रेम्‍बेट्‌मिडिम ल्‍वा 6:8 - थुलुङ राई

⁸ ख्‍लाख्‍लाया बेपा कोले घोडा ल्‍वाउतो, मा मेडला हुपाकु नङ सिमुलाम बाइडा, मा खादी मेरामकु चङचङ लाम्‍दिबाल्‍ला। मेम्‍मा सुबुडाम खोत्‍ले मु़चु़मिमकु ब्‍ल भागकाम को भाग मु़चु़मिम कातु़रु़का, पोमुकु दु़खाका, लामासामका, नुङ सुबुडा बाट्‌पा सो़प्‍दीडाम हादी-बारामिमलामका सेन्‍मु साखाम मेर्चिपका ल्‍वाच्‍ची।

रेम्‍बेट्‌मिडिम ल्‍वा 6:8 Iomraidhean Croise

मत्ती 11:23

ए कफर्नहुम शहरडाम मु़चु़नी, हाम गानी पाह्रीथो़ कोसिन्‍कु र्‍वाक्‍पा मिम्‍नी? गानी ने खादीगोयु़ डन्‍सिनी। हेङालोने गानीगोडा बेउतोम यु़मखारीमिम सदोम शहरडाम मेजो़पा मु़चु़मिमगोडा बेउवा माला मेर्मिम ओम्‍लोसम्‍म वो दु़म्‍मिवा।

मत्ती 24:7

कोङ सामा कोङमी सामाकु कोर्थो़लाम नुङ कोले किब्‍दी कोङमी किब्‍दीकु कोर्थो़लाम ब। याङ-याङडा पोमु-डुमुकु दु़खा दु़म, मा सुबुरुक्‍सी ल।

१ कोरिन्थी 15:55

ए सिमुलाम, गाना बान्ते घ्‍ल्‍वान्‍ना? ए सिमुलाम, केपा इमा यु़म बा मा?”

रेम्‍बेट्‌मिडिम ल्‍वा 1:18

नु़पा ने गोङा सो़, गो सिङ्‌डोम बाइडा, लावो रेप्‍नी, गो हेल्‍लो लोवो नु़ङुम बुङु। मेम्‍मा सिमुलाम नुङ सिपा मु़चु़मिम बाखोप खादी ल्‍वाडा बेपा चाबीमिम गोनुङ बु।

रेम्‍बेट्‌मिडिम ल्‍वा 12:4

उ मेरका धामुलाम सु फ्‍वाकु को फ्‍वा सोरलुङमिम बोखोप्‍डु़मा मेर्मिमलाई सुबुडा छाघ्रोक्‍तु़। मे मेसेमकु चो़ ग मेडे क्‍लिडोमु लागि चो़च्‍चो़ कमु खापा मे मेसेमकु ङादोडा मे डोमिफु बक्‍ता।

रेम्‍बेट्‌मिडिम ल्‍वा 9:15

मेम्‍मा सु फ्‍वाकाम को फ्‍वा मु़चु़मिम सेन्‍मु मेराम थारी, मेराम नेम, मेराम मुनाम मा मेराम थकाम लागि झो़म्‍सिबेन्‍जो़ल्‍मा ब्‍लले पाह्रीचो़मिम डिट्‌मिडी।

रेम्‍बेट्‌मिडिम ल्‍वा 9:18

मे घोडामिमकु सिलामका लुक्‍पा मु, कुइकु नुङ गन्‍धककु सेट्‌पा दु़खाका सु फ्‍वाकु को फ्‍वा मु़चु़मिम सेड्‌डु़मी।