रेम्‍बेट्‌मिडिम ल्‍वा 7:14 - थुलुङ राई

¹⁴ गो गुलाई र्‍वाङडो, “गानीङा चनी।” गुका गोनुङ र्‍वाक्‍ता, “ओर्मिम ने उनी थो़मतेर्ला सो़सिक्‍पामिम सो़, मा ओर्मिमका उनीमा ब्‍लाङमा भेन्‍दाचो़कु सिसिका सो़ल्‍साका बुबुयाम बनेबेम्‍डिम बु।

रेम्‍बेट्‌मिडिम ल्‍वा 7:14 Iomraidhean Croise

मत्ती 24:21

हेङालोने मेराम थारीका डोक्‍पु दु़खा दु़म, सु़म्‍दिमोलो आथाम ओम्‍लोसम्‍मङा मेप्‍माम दु़स्‍ताम मिबु, मा मेप्‍माम हेल्‍लो वो मेदु़म।

मर्कूस 13:19

हेङालोने मेराम थारी माम्‍चु़नीका सुबु प्रङ्‌मिडिलो आथाम आनो मेप्‍माम हेल्‍लो वो मेदु़म्‍थेङा बु, मा आथाडाम आरे हेल्‍लो वो मेदु़म्‍मिम दु़खा थारी मेमबिलि दु़म।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

रोमी 5:3

मेकोति कोङङा मेएँ, दु़खा थारीका वो गुइ गेर्सी द्‍वाकी, हेङालोने मेराम दु़खाकाङा गुइलाई इम्‍मु चापा दु़म्‍बेसा र्‍वाक्‍पा चडिम बु।

१ कोरिन्थी 6:11

गानीगोडाम कोङनिम वो आरेप्‍मामङा बान्‍नी। लावो माम्‍चु़नीका गानीलाई सो़ल्‍निमिमा छु़ललामका सेपा दु़म्‍बेट्‌निमिम बु, मा ङाचो़ येशू ख्रीष्‍टकु नङडा इकी माम्‍चु़नीकु पेललाम उनीमा ङादोडा गानीलाई जो़पा दु़बेट्‌निमिम बु।

२ थेसलोनिकी 1:4

मेम्‍मिमका खोत्‍ले इनीमा थो़मतेर्सी नुङ छो़म दु़खा ल्‍वान्‍निलो इम्‍निम नुङ थो़रलु़न्‍निमकु दुथाम आकी नो़ डोक्‍पु बेत्तो माम्‍चु़नीकु वाङमिम मण्‍डलीनुङ सो़कु।

हिब्रू 13:12

मेम्‍मिमका येशू ख्रीष्‍टका वो उनीमा त्‍वाकु सिसिका मु़चु़मिमलाई सेपा दु़म्‍बेन्‍मु लागि शहरडाम पाखाडा लम्‍डिमा सिम्‍डी।

हिब्रू 9:14

लावो येशूकु सिसिका ने ओरामडाम छो़म डोक्‍पु खारी बु़। येशू मुमा मान्‍थिम दु़म्‍साका हेल्‍लो लोवो दु़म्‍पाम बाट्‍पा माम्‍चु़नी-पेललाम माम्‍चु़नीडा सासेन्सिम्‍डी। उनीमा सिसिका सिमुलामथो़ लक्‍पा खारीलामका गुइलाई ख्‍लोक्‍सा मा इकीमा मेजो़पा न-गोलाई सेपा दु़म्‍बेडु़। मेम्‍मा गुइलाई हेल्‍लो लोवो दु़म्‍पा माम्‍चु़नीकु खारी बोमु चापा दु़म्बेसा।

१ पत्रुस 1:19

लावो हाम वो मेख्‍लो़ट्‌पा नुङ मेजो़पा हाम वो मेबाट्‌पा भेन्‍दाचो़ होप्‍माम ख्रीष्‍टकु हापा थिकाम सिसिका भ्रेसाका माम्‍चु़नीका गानीलाई फ्‍वाक्‍निमिम सो़।

१ यूहन्‍ना 1:7

माम्‍चु़नी ओलडा बुमिमिम होङङा गुइ वो ओलडा बुइ-दोसी माला कोलेकाम कोङमीडला इकीमा हेमकेम दु़म। मेम्‍मा उनीमा तारापाचो़ येशूकु सिसिका खोत्‍ले इकीमा छु़लडाम गुइलाई छेको-छेको बेसा।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

रेम्‍बेट्‌मिडिम ल्‍वा 12:11

भेन्‍दाचो़कु सिसिका नुङ मेर्मिमका सो़म्‍डिम सिजेमका मेराम मुनाङडला घ्‍ल्‍वाम्‍डिम बु। मेर्मिम सिमुङा बासिक्‍पा लोवो सिमु मेङिपा बाम्‍डी।

रेम्‍बेट्‌मिडिम ल्‍वा 15:2

मुनुङ ङोल्‍सिक्‍पा सिसाकु दिरिदिन होप्‍माम गो ल्वाउतो। हादीबारा नुङ उ ङाटाडला मा उ नङकु सेर्सीडला घ्‍ल्‍वापामिम मे दिरिदिनडा येम्‍तासिट्‌मिडी। माम्‍चु़नीका ग्‍वाम्‍डिम कामसोरमिम मेर्मिमका जेन्‍थाम्‍डी।

रेम्‍बेट्‌मिडिम ल्‍वा 17:6

मे मेसेम माम्‍चु़नीकु मु़चु़मिमकु सिसि नुङ येशूडा थो़र बेम्‍डिमका सेट्‌मिडिम मु़चु़मिमकु सिसिका सेड्‍डु़म गो ल्वाउतो। मेराम मेसेमलाई ल्वाउतोमा गो छो़म ङाङाया दु़म्‍ङोडो।

रेम्‍बेट्‌मिडिम ल्‍वा 2:9

गो इमा थो़मतेर्सिड्‍डाम चक्‍पु, गानानुङ हाम वो मिबुमिम वो चक्‍पु, लावो पाह्रीला ने गाना खोत्‍लेका लिट्‌पा बुना। इमा दुथाम मेजो़पा जेपा मेर्मिम मु़चु़लाई गो छेपुमी। मेर्मिमका उनी त्‍वाप ने माम्‍चु़नीकु मु़चु़ यहूदी र्‍वामी, मेर्मिम यहूदी मेएँ लावो मेर्मिम ने शैतानकु घ्रो़म्‍दीनेम सो़।

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।

रेम्‍बेट्‌मिडिम ल्‍वा 7:9

ओराम चङडा ङार्मुङा मेझापा सेर्पा मु़चु़मिम ल्वाउतोमी। मेर्मिम ने खोत्‍ले नेब्‍दीलाम, ल्‍वा जेपालाम, खोत्‍ले सामा नुङ दोचो़डाम मु़चु़मिम हप गन्‍खोप नुङ भेन्‍दाचो़कु ङादोडा येम्‍तासिट्‌पा बाम्‍डी। मेर्मिमका बुबुयाम ब्‍लाङमा फम्‍तासिम्‍डी मा उनीमा ल्‍वाडा खजुरकु ग्रेममिम जेन्‍थाम्‍डी।