रेम्‍बेट्‌मिडिम ल्‍वा 7:10 - थुलुङ राई

¹⁰ मेर्मिमका डोक्‍पु लो़लामका आरे र्‍वाम्‍डिमा येम्‍डी: “हप गन्‍खोपडा गन्‍पा माम्‍चु़नी नुङ भेन्‍दाचो़का सेल्‍सामी।”

रेम्‍बेट्‌मिडिम ल्‍वा 7:10 Iomraidhean Croise

लूका 3:6

मा माम्‍चु़नीका मु़चु़मिमलाई सेल्‍मिमिम खोत्‍लेका ल्‍वामी’।”

यूहन्‍ना 1:29

उ दिकाम उ त्‍वापथो़ येशू बिक्‍तोङा लेट्‌मिडिम यूहन्‍नाका ल्‍वास्‍तु़मा र्‍वाक्‍ता, “रेप्‍नी, सु़म्‍दिसेरडाम मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।

यूहन्‍ना 1:36

गुका येशू मेमभाल लक्‍तोङा बेम्‍डिम ल्‍वास्‍तु़मा र्‍वाक्‍ता, “रेप्‍नी, मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।”

यूहन्‍ना 4:22

गानी सामरीमिमका सु़कु सो़रलोले बोनी, मेराम आच्‍छाङा मेचनी। लावो गुकु यहूदीमिमका सु़कु सो़रलोले बोकु मेराम चकु। हेङालोने यहूदीमिमलामका सेल्‍सी रो।

एफिसी 2:8

माम्‍चु़नीकु दिदामकाङा गानी थो़र बेन्‍नी मा सेल्‍सिट्‌नी। इनी त्‍वापङा सेल्‍सिट्‌निम ने मेएँ, लावो ओराम सेल्‍सी ने माम्‍चु़नीका न बेम्‍डिमा मेडेङा ग्‍वाक्‍निमिम बु।

रेम्‍बेट्‌मिडिम ल्‍वा 12:10

मेम्‍मा कोङ डोक्‍पु लो़लामका पाह्रीला आरे र्‍वाक्‍ताम गो थो़उतो, “आथा ने इकीमा माम्‍चु़नीका मु़चु़मिम सेल्‍मी, गुमीका उनीमा यु़म मोमी, मा हपका होङङा साखाम थो़मी, मा उनीमा ख्रीष्‍टकु साखाम रोक्‍ताम बु। इकीमा वा-ल्‍वाकमिमकु बुइडला मेजो़पा ल्‍वा उट्‌पा, मेरामका इकीमा माम्‍चु़नीकु ङादोडा नेम्‍फु सिन्‍था मेर्मिमकु बुइडला मेजो़पा ल्‍वा उडु़, मेराम डस्‍ताम बु।

रेम्‍बेट्‌मिडिम ल्‍वा 19:1

आकोतिमा पाह्रीला हापा सेर्पामिमका येपा होप्‍माम लो़लाम थो़उतो, मेर्मिमका आरे र्‍वाम्‍डी: “हल्‍लेलूयाह! गुइलाई सेल्‍पा माम्‍चु़नी, गुमी खोत्‍लेकु डला बुमी, मा गुमी यु़मनुङमा बुमी,

रेम्‍बेट्‌मिडिम ल्‍वा 21:5

साखाम थो़पा गन्‍खोपडा गन्‍तासिट्‌पा माम्‍चु़नीका गोलाई आरे र्‍वाम्‍डी, “खोत्‍ले गो लाले बनेबेउमी।” मेम्‍मा गुमीका र्‍वाम्‍डी, “ओर्मिम र्‍याका, हेङालोने ओर्मिम ल्‍वा थो़रलु़इमिम नुङ आच्‍छाङा सो़।”

रेम्‍बेट्‌मिडिम ल्‍वा 22:3

मेसिन्‍डा आथा ने हाम्‍सी वो वाइतो मेदु़म। माम्‍चु़नी नुङ भेन्‍दाचो़कु साखाम थो़पा खोम मेराम शहरडा दु़म, मा माम्‍चु़नीकु लाले-पाङकेचो़मिमका माम्‍चु़नीकु सो़रलोले बोमी।

रेम्‍बेट्‌मिडिम ल्‍वा 4:6

मे साखाम थो़पा गन्‍खोपकु ङादोडा स्‍फटिक सिसा होप्‍माम छ्‍याङ्‍लो-छ्‍याङ्‍लोम दिरिदिन बाइडा। ङादोडा नुङ चङडा मिक्‍सी-मिक्‍सी बाट्‍पा ब्‍लले सामनुङमामिम मे साखाम थो़पा गन्‍खोपकु होनोलाम-आथो़लाम बाम्‍डी।

रेम्‍बेट्‌मिडिम ल्‍वा 5:7

गुमी बिम्‍डी मा मे हप गन्‍खोपडा गन्‍पाकु जो़प ल्‍वालामका मे खाजेम रम्‍डी।