रेम्‍बेट्‌मिडिम ल्‍वा 6:16 - थुलुङ राई

¹⁶ मेर्मिमका पोप्‍चङ नुङ भ्‍र्‍वालाई आरे र्‍वाम्‍डी, “गुकुडला आल्‍सा मा हप गन्‍खोपडा गन्‍पाका ल्‍वामुडाम नुङ भेन्‍दाचो़कु छोक्‍चोडाम थक्‍की।

रेम्‍बेट्‌मिडिम ल्‍वा 6:16 Iomraidhean Croise

मत्ती 26:64

येशूका मेरामलाई तुम्‍डी, “अँ, गानी र्‍वाक्‍निम होमङा सो़। लावो गो गानी खोत्‍लेलाई र्‍वाङु, दिफु मिनीचो़लाई खोत्‍लेडाम घ्‍ल्‍वापा माम्‍चु़नीकु जो़पलाम गन्‍पा, मा धामुलाम खासेडलामका योक्‍तोङा बेपा गानी ल्‍वानी।”

मर्कूस 3:5

येशूका मे लुङ होप्‍माम उनी न ल्‍वाम्‍डिमका उनी गो नो़डा, मा उनी छोक्‍छोका होनो-आथो़ रेप्‍मिडी। मेम्‍मा मेरामलाई र्‍वाम्‍डी, “इमा ल्‍वा थङा।” मेकोतिमा मेरामका उमा ल्‍वा थङडु़, मा उमा ल्‍वा ङादोम होप्‍माङा नु़ल्‍याड्‌डा।

लूका 23:30

मेकोतिलो मेर्मिमका भ्‍र्‍वालाई र्‍वामी, ‘गुकुलाई ख्रेप्‍किनी’ मा पोप्‍चङमिमलाई र्‍वामी, ‘गुकुडला आल्‍नी।’

रेम्‍बेट्‌मिडिम ल्‍वा 10:6

मेम्‍मा गुका पाह्री नुङ मेगोला बाट्‌पा खोत्‍ले, सुबु नुङ मेगोडा बाट्‌पा खोत्‍ले, मा दिरिदिन नुङ मेगोयु़ बाट्‌पा खोत्‍लेलाई प्रङ्‌मिडिम गुमी, उहेम ने हेल्‍लो लोवो बुमिम बुमी। मेरामका उनीमा नङडा कसम पेसाका आरे र्‍वाक्‍ता, “आथा ने हाङको वो मेछु़।

रेम्‍बेट्‌मिडिम ल्‍वा 19:15

उनी सिलाम हन्‍पा कातु़रु़ मु़चु़मिमलाई चार्मु लु। “गुमीका मेर्मिमलाई हपका मोकु़मिम होप्‍माम सेलकु डु़लु़म्‍चो़का साखाम थो़मी।” गुमीका मेर्मिमलाई खोत्‍लेडलाम यु़मनुङमा माम्‍चु़नीकु छोक्‍चो रेम्‍बेन्‍मी। मेराम ने अङ्‍गूर धेम्‍साका खाल्‍पा मु़चु़ होङङा गुमीका उनी मिक्‍सीकु पिमिमलाई देम्‍मिमिम सो़।

रेम्‍बेट्‌मिडिम ल्‍वा 20:11

मेम्‍मा कोले डोक्‍पु साखाम थो़पा बुबुयाम गन्‍खोप नुङ मेडला गन्‍तासिट्‌पालाई गो ल्वाउतो। उनी ङादोलामका सुबु नुङ धामु स्‍वाच्‍ची मा मेर्चिपकाम लागि बान्‍थो़ वो खोम मेबायावा।

रेम्‍बेट्‌मिडिम ल्‍वा 4:2

माम्‍चु़नी-पेलका गो लु़न्‍सिल्‍याङ्‍डो, मा पाह्रीला आमा ङादोडा साखाम थो़पा कोले गन्‍खोप बाइडा मा मेसिन्‍डा कोले गन्‍तासिट्‌पा बाम्‍डी।

रेम्‍बेट्‌मिडिम ल्‍वा 4:5

मे साखाम थो़पा गन्‍खोपलामका ब्‍ल्‍याक्‍ची झ्‍वाक्‍ताम बाइडा, गुडुमाक्‍सी र्‍वाक्‍साका जेस्‍ताम बाइडा मा बुलु़लु़ बु़डु़म बाइडा। मे साखाम थो़पा गन्‍खोप ङादोडा येतले धिप्‍रीमिम झ्‍वाम्‍डिम बाम्‍डी, मेर्मिम ने माम्‍चु़नीकु येतले पेलमिम सो़।

रेम्‍बेट्‌मिडिम ल्‍वा 4:9

हाङकोलोका मे ब्‍लले सामनुङमामिमका हप गन्‍खोपडा गन्‍तासिट्‌पा मा हेल्‍लो लोवो बाट्‍पाम बाट्‍पाकाम नङ कोमी, डोक्‍पु बोमी मा आलासो़ ग्‍वामी,

रेम्‍बेट्‌मिडिम ल्‍वा 5:1

मेम्‍मा मे हप गन्‍खोपडा गन्‍तासिट्‌पा गुमीलाई गो ल्‍वाउतोमी। निफिलाम र्‍याक्‍मामा येतले छापमिम ओप्‍साका दिल्‍साका जु़ल्‍मा कोले खाजेम उनीमा जो़प ल्‍वाडा बाइडा।

रेम्‍बेट्‌मिडिम ल्‍वा 6:10

मेर्मिमका आरे र्‍वाम्‍डिमा डोक्‍पु लो़लामका येम्‍डी, “खोत्‍लेडलाम यु़मनुङमा, सेपा नुङ आच्‍छाङाम ङाचो़, ओ सुबुडा बाट्‌पा मु़चु़मिमकाम हाम्‍सिसम्‍म निया मेबोनी, मा गुकुलाई सेत्तिकिमकु छोक्‍चो मेहानिमिम?”

रेम्‍बेट्‌मिडिम ल्‍वा 9:6

मेम बिलि मु़चु़मिमका सिमु माल्‍मी लावो मेल्‍वामी। मेर्मिमका सिमु न बोमी लावो साम मेब्‍याले।