रेम्‍बेट्‌मिडिम ल्‍वा 4:2 - थुलुङ राई

² माम्‍चु़नी-पेलका गो लु़न्‍सिल्‍याङ्‍डो, मा पाह्रीला आमा ङादोडा साखाम थो़पा कोले गन्‍खोप बाइडा मा मेसिन्‍डा कोले गन्‍तासिट्‌पा बाम्‍डी।

रेम्‍बेट्‌मिडिम ल्‍वा 4:2 Iomraidhean Croise

मत्ती 22:43

गुमीका मेर्मिमलाई र्‍वाम्‍डी, “मेम माला हेसाका माम्‍चु़नी-पेललाम दाऊदका ख्रीष्‍टलाई ‘आमा ङाचो़’ र्‍वाबेट्‌मिडी? हेङालोने दाऊदका आरेसाका र्‍वाक्‍ताम बु,

हिब्रू 8:1

गुकु र्‍वामु माल्‍तोकोम ल्‍वा ओरामङा सो़। इकीमा लागि आरेप्‍माम डु़म्‍लाचो़ बुमी। गुमी पाह्रीला माम्‍चु़नीकु हप गन्‍पाखोमकु जो़पलाम गन्‍मिडिम बु।

रेम्‍बेट्‌मिडिम ल्‍वा 1:10

ङाचो़कु नेम माम्‍चु़नी-पेललाम गो लु़न्‍सिङडो मा गो आमा चङलामका भुम होप्‍माम डोक्‍पु लो़लाम थो़उतो।

रेम्‍बेट्‌मिडिम ल्‍वा 12:5

हपका मोक्‍पा होप्‍माम सेलकु डु़लु़म्‍चो़का खोत्‍ले नेब्‍दीडा साखाम थो़पा कोले तारापाचो़ मे मेसेमका कस्‍तु़। मेम्‍मा मे तारापाचो़ पाह्रीचो़का माम्‍चु़नीकाला मा उनीमा साखाम थो़पा गन्‍खोपला लडु़।

रेम्‍बेट्‌मिडिम ल्‍वा 17:3

मेकोतिमा माम्‍चु़नी-पेलका गो लु़न्‍सिल्‍याङ्‍डो, मा पाह्रीचो़का गोलाई कोङ र्‍याङगो-र्‍याङगोडा लङ्‌डी। मेसिन्‍डा गो कोङ झ्‍वाक्‍पा लालाम हादीबाराडला गन्‍तासिड्‌डाम कोले मेसेम ल्वाउतो। मेराम हादीबारा माम्‍चु़नीकु नङ डक्‍पा नङमिमनुङमा मा येतले बुइ नुङ को धु़म रङमिमनुङमा बाइडा।

रेम्‍बेट्‌मिडिम ल्‍वा 19:4

मेम्‍मा मे न-ब्‍लले ङाउ-डु़म्‍लाचो़मिम नुङ ब्‍लले सामनुङमामिम खुम्‍बु बेम्‍डिमा साखाम थो़पा गन्‍खोपडा गन्‍पा माम्‍चु़नीलाई आरे र्‍वाक्‍तो सेव साट्‌मिडी: “आमेन, हल्‍लेलूयाह!”

रेम्‍बेट्‌मिडिम ल्‍वा 20:11

मेम्‍मा कोले डोक्‍पु साखाम थो़पा बुबुयाम गन्‍खोप नुङ मेडला गन्‍तासिट्‌पालाई गो ल्वाउतो। उनी ङादोलामका सुबु नुङ धामु स्‍वाच्‍ची मा मेर्चिपकाम लागि बान्‍थो़ वो खोम मेबायावा।

रेम्‍बेट्‌मिडिम ल्‍वा 21:10

मेम्‍मा माम्‍चु़नी-पेलका गो लु़न्‍सिल्‍याङ्‍डो, मा पाह्रीचो़का गोलाई डोक्‍पु येप्‍पा पोप्‍चङडला लङडी मा पाह्रीलामका माम्‍चु़नीलाम योक्‍तोङा बेपा सेपा शहर, यरूशलेम रेम्‍बेट्‌ङिडी।

