रेम्‍बेट्‌मिडिम ल्‍वा 7:11 - थुलुङ राई

¹¹ मेम्‍मा खोत्‍ले पाह्रीचो़मिम मे हप गन्‍खोप, ङाउ-डु़म्‍लाचो़मिम नुङ ब्‍लले सामनुङमामिमकु होनोलाम-आथो़लाम येम्‍सिम्‍डी। मेम्‍मा मे हप गन्‍खोपकु ङादोडा कुम्‍सिम्‍डिमा आरे र्‍वाक्‍तो माम्‍चु़नीकु सो़रलोले बेम्‍डी:

रेम्‍बेट्‌मिडिम ल्‍वा 7:11 Iomraidhean Croise

मत्ती 4:10

मेकोतिमा येशूका शैतानलाई र्‍वाम्‍डी, “शैतान, ओलामका लस्‍ल्‍याडा, हेङालोने माम्‍चु़नीकु सिजेमडा र्‍यामा बु: ‘गाना इमा मिप्रङमा माम्‍चु़नीलाई कोङङा डोक्‍पु मिम्‍साका सेव साडा, मा उनीमा कोङङा लाले-पाङके बे’।”

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

हिब्रू 1:6

लावो खोत्‍लेडाम ङादो गक्‍पा उनीमा तारापाचो़लाई सु़म्‍दिसेरडा थु़र्मिडिलो गुमीका र्‍वाम्‍डी, “माम्‍चु़नीकु खोत्ले पाह्रीचो़मिमका गुमीलाई ङा सेव सान्‍मिनु़।”

रेम्‍बेट्‌मिडिम ल्‍वा 11:16

मेम्‍मा माम्‍चु़नीकु ङादोडा त्‍वाकु गन्‍खोपडा गन्‍तासिट्‌पा मे न-ब्‍ल ङाउ-डु़म्‍लाचो़मिमका कुम्‍सिक्‍साका माम्‍चु़नीलाई सेव साट्‌मिडी,

रेम्‍बेट्‌मिडिम ल्‍वा 15:4

मिप्रङमा, सु़का इनीमा ङिम मेजु़लु़ मा सु़का गानी डोक्‍पु नुङ यु़मनुङमा मेर्‍वा? हेङालोने गानी कोङङा सेपा दु़म्‍नी। खोत्‍ले सामामिम इनीमा ङादोडा रोमिमा सेव सानिमी, हेङालोने इनीमा जो़पा खारीमिम दो़स्‍ताम बु।”

रेम्‍बेट्‌मिडिम ल्‍वा 22:9

लावो गुका गोलाई आरे बेङ्‌डी, “आरे ने मेबे! गो ने गाना, माम्‍चु़नीलाम जेपा इमा वा-ल्‍वाकमिम नुङ ओराम खाजेमडाम सिजेममिम होम्‍साका दोपामिम होप्‍माम माम्‍चु़नीकु डु़ल्‍चो़ कोङङा सो़। माम्‍चु़नीलाई सेव साडा।”

रेम्‍बेट्‌मिडिम ल्‍वा 4:10

मे न-ब्‍लले (२४) ङाउ-डु़म्‍लाचो़मिमका हप गन्‍खोपडा गन्‍तासिट्‌पाकु ङादोडा खुम्‍बु बोमी। मेम्‍मा हेल्‍लो लोवो बाट्‌पाम बाट्‌पा गुमीलाई सो़रलोले बोमी। मेर्मिमका उनीमा सो़नाकु मुकुटमिम मे हप गन्‍खोप ङादोडा जु़ल्‍मी मा आरे र्‍वामी:

रेम्‍बेट्‌मिडिम ल्‍वा 4:4

मेराम साखाम थो़पा गन्‍खोपकु होनोलाम-आथो़लाम न-ब्‍ल (२४) साखाम थो़पा वाङमिम गन्‍खोपमिम बाम्‍डी। मेसिन्‍डा न-ब्‍लले (२४) ङाउ-डु़म्‍लाचो़मिम गन्‍तासिम्‍डी। मेर्मिमका बुबुयाम ये फम्‍तासिम्‍डी मा उनी बुइडला सो़नाकु मुकुट खुम्‍तासिम्‍डी।

रेम्‍बेट्‌मिडिम ल्‍वा 4:6

मे साखाम थो़पा गन्‍खोपकु ङादोडा स्‍फटिक सिसा होप्‍माम छ्‍याङ्‍लो-छ्‍याङ्‍लोम दिरिदिन बाइडा। ङादोडा नुङ चङडा मिक्‍सी-मिक्‍सी बाट्‍पा ब्‍लले सामनुङमामिम मे साखाम थो़पा गन्‍खोपकु होनोलाम-आथो़लाम बाम्‍डी।

रेम्‍बेट्‌मिडिम ल्‍वा 4:8

मे ब्‍लले सामनुङमामिम खोत्‍लेकाम रुले-रुले लाप्‍तेर बाइडा मा मे लाप्‍तेरकु डलाम गोलाम खोत्‍लेथो़ मिक्‍सी-मिक्‍सी बाइडा। नेम्‍फु सिन्‍था मेङेसिक्‍साका मेर्मिमका आरे र्‍वामिम बुमी: “सेपा, सेपा, सेपा, खोत्‍लेडलाम यु़मनुङमा मिप्रङमा माम्‍चु़नी, गानी ङादो वो बान्‍नी, ओम्‍लो वो बुनी मा रोमु खाम्‍नी।”