रेम्‍बेट्‌मिडिम ल्‍वा 7:13 - थुलुङ राई

¹³ मेम्‍मा ङाउ-डु़म्‍लाचो़मिमगोडाम कोलेका गोनुङ आरे र्‍वाक्‍तामा हिलाबु़डु़, “सु़ ओ बुबुयाम ब्‍लाङमा फतासिट्‌पामिम, मा ओर्मिम बालामका रोम्‍डिम?”

रेम्‍बेट्‌मिडिम ल्‍वा 7:13 Iomraidhean Croise

यूहन्‍ना 7:28

येशूका सो़रनेम गोनो सीट्‌मिडिलो डोक्‍पु लो़लामका र्‍वाम्‍डी, “गानी गोलाई छेङिनी, मा गो बालामका रोङडोम मेराम वो चनी। लावो गो आ त्‍वाकु नका योङडोम मेएँ, उहेमका गोलाई थु़र्ङिडिमी गुमी आच्‍छाङाकाम बुमी मा गानी गुमीलाई मेछेनी।

थु़र्मा 3:12

मेराम ल्‍वास्‍तु़मा पत्रुसका मेर्मिमनुङ र्‍वाक्‍ता, “ए इस्राएलडाम मु़चु़नी, ओराम लाम्‍दिइडाम ल्‍वान्‍निमा हेङा गानी ङाङाया दु़म्‍निमा गुचुकुथो़ रेम्‍थानिमिम? गुचुकु आचीमा यु़मका नुङ माम्‍चु़नीकु सो़रलोले जो़होमका बेच्‍चोकोमका ओराम मु़चु़ लाम्‍दिइडाम र्‍वाक्‍पा मिम्‍थानिमिम?

रेम्‍बेट्‌मिडिम ल्‍वा 3:4

लावो सार्डिसडा बाट्‌पा गानीगोडाम कोले-नले मु़चु़का उनीमा ये-सेम घ्रामलु़पा बेम्‍डिम मिबु। मेर्मिम मु़चु़ बुबुयाम ये-सेम फसिक्‍साका गोनुङ लाम्‍दिमी, हेङालोने मेर्मिम गोनुङ लाम्‍दिमुका घ्रेट्‌पा बुमी।

रेम्‍बेट्‌मिडिम ल्‍वा 4:10

मे न-ब्‍लले (२४) ङाउ-डु़म्‍लाचो़मिमका हप गन्‍खोपडा गन्‍तासिट्‌पाकु ङादोडा खुम्‍बु बोमी। मेम्‍मा हेल्‍लो लोवो बाट्‌पाम बाट्‌पा गुमीलाई सो़रलोले बोमी। मेर्मिमका उनीमा सो़नाकु मुकुटमिम मे हप गन्‍खोप ङादोडा जु़ल्‍मी मा आरे र्‍वामी:

रेम्‍बेट्‌मिडिम ल्‍वा 4:4

मेराम साखाम थो़पा गन्‍खोपकु होनोलाम-आथो़लाम न-ब्‍ल (२४) साखाम थो़पा वाङमिम गन्‍खोपमिम बाम्‍डी। मेसिन्‍डा न-ब्‍लले (२४) ङाउ-डु़म्‍लाचो़मिम गन्‍तासिम्‍डी। मेर्मिमका बुबुयाम ये फम्‍तासिम्‍डी मा उनी बुइडला सो़नाकु मुकुट खुम्‍तासिम्‍डी।

रेम्‍बेट्‌मिडिम ल्‍वा 5:11

मेम्‍मा गो रेप्‍तो, मा मे हप गन्‍खोप, ब्‍लले सामनुङमामिम नुङ ङाउ-डु़म्‍लाचो़मिमकु होनोलाम-आथो़लाम हापा सेर्पा पाह्रीचो़मिमकु लो़लाम थो़उतो। मेर्मिम ङार्मुङा मेझापा हापा सेर्पा बाम्‍डी।

रेम्‍बेट्‌मिडिम ल्‍वा 5:5

मेकोतिमा मे ङाउ-डु़म्‍लाचो़मिमगोडाम कोलेका गोनुङ र्‍वाक्‍ता, “मेख्राप्‍डा! रेप्‍डा, यहूदाकु दोचो़लाममिम धेन्‍द्रा, दाऊदकु चो़-चु़सु़का घ्‍ल्‍वाम्‍डिम बु। मे खाजेम नुङ मेरामकु येतले छापमिम होर्मु चापा गुमी बुमी।”

रेम्‍बेट्‌मिडिम ल्‍वा 7:9

ओराम चङडा ङार्मुङा मेझापा सेर्पा मु़चु़मिम ल्वाउतोमी। मेर्मिम ने खोत्‍ले नेब्‍दीलाम, ल्‍वा जेपालाम, खोत्‍ले सामा नुङ दोचो़डाम मु़चु़मिम हप गन्‍खोप नुङ भेन्‍दाचो़कु ङादोडा येम्‍तासिट्‌पा बाम्‍डी। मेर्मिमका बुबुयाम ब्‍लाङमा फम्‍तासिम्‍डी मा उनीमा ल्‍वाडा खजुरकु ग्रेममिम जेन्‍थाम्‍डी।