रेम्‍बेट्‌मिडिम ल्‍वा 4:1 - थुलुङ राई

¹ आकोतिमा, गो रेप्‍तो मा पाह्रीला कोले लाम्‍चोको होल्‍तासिट्‌पा ल्‍वाउतो। मेम्‍मा ङादो गोनुङ जेपा मेराम लो़लामकाङा भुमकु लो़लामका होङङा गोनुङ आरे र्‍वाम्‍डी, “आला गेले गेडा, मा दिफु हाम दु़म, गो रेम्‍बेनी।”

रेम्‍बेट्‌मिडिम ल्‍वा 4:1 Iomraidhean Croise

मत्ती 3:16

येशूका कु-रु़दु़म रम्‍डिमा पाखाला लुङगेम्‍डी, मेकोतिलोङा पाह्री ह्‌वासिड्‌डा मा गुमीका माम्‍चु़नी-पेल तुक्‍तुकुर होङङा बेपा योक्‍तोङा लेट्‌पा मा गुमीडला गन्‍तोङा बेपा ल्‍वाम्‍डी।

मर्कूस 1:10

ब्‍लोकुलामका पाखाथो़ लुम्‍डी वो मेडे गुमीका पाह्री ह्‌वासिट्‌पा ल्‍वाम्‍डी, मा माम्‍चु़नी-पेल उनी त्‍वापडला तुक्‍तुकुर होप्‍माम योक्‍तोङा बेपा ल्‍वाम्‍डी।

लूका 3:21

खोत्‍ले मु़चु़का कु-रु़दु़म रम्‍डी, मा येशूका वो कु-रु़दु़म रसाका सो़म्‍दी बेम्‍डिम बाम्‍डी, मेकोतिलो पाह्री ह्‌वासिड्‌डा,

यूहन्‍ना 16:13

गुमी आच्‍छाङाम पेल योमिमा गुमीका गानीलाई आच्‍छाङाकाम खोत्‍ले ल्‍वाथो़ क्रिनिमी। गुमीका उनी त्‍वाकु नका मेजेमी। गुमीका हाम थो़मी मेराम कोङङा जेमी, मा दिफु दु़म्‍पा ल्‍वाकु दुथाम गानीनुङ सो़मी।

थु़र्मा 10:11

गुका पाह्री ह्‌वासिक्‍पा मा मेडलामका ब्‍ल सुरडा बन्‍थाट्‌मा प्‍लानबेखोप होप्‍माम ये सुबुडा योक्‍तोङा बेपा ल्‍वास्‍तु़।

थु़र्मा 7:56

मेकोतिमा गुका र्‍वाक्‍ता, “रेप्‍नी, पाह्री ह्‌वासिट्‌पा मा मिनीचो़ माम्‍चु़नीकु जो़पलाम येम्‍तासिन्‍मिमिम गो ल्‍वाउ।”

रेम्‍बेट्‌मिडिम ल्‍वा 1:10

ङाचो़कु नेम माम्‍चु़नी-पेललाम गो लु़न्‍सिङडो मा गो आमा चङलामका भुम होप्‍माम डोक्‍पु लो़लाम थो़उतो।

रेम्‍बेट्‌मिडिम ल्‍वा 1:12

गोनुङ जेपा सु़ रेछा र्‍वाक्‍साका रेमु लागि गो ख्‍लोङ्‌सिङडोलो मेसिन्‍डा सो़नाकाम येतले धिप्‍री चाखोप ल्‍वाउतो,

रेम्‍बेट्‌मिडिम ल्‍वा 1:19

“मेम्‍मिमका गाना इमा मिक्‍सीका ल्‍वान्‍नाम ओम्‍लो दु़म्‍तोङा लेट्‍पा ल्‍वा नुङ दिफु दु़म्‍पा ल्‍वामिम र्‍याका।

रेम्‍बेट्‌मिडिम ल्‍वा 11:12

मेम्‍मा मेर्चिपलाई पाह्रीलामका कोङ डोक्‍पु लो़लामका आरे र्‍वाक्‍ताम थो़च्‍ची, “आला गेची।” मेर्चिपकु स्‍वाक्‍चिमोमिमका रेप्‍मिडी होङङा खासेडलामका पाह्रीला लक्‍ची।

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 16:17

मेम्‍मा येतनोम पाह्रीचो़का जुडला उ कान्‍चु़रे अयु़डु़, मा सो़रनेमडाम हप गन्‍खोपलामका आरे र्‍वाक्‍पा कोङ डोक्‍पु लो़लाम लुक्‍ता, “लु, हुक्‍ता।”

रेम्‍बेट्‌मिडिम ल्‍वा 19:11

मेम्‍मा पाह्री ह्‌वासिट्‌पा गो ल्‍वाउतो मा मेसिन्‍डा आमा ङादोडा कोले बुबुयाम घोडा बाइडा, मे घोडाडला हुपाकु नङ “थो़रलु़इमिम” नुङ “आच्‍छाङा” बाइडा। गुमीका जो़पा निया नुङ क्‍वाल्‍बा बोमी।

रेम्‍बेट्‌मिडिम ल्‍वा 22:6

मे पाह्रीचो़का गोलाई आरे र्‍वाक्‍ता, “गानालाई र्‍वाक्‍मा ओर्मिम खोत्‍ले ल्‍वा थो़रलु़इमिम नुङ आच्‍छाङाकाम बु सो़। दु़म्‍मुङा खापा ल्‍वामिम उनी डु़ल्‍चो़मिमलाई रेमबेन्‍मु गुमीलाम जेपा मु़चु़मिमलाई न ग्‍वाक्‍पा मिप्रङमा माम्‍चु़नीका उनी पाह्रीचो़ थु़र्मिडी।”