रेम्‍बेट्‌मिडिम ल्‍वा 6:4 - थुलुङ राई

⁴ मेम्‍मा कोङमी लालाम घोडा रोक्‍ता। मु़चु़मिम त्‍वाप-त्‍वाप गोडा सेन्‍बेबोमिनु़ र्‍वाक्‍साका मे लालाम घोडाडला हुपामिमलाई सुबुडा क्‍वाल्‍बा रेट्‍पा साखाम ग्‍वाम्‍डी। गुलाई कोले डोक्‍पु कातु़रु़ ग्‍वाम्‍डी।

रेम्‍बेट्‌मिडिम ल्‍वा 6:4 Iomraidhean Croise

मत्ती 10:34

“सुबुडा मु़चु़मिमकु न-भ्रसिबेड्‌डा गो योङडोम र्‍वाक्‍पा मेमिम्‍नी। मेर्मिमकु न-भ्रसिबेड्‌डा मेएँ, मेदु़बेड्‌डा योङडोम सो़।

मत्ती 24:6

क्‍वाल्‍बा नुङ क्‍वाल्‍बाकु ल्‍वामिम गानी थो़नी। लावो मेङिनी, हेङालोने आरेप्‍माम दु़म्‍मुङा बासी। मेकोतिलो ने हुक्‍पा थारी मेरोल्‍या।

यूहन्‍ना 19:11

येशूका र्‍वाम्‍डी, “माम्‍चु़नीका गानीलाई ग्‍वाक्‍निमका कोङङा गोडला इनीमा साखाम बुमिम। मेम्‍मिमका इनीमा ल्‍वाडा गोलाई ग्‍वाक्‍पाका छो़म डोक्‍पु छु़ल बु़डु़म बु।”

रेम्‍बेट्‌मिडिम ल्‍वा 12:3

मेकोतिमा पाह्रीला कोङमी छेखोप दो़स्‍ता, मेराम ने येतले बुइ नुङ को धु़म रङनुङमा कोले डोक्‍पु लालाम डोमिफु बाइडा। मेरामका येतले उ बुइडला येतले मुकुट खुतासिड्‌डा।

रेम्‍बेट्‌मिडिम ल्‍वा 13:10

चला सो़म्‍सिमुङा बासिट्‌पा मु़चु़ चला सो़सी। कातु़रु़का सेन्‍सिमु बासिट्‌पा मु़चु़ कातु़रु़का सेन्‍ला सो़सी। मेम्‍मिमका माम्‍चु़नीकु सेपा मु़चु़मिमका उनी थो़मतेर्सीडा हाम वो मेर्‍वाक्‍साका इम्‍मु बासी मा थो़रलु़इमिम दु़म्‍मुम बुमु बासी।

रेम्‍बेट्‌मिडिम ल्‍वा 17:3

मेकोतिमा माम्‍चु़नी-पेलका गो लु़न्‍सिल्‍याङ्‍डो, मा पाह्रीचो़का गोलाई कोङ र्‍याङगो-र्‍याङगोडा लङ्‌डी। मेसिन्‍डा गो कोङ झ्‍वाक्‍पा लालाम हादीबाराडला गन्‍तासिड्‌डाम कोले मेसेम ल्वाउतो। मेराम हादीबारा माम्‍चु़नीकु नङ डक्‍पा नङमिमनुङमा मा येतले बुइ नुङ को धु़म रङमिमनुङमा बाइडा।

रेम्‍बेट्‌मिडिम ल्‍वा 17:6

मे मेसेम माम्‍चु़नीकु मु़चु़मिमकु सिसि नुङ येशूडा थो़र बेम्‍डिमका सेट्‌मिडिम मु़चु़मिमकु सिसिका सेड्‍डु़म गो ल्वाउतो। मेराम मेसेमलाई ल्वाउतोमा गो छो़म ङाङाया दु़म्‍ङोडो।