रेम्‍बेट्‌मिडिम ल्‍वा 6:1 - थुलुङ राई

¹ मे भेन्‍दाचो़का येतले छापमिमगोडाम कोलेलाई पिम्‍डिम गो ल्‍वाउतो। मेम्‍मा ब्‍लले सामनुङमामिमगोडाम कोलेका बुलु़लु़ होङङा र्‍वाक्‍पा लो़लामका “बिका” र्‍वाक्‍ताम गो थो़उतो।

रेम्‍बेट्‌मिडिम ल्‍वा 6:1 Iomraidhean Croise

यूहन्‍ना 1:29

उ दिकाम उ त्‍वापथो़ येशू बिक्‍तोङा लेट्‌मिडिम यूहन्‍नाका ल्‍वास्‍तु़मा र्‍वाक्‍ता, “रेप्‍नी, सु़म्‍दिसेरडाम मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।

थु़र्मा 4:20

हेङालोने गुचुकु ल्‍वाच्‍चोकोम नुङ थो़च्‍चोकोम ल्‍वा मेसो़साका बुमु ङा मेचाम्‍चुकु।”

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 13:8

मेम्‍मा सेट्‌मिडिम भेन्‍दाचो़कु त्‍वारो़मकु खाजेमडा सु़म्‍दिसेर प्रङ्‌सिमु ङादोङा नङ मेर्‍यासिट्‍पामिम खोत्‍लेका मे हादीबारालाई सेव सान्‍मी।

रेम्‍बेट्‌मिडिम ल्‍वा 14:2

मेम्‍मा पाह्रीलामका छेकुमेर्कु येपा होङङा मा डोक्‍पु बुलु़लु़ होङङा र्‍वाक्‍पा थो़उतो। गो थो़उतोम मे लो़लाम कामसोर डु़पामिमका उनी कामसोर डु़प्‍मिडिम होप्‍माम बाइडा।

रेम्‍बेट्‌मिडिम ल्‍वा 19:6

मेम्‍मा छो़म सेर्पा मु़चु़मिम होङङा येपा, ब्‍लोकु होङङा येपा नुङ डोक्‍पु बुलु़लु़ बु़मिम होप्‍माम लो़लाम गो थो़उतो, मेरामका आरे र्‍वाक्‍ताम बाइडा: “हल्‍लेलूयाह! हेङालोने इकीमा मिप्रङमा खोत्‍लेडाम यु़मनुङमा माम्‍चु़नीका साखाम थो़मी।

रेम्‍बेट्‌मिडिम ल्‍वा 4:8

मे ब्‍लले सामनुङमामिम खोत्‍लेकाम रुले-रुले लाप्‍तेर बाइडा मा मे लाप्‍तेरकु डलाम गोलाम खोत्‍लेथो़ मिक्‍सी-मिक्‍सी बाइडा। नेम्‍फु सिन्‍था मेङेसिक्‍साका मेर्मिमका आरे र्‍वामिम बुमी: “सेपा, सेपा, सेपा, खोत्‍लेडलाम यु़मनुङमा मिप्रङमा माम्‍चु़नी, गानी ङादो वो बान्‍नी, ओम्‍लो वो बुनी मा रोमु खाम्‍नी।”

रेम्‍बेट्‌मिडिम ल्‍वा 5:1

मेम्‍मा मे हप गन्‍खोपडा गन्‍तासिट्‌पा गुमीलाई गो ल्‍वाउतोमी। निफिलाम र्‍याक्‍मामा येतले छापमिम ओप्‍साका दिल्‍साका जु़ल्‍मा कोले खाजेम उनीमा जो़प ल्‍वाडा बाइडा।

रेम्‍बेट्‌मिडिम ल्‍वा 5:12

मेर्मिमका डोक्‍पु लो़लामका आरे र्‍वाक्‍साका काम्‍सो बेम्‍डिम बाम्‍डी: “सेट्‌मिडिम भेन्‍दाचो़, यु़म, खाप्‍ची, नेप्‍ची, सो, डोक्‍पु बेसी, यु़म-झ्‍वाक्‍सी, नुङ नङ कोसी रमुका घ्रेट्‌पा!”

रेम्‍बेट्‌मिडिम ल्‍वा 5:8

गुमीका मेराम दिल्‍साका जु़ल्‍मा खाजेम रम्‍डिलो मे ब्‍लले सामनुङमामिम नुङ न-ब्‍लले (२४) ङाउ-डु़म्‍लाचो़मिम उनीमा ङादोडा कुम्‍सिम्‍डी। खोत्‍लेकु ल्‍वाडा को कोले कामसोर बाइडा मा धूपका देम्‍पा सो़नाकु धूप बेखोप सोजाम जेन्‍थाम्‍डी। मे धूपका ने माम्‍चु़नीकु मु़चु़मिमकाम सो़म्‍दी रेम्‍बु़।

रेम्‍बेट्‌मिडिम ल्‍वा 6:3

हाङकोलो मे भेन्‍दाचो़का ननोम छाप पिम्‍डी, मे ननोम सामनुङमाका “बिका” र्‍वाक्‍ताम गो थो़उतो।

रेम्‍बेट्‌मिडिम ल्‍वा 6:5

मेकोतिमा भेन्‍दाचो़का सुनोम छाप पिम्‍डी मा सुनोम सामनुङमामिमका “बिका” र्‍वाक्‍ताम गो थो़उतो। गो रेप्‍तो मा कोले केकेम घोडा बाइडाम ल्‍वाउतो। मे घोडाडला हुपाकु उ ल्‍वाडा कोले तराजु जेथाड्‌डु़म बाइडा।

रेम्‍बेट्‌मिडिम ल्‍वा 6:7

भेन्‍दाचो़का ब्‍लनोम छाप पिम्‍डी, मा ब्‍लनोम सामनुङमामिमका “बिका” र्‍वाक्‍ताम गो थो़उतो।

रेम्‍बेट्‌मिडिम ल्‍वा 8:1

भेन्‍दाचो़का येतनोम छाप पिम्‍डी, मेम्‍मा आधा घण्‍टा कोकोसम्‍म पाह्रीला वायवाय दु़स्‍ता।