रेम्‍बेट्‌मिडिम ल्‍वा 7:1 - थुलुङ राई

¹ ओराम चङडा सुबुडा, दिरिदिनडा, धक्‍सामिमडा लोवो जु फुन्‍मु मेग्‍वामु ब्‍लले पाह्रीचो़मिमका सुबुकु ब्‍लसुरडा ब्‍लले जुमिमलाई भोम्‍थाम्‍डिम गो ल्‍वाउतो।

रेम्‍बेट्‌मिडिम ल्‍वा 7:1 Iomraidhean Croise

मत्ती 24:31

मिनीचो़का उ पाह्रीचो़मिमलाई भुमकु डोक्‍पु लो़लामनुङ थु़रु़मी, मा छेट्‌मा उ मु़चु़मिमलाई सुबुडाम खोत्‍लेथो़लाम मेर्मिमका खोम्‍मी।

मर्कूस 13:27

मेकोतिमा गुमीका पाह्रीचो़मिमलाई सुबु नुङ धामु खोत्‍लेथो़ थु़र्मी, मा मेर्मिमका खोत्‍लेलामका माम्‍चु़नीका छेट्‌मिडिम खोत्‍लेलाई कोदेप बोमिमा रेन्‍मी।

रेम्‍बेट्‌मिडिम ल्‍वा 20:8

मा मे शैतानका गोग नुङ मागोग र्‍वाक्‍मा सुबुडाम खोत्‍ले नेब्‍दीडाम मु़चु़मिमलाई ताङताहेरथो़ लमी मा क्‍वाल्‍बा बोमु लागि मेर्मिमलाई खोप्‍मी। मेर्मिम ने दिरिदिनकु सो़पडाम सेक्रे कोतिङा ङार्मु मेझापा दु़म्‍मी।

रेम्‍बेट्‌मिडिम ल्‍वा 6:6

मेम्‍मा मे ब्‍लले सामनुङमामिम थेतेलामका होङङा कोङ लो़लामका आरे र्‍वाक्‍ताम गो थो़उतो: “को किलो जेप्‍सेर कोलेमकु खारीकाम, मा सु किलो याछाम कोलेमकु खारीकाम दु़म, लावो तेल नुङ अङ्‍गूरकु बिलाम ब्‍लाम-ब्‍लाम मेबोमु।”

रेम्‍बेट्‌मिडिम ल्‍वा 7:3

“इकीमा माम्‍चु़नीकु खारीचो़मिमकाम उनी कुप्‍पीडा गुकु छाप मेओप्‍थु़मसम्‍म सुबुडा लोवो दिरिदिनडा लोवो धक्‍सामिमलाई लोवो छो़रो़प मेबेनी।”

रेम्‍बेट्‌मिडिम ल्‍वा 8:7

कोनोम पाह्रीचो़का उ भुम डु़प्‍डु़। मेम्‍मा मेसिन्‍डा सिसिनुङमा लोसु़ नुङ मु सुबुडा आल्‍स्‍ता। मेम्‍मा सु फ्‍वाकु को फ्‍वा घ्रु़म्‍डी, धक्‍सामिमकु सु फ्‍वाकाम को फ्‍वा घ्रु़म्‍डी मा गिगिम खोत्‍ले जेम घ्रु़म्‍डी।

रेम्‍बेट्‌मिडिम ल्‍वा 9:14

भुमनुङमा रुनोम पाह्रीचो़लाई आरे र्‍वाक्‍मा गो थो़उतो, “यूफ्रेटिस नङकाम डोक्‍पु ब्‍लोकुडा बट्‌मा ब्‍लले पाह्रीचो़मिम फ्रोनी।”

रेम्‍बेट्‌मिडिम ल्‍वा 9:4

सुबुडाम जेम, बोट, धक्‍सालाई हाम वो मेबेनी लावो उहेम मु़चु़मिमकाम कुप्‍पीडा माम्‍चु़नीकु छाप मिबु मेर्मिमलाई कोङङा दु़खा ग्‍वाक्‍नी र्‍वाक्‍पा ल्‍वा मेर्मिमका रम्‍डी।