रेम्‍बेट्‌मिडिम ल्‍वा 21:5

साखाम थो़पा गन्‍खोपडा गन्‍तासिट्‌पा माम्‍चु़नीका गोलाई आरे र्‍वाम्‍डी, “खोत्‍ले गो लाले बनेबेउमी।” मेम्‍मा गुमीका र्‍वाम्‍डी, “ओर्मिम र्‍याका, हेङालोने ओर्मिम ल्‍वा थो़रलु़इमिम नुङ आच्‍छाङा सो़।”

रेम्‍बेट्‌मिडिम ल्‍वा 3:21

गो घ्‍ल्‍वाङडोमा माम्‍चु़नी पापनुङ उनीमा गन्‍खोपडा गन्‍पा साखाम ल्‍वाउतोम होङङा मेजो़पाडला घ्‍ल्‍वापामिमलाई गोनुङङा हप गन्‍खोपडा गन्‍मु ग्‍वाक्‍पुमी।

रेम्‍बेट्‌मिडिम ल्‍वा 4:10

मे न-ब्‍लले (२४) ङाउ-डु़म्‍लाचो़मिमका हप गन्‍खोपडा गन्‍तासिट्‌पाकु ङादोडा खुम्‍बु बोमी। मेम्‍मा हेल्‍लो लोवो बाट्‌पाम बाट्‌पा गुमीलाई सो़रलोले बोमी। मेर्मिमका उनीमा सो़नाकु मुकुटमिम मे हप गन्‍खोप ङादोडा जु़ल्‍मी मा आरे र्‍वामी:

रेम्‍बेट्‌मिडिम ल्‍वा 4:5

मे साखाम थो़पा गन्‍खोपलामका ब्‍ल्‍याक्‍ची झ्‍वाक्‍ताम बाइडा, गुडुमाक्‍सी र्‍वाक्‍साका जेस्‍ताम बाइडा मा बुलु़लु़ बु़डु़म बाइडा। मे साखाम थो़पा गन्‍खोप ङादोडा येतले धिप्‍रीमिम झ्‍वाम्‍डिम बाम्‍डी, मेर्मिम ने माम्‍चु़नीकु येतले पेलमिम सो़।

रेम्‍बेट्‌मिडिम ल्‍वा 4:9

हाङकोलोका मे ब्‍लले सामनुङमामिमका हप गन्‍खोपडा गन्‍तासिट्‌पा मा हेल्‍लो लोवो बाट्‍पाम बाट्‍पाकाम नङ कोमी, डोक्‍पु बोमी मा आलासो़ ग्‍वामी,

रेम्‍बेट्‌मिडिम ल्‍वा 5:1

मेम्‍मा मे हप गन्‍खोपडा गन्‍तासिट्‌पा गुमीलाई गो ल्‍वाउतोमी। निफिलाम र्‍याक्‍मामा येतले छापमिम ओप्‍साका दिल्‍साका जु़ल्‍मा कोले खाजेम उनीमा जो़प ल्‍वाडा बाइडा।

रेम्‍बेट्‌मिडिम ल्‍वा 5:13

मेम्‍मा पाह्रीला, सुबुडा, सुबु ध्‍वायु़ मा दिरिदिनगोयु़ नुङ मेगोडा बाट्‌पा सामनुङमा खोत्‍लेका आरे र्‍वाक्‍तो काम्‍सो बेम्‍डिम बाम्‍डिम थो़उतो: “मे हप गन्‍खोपडा गन्‍पा नुङ भेन्‍दाचो़काम हेल्‍लो लोवो नङ कोसिनु़, नङ डोक्‍पु दु़म्‍नु़, यु़म झ्‍वानु़ मा यु़म दु़म्‍नु़म बुनु़।”

रेम्‍बेट्‌मिडिम ल्‍वा 6:16

मेर्मिमका पोप्‍चङ नुङ भ्‍र्‍वालाई आरे र्‍वाम्‍डी, “गुकुडला आल्‍सा मा हप गन्‍खोपडा गन्‍पाका ल्‍वामुडाम नुङ भेन्‍दाचो़कु छोक्‍चोडाम थक्‍की।