रेम्‍बेट्‌मिडिम ल्‍वा 7:15 - थुलुङ राई

¹⁵ मेम्‍मिमका, ‘मेर्मिम माम्‍चु़नी हप गन्‍खोप ङादोडा बुमी मा माम्‍चु़नीकु सो़रनेम गोडा नेम्‍फु सिन्‍था मेर्मिमका उनीमा लाले-पाङके बोमी, मा हप गन्‍खोपडा गन्‍पा गुमीका मेर्मिमलाई उनी त्‍वापनुङङा बुमु खोम ग्‍वामी।

रेम्‍बेट्‌मिडिम ल्‍वा 7:15 Iomraidhean Croise

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

१ कोरिन्थी 3:16

गानी इनी त्‍वाप माम्‍चु़नीकु सो़रनेम सो़, मा माम्‍चु़नीकु पेल गानीगोडा बुमी र्‍वाक्‍पा हाम गानी मेचनी?

२ कोरिन्‍थी 6:16

माम्‍चु़नीकु सो़रनेम गोडा ङाटामिम हेसाका दु़म मा? हेल्‍लो वो मेसिपा माम्‍चु़नी बुमी, मा उनीमा सो़रनेम ने गुइ ङा सो़। गुमीका आरेसाका र्‍वाम्‍डिम बु: “गो मेर्मिमकाडा बुङु, मेर्मिम गोडा लाम्‍दिङु, मा गो मेर्मिमकु माम्‍चु़नी दु़म्‍ङु, मेम्‍मा मेर्मिम आमा मु़चु़ दु़म्‍मी।”

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

हिब्रू 8:1

गुकु र्‍वामु माल्‍तोकोम ल्‍वा ओरामङा सो़। इकीमा लागि आरेप्‍माम डु़म्‍लाचो़ बुमी। गुमी पाह्रीला माम्‍चु़नीकु हप गन्‍पाखोमकु जो़पलाम गन्‍मिडिम बु।

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 13:6

मेरामका माम्‍चु़नीलाई डक्‍साका जेमु लागि उमा सि होर्डु़, मा माम्‍चु़नीकु नङ, गुमी बाट्‌पा खोम नुङ पाह्रीला बाट्‌पामिमकु दुथाम सेम्‍ला बेत्तो मेजो़पा जेस्‍ता।

रेम्‍बेट्‌मिडिम ल्‍वा 20:10

मेम्‍मा मु़चु़मिमलाई ताङताहेरथो़ लक्‍पा शैतान गन्‍धक वाक्‍तोङा बेपा मुकु भुल्‍मु गोनो कोङनिमका छाघ्रोक्‍तु़, मेगोनो मे हादीबारा नुङ माम्‍चु़नीलाम जेपा लिसिक्‍पा वो घ्रोक्‍मा बाच्‍ची। मेर्मिमका नेम्‍फु सिन्‍था हेल्‍लो लोवो उनी थो़मबोक बिपा दु़खा ल्‍वामिमिम बुमी।

रेम्‍बेट्‌मिडिम ल्‍वा 21:22

मेराम शहरडा गो सो़रनेम मेल्‍वाउवा, हेङालोने खोत्‍लेडलाम यु़मनुङमा मिप्रङमा माम्‍चु़नी नुङ भेन्‍दाचो़ङा शहरडाम सो़रनेम सो़।

रेम्‍बेट्‌मिडिम ल्‍वा 22:3

मेसिन्‍डा आथा ने हाम्‍सी वो वाइतो मेदु़म। माम्‍चु़नी नुङ भेन्‍दाचो़कु साखाम थो़पा खोम मेराम शहरडा दु़म, मा माम्‍चु़नीकु लाले-पाङकेचो़मिमका माम्‍चु़नीकु सो़रलोले बोमी।

रेम्‍बेट्‌मिडिम ल्‍वा 22:5

मेसिन्‍डा आथा ने सिन्‍था मेदु़म। मेर्मिमलाई धिप्‍रीकु ओल, नेम्‍सुङकु ओल मेबासी, हेङालोने मिप्रङमा माम्‍चु़नीकाङा मेर्मिमलाई ओल ग्‍वामी। मेम्‍मा मेर्मिमका हेल्‍लो लोवो साखाम थो़मिमङा बुमी।

रेम्‍बेट्‌मिडिम ल्‍वा 4:4

मेराम साखाम थो़पा गन्‍खोपकु होनोलाम-आथो़लाम न-ब्‍ल (२४) साखाम थो़पा वाङमिम गन्‍खोपमिम बाम्‍डी। मेसिन्‍डा न-ब्‍लले (२४) ङाउ-डु़म्‍लाचो़मिम गन्‍तासिम्‍डी। मेर्मिमका बुबुयाम ये फम्‍तासिम्‍डी मा उनी बुइडला सो़नाकु मुकुट खुम्‍तासिम्‍डी।

रेम्‍बेट्‌मिडिम ल्‍वा 4:8

मे ब्‍लले सामनुङमामिम खोत्‍लेकाम रुले-रुले लाप्‍तेर बाइडा मा मे लाप्‍तेरकु डलाम गोलाम खोत्‍लेथो़ मिक्‍सी-मिक्‍सी बाइडा। नेम्‍फु सिन्‍था मेङेसिक्‍साका मेर्मिमका आरे र्‍वामिम बुमी: “सेपा, सेपा, सेपा, खोत्‍लेडलाम यु़मनुङमा मिप्रङमा माम्‍चु़नी, गानी ङादो वो बान्‍नी, ओम्‍लो वो बुनी मा रोमु खाम्‍नी।”

रेम्‍बेट्‌मिडिम ल्‍वा 4:9

हाङकोलोका मे ब्‍लले सामनुङमामिमका हप गन्‍खोपडा गन्‍तासिट्‌पा मा हेल्‍लो लोवो बाट्‍पाम बाट्‍पाकाम नङ कोमी, डोक्‍पु बोमी मा आलासो़ ग्‍वामी,

रेम्‍बेट्‌मिडिम ल्‍वा 7:9

ओराम चङडा ङार्मुङा मेझापा सेर्पा मु़चु़मिम ल्वाउतोमी। मेर्मिम ने खोत्‍ले नेब्‍दीलाम, ल्‍वा जेपालाम, खोत्‍ले सामा नुङ दोचो़डाम मु़चु़मिम हप गन्‍खोप नुङ भेन्‍दाचो़कु ङादोडा येम्‍तासिट्‌पा बाम्‍डी। मेर्मिमका बुबुयाम ब्‍लाङमा फम्‍तासिम्‍डी मा उनीमा ल्‍वाडा खजुरकु ग्रेममिम जेन्‍थाम्‍डी।