रेम्‍बेट्‌मिडिम ल्‍वा 4:10 - थुलुङ राई

¹⁰ मे न-ब्‍लले (२४) ङाउ-डु़म्‍लाचो़मिमका हप गन्‍खोपडा गन्‍तासिट्‌पाकु ङादोडा खुम्‍बु बोमी। मेम्‍मा हेल्‍लो लोवो बाट्‌पाम बाट्‌पा गुमीलाई सो़रलोले बोमी। मेर्मिमका उनीमा सो़नाकु मुकुटमिम मे हप गन्‍खोप ङादोडा जु़ल्‍मी मा आरे र्‍वामी:

रेम्‍बेट्‌मिडिम ल्‍वा 4:10 Iomraidhean Croise

मत्ती 2:11

मेम्‍मा मेर्मिम नेमगोनो हुम्‍डी, मा माम मरियमनुङ बाट्‌पा मे चो़च्‍चो़ ल्‍वाम्‍डी। मेर्मिमका क्रचु़खुम बेम्‍डिमा चो़च्‍चो़लाई डोक्‍पु मिम्‍साका सेव साट्‌मिडी। मेकोतिमा उनी कन्‍तुर होर्साका गुमीलाई सो़ना, धूप नुङ मूर्र ग्‍वाम्‍डी।

लूका 24:52

मेर्मिमका येशूकु सो़रलोले बेम्‍डी, मा छो़म उनी न-गो भ्रसिक्‍तो यरूशलेम ख्‍लोसिम्‍डी।

१ कोरिन्थी 15:10

लावो गो हाम बुङु, मेराम माम्‍चु़नीकु दिदामका दु़म्‍ङोडोम बु, मा गोडलाम उनीमा दिदाम हाम ना हामकाम मेदु़म्‍सावा। गो ने वाङमिम खोत्‍ले थु़र्मामिमडाम वो हापा मेझापातो खारीमिम बेउतो। लावो गो बेउतोम मेएँ, गोनुङ बाट्‌पा माम्‍चु़नीकु दिदामका।

रेम्‍बेट्‌मिडिम ल्‍वा 10:6

मेम्‍मा गुका पाह्री नुङ मेगोला बाट्‌पा खोत्‍ले, सुबु नुङ मेगोडा बाट्‌पा खोत्‍ले, मा दिरिदिन नुङ मेगोयु़ बाट्‌पा खोत्‍लेलाई प्रङ्‌मिडिम गुमी, उहेम ने हेल्‍लो लोवो बुमिम बुमी। मेरामका उनीमा नङडा कसम पेसाका आरे र्‍वाक्‍ता, “आथा ने हाङको वो मेछु़।

रेम्‍बेट्‌मिडिम ल्‍वा 11:16

मेम्‍मा माम्‍चु़नीकु ङादोडा त्‍वाकु गन्‍खोपडा गन्‍तासिट्‌पा मे न-ब्‍ल ङाउ-डु़म्‍लाचो़मिमका कुम्‍सिक्‍साका माम्‍चु़नीलाई सेव साट्‌मिडी,

रेम्‍बेट्‌मिडिम ल्‍वा 15:4

मिप्रङमा, सु़का इनीमा ङिम मेजु़लु़ मा सु़का गानी डोक्‍पु नुङ यु़मनुङमा मेर्‍वा? हेङालोने गानी कोङङा सेपा दु़म्‍नी। खोत्‍ले सामामिम इनीमा ङादोडा रोमिमा सेव सानिमी, हेङालोने इनीमा जो़पा खारीमिम दो़स्‍ताम बु।”

रेम्‍बेट्‌मिडिम ल्‍वा 15:7

मेम्‍मा ब्‍लले सामनुङमामिमगोडाम कोलेका हेल्‍लो लोवो बाट्‌पाम बाट्‌पा माम्‍चु़नीकु छोक्‍चोका देम्‍पा सो़नाकु येतले कान्‍चु़रेमिम मे येतले पाह्रीचो़मिमलाई ग्‍वाक्‍तु़मी।

रेम्‍बेट्‌मिडिम ल्‍वा 19:4

मेम्‍मा मे न-ब्‍लले ङाउ-डु़म्‍लाचो़मिम नुङ ब्‍लले सामनुङमामिम खुम्‍बु बेम्‍डिमा साखाम थो़पा गन्‍खोपडा गन्‍पा माम्‍चु़नीलाई आरे र्‍वाक्‍तो सेव साट्‌मिडी: “आमेन, हल्‍लेलूयाह!”

रेम्‍बेट्‌मिडिम ल्‍वा 4:2

माम्‍चु़नी-पेलका गो लु़न्‍सिल्‍याङ्‍डो, मा पाह्रीला आमा ङादोडा साखाम थो़पा कोले गन्‍खोप बाइडा मा मेसिन्‍डा कोले गन्‍तासिट्‌पा बाम्‍डी।

रेम्‍बेट्‌मिडिम ल्‍वा 4:4

मेराम साखाम थो़पा गन्‍खोपकु होनोलाम-आथो़लाम न-ब्‍ल (२४) साखाम थो़पा वाङमिम गन्‍खोपमिम बाम्‍डी। मेसिन्‍डा न-ब्‍लले (२४) ङाउ-डु़म्‍लाचो़मिम गन्‍तासिम्‍डी। मेर्मिमका बुबुयाम ये फम्‍तासिम्‍डी मा उनी बुइडला सो़नाकु मुकुट खुम्‍तासिम्‍डी।

रेम्‍बेट्‌मिडिम ल्‍वा 4:9

हाङकोलोका मे ब्‍लले सामनुङमामिमका हप गन्‍खोपडा गन्‍तासिट्‌पा मा हेल्‍लो लोवो बाट्‍पाम बाट्‍पाकाम नङ कोमी, डोक्‍पु बोमी मा आलासो़ ग्‍वामी,

रेम्‍बेट्‌मिडिम ल्‍वा 5:14

मे ब्‍लले सामनुङमिमका “आमेन” र्‍वाम्‍डी। मेम्‍मा ङाउ-डु़म्‍लाचो़मिमका कुम्‍सिम्‍डिमा भेन्‍दाचो़ सेव साट्‌मिडी।

रेम्‍बेट्‌मिडिम ल्‍वा 5:8

गुमीका मेराम दिल्‍साका जु़ल्‍मा खाजेम रम्‍डिलो मे ब्‍लले सामनुङमामिम नुङ न-ब्‍लले (२४) ङाउ-डु़म्‍लाचो़मिम उनीमा ङादोडा कुम्‍सिम्‍डी। खोत्‍लेकु ल्‍वाडा को कोले कामसोर बाइडा मा धूपका देम्‍पा सो़नाकु धूप बेखोप सोजाम जेन्‍थाम्‍डी। मे धूपका ने माम्‍चु़नीकु मु़चु़मिमकाम सो़म्‍दी रेम्‍बु़।

रेम्‍बेट्‌मिडिम ल्‍वा 7:11

मेम्‍मा खोत्‍ले पाह्रीचो़मिम मे हप गन्‍खोप, ङाउ-डु़म्‍लाचो़मिम नुङ ब्‍लले सामनुङमामिमकु होनोलाम-आथो़लाम येम्‍सिम्‍डी। मेम्‍मा मे हप गन्‍खोपकु ङादोडा कुम्‍सिम्‍डिमा आरे र्‍वाक्‍तो माम्‍चु़नीकु सो़रलोले बेम्‍डी: