रेम्‍बेट्‌मिडिम ल्‍वा 4:11 - थुलुङ राई

¹¹ “आकीमा ङाचो़ नुङ माम्‍चु़नी, डोक्‍पु बोमु, नङ कोमु मा यु़म रमुका घ्रेट्‌पा गानी, हेङालोने खोत्‍ले गानी प्रङ्‌निमी मा इनीमा नका मेर्मिम प्रङ्‌सिम्‍डी मा मेर्मिमका त्‍वारो़म ल्‍वाम्‍डिम बु।”

रेम्‍बेट्‌मिडिम ल्‍वा 4:11 Iomraidhean Croise

थु़र्मा 14:15

“वा-ल्‍वाकनी, गानी हेङा आरेप्‍माम खारी बोनिमिम? गुचुकु वो गानी होप्‍माम मु़चु़ ङा सो़। हाम ना हामकु ल्‍वामिमलामका आच्‍छाङाकाम माम्‍चु़नीडा ख्‍लोमु जो़पा-सेला गानीनुङ सो़प्‍डा गुचुकु रोक्‍चोकोम सो़। सुबु, धामु, दिरिदिन नुङ मेगोडा बाट्‌पामिम खोत्‍ले गुमीका ङा प्रङ्‌मिडी।

थु़र्मा 17:24

“सुबु नुङ मेगोडा बाट्‌पामिम खोत्‍ले प्रङपा माम्‍चु़नी गुमी ङा सो़। गुमी सुबु नुङ पाह्रीकाम मिप्रङमा सो़, मेम्‍मिमका मु़चु़का बनेबोमिम सो़रनेमडा मेबुमी।

रोमी 11:36

हेङालोने खोत्‍लेम थोक गुमीकाङा प्रङ्‌मिडिम, गुमीलामङा बाट्‍पाम बाट्‍पा मा उनीमा लागि ङा सो़। हेल्‍लो लोवो उनीमा यु़म झ्‍वानु़। आमेन।

एफिसी 3:9

मेम्‍मा खोत्‍लेम थोक प्रङपा माम्‍चु़नीका सु़म्‍दिमोलो आथामङा थक्‍मिडिम ल्‍वा हाम र्‍वाक्‍साका खोत्‍लेनुङ सो़मु लागि गोलाई छेट्‌ङिडिमी।

हिब्रू 1:10

माम्‍चु़नीका उनीमा तारापाचो़लाई आथावो र्‍वामी, “माम्‍चु़नी, सु़म्‍दिमोलो गानीङा ओराम सु़म्‍दिसेर प्रङनी मा गानी त्‍वाकु ल्‍वाकाङा धामु बनेबेन्‍नी।

हिब्रू 1:2

लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।

रेम्‍बेट्‌मिडिम ल्‍वा 1:6

मा उनीमा पाप नुङ माम्‍चु़नीकाम किब्‍दीगोडा लाले-पाङके बोमु लागि हपकु डु़म्‍लाचो़मिम दु़म्‍बेसाड्‌डामी। खोत्‍लेडाम डोक्‍पु नुङ उनीमा यु़म हेल्‍लो लोवो बाट्‌पा ख्रीष्‍टकु नङ कोसिनु़। आमेन!

रेम्‍बेट्‌मिडिम ल्‍वा 10:6

मेम्‍मा गुका पाह्री नुङ मेगोला बाट्‌पा खोत्‍ले, सुबु नुङ मेगोडा बाट्‌पा खोत्‍ले, मा दिरिदिन नुङ मेगोयु़ बाट्‌पा खोत्‍लेलाई प्रङ्‌मिडिम गुमी, उहेम ने हेल्‍लो लोवो बुमिम बुमी। मेरामका उनीमा नङडा कसम पेसाका आरे र्‍वाक्‍ता, “आथा ने हाङको वो मेछु़।

रेम्‍बेट्‌मिडिम ल्‍वा 14:7

गुका डोक्‍पु लो़लामका आरे र्‍वाक्‍ता, “माम्‍चु़नीकु ङिम जु़ल्‍नी मा गुमी डोक्‍पु बुमी र्‍वाक्‍नी, हेङालोने गुमीका निया बेपा थारी रोक्‍ताम बु। सुबु, पाह्री, दिरिदिन नुङ कुकु पुन्‍खोपमिम प्रङपा गुमीलाई सेव साट्‌नी।”

रेम्‍बेट्‌मिडिम ल्‍वा 19:1

आकोतिमा पाह्रीला हापा सेर्पामिमका येपा होप्‍माम लो़लाम थो़उतो, मेर्मिमका आरे र्‍वाम्‍डी: “हल्‍लेलूयाह! गुइलाई सेल्‍पा माम्‍चु़नी, गुमी खोत्‍लेकु डला बुमी, मा गुमी यु़मनुङमा बुमी,

रेम्‍बेट्‌मिडिम ल्‍वा 5:12

मेर्मिमका डोक्‍पु लो़लामका आरे र्‍वाक्‍साका काम्‍सो बेम्‍डिम बाम्‍डी: “सेट्‌मिडिम भेन्‍दाचो़, यु़म, खाप्‍ची, नेप्‍ची, सो, डोक्‍पु बेसी, यु़म-झ्‍वाक्‍सी, नुङ नङ कोसी रमुका घ्रेट्‌पा!”

रेम्‍बेट्‌मिडिम ल्‍वा 5:2

मेम्‍मा डोक्‍पु साखामनुङमा कोले पाह्रीचो़ ल्‍वाउतो। गुका डोक्‍पु लो़लामका आरे र्‍वाक्‍तोङा लेड्‌डु़, “दिल्‍साका जु़ल्‍मा ओराम खाजेमडला ओप्‍मा छापमिम पिसाका होर्मु घ्रेट्‌पा सु़ बु?”

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।