत्‍ले ल्‍वाकु दुथाम मेर्मिमका सो़मी।

२ तिमोथी 2:19

लावो माम्‍चु़नीकु सिजेम हेल्‍लो वो मेदोपा लुङडला गट्‌मा जग होप्‍माम बु, मा मेसिन्‍डा ओराम मिक्‍छे बु, “ङाचो़का त्‍वाकु मु़चु़मिमलाई छेमी, मा माम्‍चु़नीकु नङ रपामिम खोत्‍ले मेजो़पा खारी बोमुडाम वाङ बुमिनु़।”

हिब्रू 12:22

लावो गानी ने सियोन पोप्‍चङडा रोक्‍निम बु, हेल्‍लो लोवो बाट्‍पाम बाट्‍पा माम्‍चु़नीकु शहर, पाह्रीलाम यरूशलेमडा, मा ङार्मुङा मेझापा पाह्रीचो़मिम भ्रसिक्‍तो खोम्‍सिम्‍डिम मेराम खोमडा गानी रोक्‍निम बु।

रेम्‍बेट्‌मिडिम ल्‍वा 1:3

ओम्‍लो नुङ दिफु दु़म्‍पा ल्‍वाकु दुथाम जेम्‍मा ओराम सिजेम उहेम मु़चु़का डाडु़ मेरामलाई माम्‍चु़नीका जि-वा ग्‍वामी। मेम्‍मा ओराम सिजेम सु़का थो़सु़ मा ओराम सिजेमका र्‍वामिम होङङा बु़, मेरामलाई गुमीका जि-वा ग्‍वामी, हेङालोने ओर्मिम खोत्‍ले दु़म्‍पा थारी रोम्‍फामु खाप्‍डु़म बु।

रेम्‍बेट्‌मिडिम ल्‍वा 10:1

मेम्‍मा यु़मनुङमा कोङमी पाह्रीचो़ पाह्रीलामका योक्‍तोङा बेपा ल्‍वाउतो। गु खासेका दिल्‍तासिट्‌पा बाइडा, उ बुइडला नाङगुम बाइडा, उ ङाली नेम्‍सुङ होप्‍माम बाइडा, मा उ खेलचिप मुकु थाम होप्‍माम बाइडा।

रेम्‍बेट्‌मिडिम ल्‍वा 10:4

येतले बुलु़लु़मिम बु़डु़म ल्‍वा गो र्‍यामु खाप्‍तोम बाइडा, लावो पाह्रीलामका कोङ लो़लामका आरे र्‍वाक्‍ताम गो थो़उतो, “मे येतले बुलु़लु़मिमका र्‍वाम्‍डिम ल्‍वा मेर्‍याका, लावो नगोडा जु़ला।”

रेम्‍बेट्‌मिडिम ल्‍वा 16:12

रुनोम पाह्रीचो़का डोक्‍पु ब्‍लोकु यूफ्रेटिसडा उ कान्‍चु़रे अयु़डु़, मा नेम्‍सुङ ओपालाम बिक्‍पा हपमिमकाम लाम्‍दी झो़म्‍सिबेन्‍मु मेसिन्‍डाम कु साड्‌डा।

रेम्‍बेट्‌मिडिम ल्‍वा 5:2

मेम्‍मा डोक्‍पु साखामनुङमा कोले पाह्रीचो़ ल्‍वाउतो। गुका डोक्‍पु लो़लामका आरे र्‍वाक्‍तोङा लेड्‌डु़, “दिल्‍साका जु़ल्‍मा ओराम खाजेमडला ओप्‍मा छापमिम पिसाका होर्मु घ्रेट्‌पा सु़ बु?”

रेम्‍बेट्‌मिडिम ल्‍वा 8:3

मेम्‍मा सो़नाकाम धूप चाखोप जेथाक्‍पा कोङमी पाह्रीचो़ रोक्‍ता मा सासेन्‍खोपफार्डा येम्‍स्‍ता। हप गन्‍खोपकु ङादोडा बाट्‍पा सो़नाकु सासेन्‍खोपडला माम्‍चु़नीकु खोत्‍ले मु़चु़मिमका सो़म्‍दीनुङ धूप चामिनु़ र्‍वाक्‍साका गुलाई हापा धूप ग्‍वाम्‍डी।

रेम्‍बेट्‌मिडिम ल्‍वा 9:14

भुमनुङमा रुनोम पाह्रीचो़लाई आरे र्‍वाक्‍मा गो थो़उतो, “यूफ्रेटिस नङकाम डोक्‍पु ब्‍लोकुडा बट्‌मा ब्‍लले पाह्रीचो़मिम फ्रोनी।”

रेम्‍बेट्‌मिडिम ल्‍वा 9:4

सुबुडाम जेम, बोट, धक्‍सालाई हाम वो मेबेनी लावो उहेम मु़चु़मिमकाम कुप्‍पीडा माम्‍चु़नीकु छाप मिबु मेर्मिमलाई कोङङा दु़खा ग्‍वाक्‍नी र्‍वाक्‍पा ल्‍वा मेर्मिमका रम्‍डी।