रेम्‍बेट्‌मिडिम ल्‍वा 3:17 - थुलुङ राई

¹⁷ ‘गो खाप्‍चीचो़ बुङु, गोनुङ हापा खाप्‍ची बु मा गोलाई हाम वो मेबासी’ र्‍वाक्‍साका गाना र्‍वाना। लावो गाना इमा न-गो नो़पा, नाम्नाम्चो़ लु़इमिम, हाम वो मेबाट्‌पा, मिक्‍सीका मेल्‍वापा मा खालिन्‍ते बुनामिम मेचना।

रेम्‍बेट्‌मिडिम ल्‍वा 3:17 Iomraidhean Croise

मत्ती 5:3

“न-गोलाम माम्‍चु़नीकु ख्‍लो़सी माल्पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

मत्ती 9:12

ओराम थो़म्‍डिमा येशूका र्‍वाम्‍डी, “मेनो़पा मु़चु़लाई डाक्‍टर मेबासी, लावो नो़पा मु़चु़लाई बासी।

लूका 1:53

गुमीका क्रु़मसिपामिमलाई जो़पा-भ्रपा पोमु-डुमु खोहोम ग्‍वाम्‍डिम बु, मा खाप्‍चीचो़मिमलाई होप्‍तोङा थु़र्मीडिम बु।

लूका 6:24

लावो गानी खाप्‍चीचो़मिम ने हाउरेमा! हेङालोने गानी इनी त्‍वाकु नसीहोम बोमु दु़म्‍निम बु।

रोमी 11:20

मेराम ने आच्‍छाङा सो़, यहूदीमिमका माम्‍चु़नीडा थो़र मेबेमिवामकाङा ग्रेम फल्‍साका घ्रोक्‍मा होङङा मेर्मिम घ्रोला सो़सिम्‍डी। गानी थो़र बेन्‍निमका ङा मेसिन्‍डा बुनी। ओराम ल्‍वाकु दुथाम गानी इनी नो़ डोक्‍पु मेबेनी, लावो माम्‍चु़नीकु ङिम जु़ल्‍नी।

रोमी 11:25

वा-ल्‍वाकनी, थक्‍साका जु़ल्‍मा कोले ल्‍वा गानी चन्‍जो़ल्‍नी र्‍वाक्‍पा आमा न बु। मेराम ल्‍वा गानी चक्‍नी माला गानी इनी त्‍वाकाम लागि डोक्‍पु मेलिन्‍सिनी। मेराम थक्‍मा ल्‍वा आरेप्‍माम बु, रोमु बासिक्‍पा कोति वाङसामामिम ख्रीष्‍टडा मेरोक्‍थु़मसम्‍म इस्राएलीमिमकु न-गो लुङ होप्‍माम दु़म।

रोमी 12:3

माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।

रोमी 7:24

गो हाङको नाम्‍नाम्चो़ मु़चु़, ओराम सिमुलाम रेट्‍पा मिरो़मलाम गोलाई सु़का सेल्‍मु चाम्‍ङी?

२ पत्रुस 1:9

लावो कोङनिमनुङ ओर्मिम ल्‍वा मिबु माला ने मेराम मु़चु़का जो़होमका ल्‍वामु मेचाप्‍सु़। मेराम मिक्‍सीका मेल्‍वापा सो़। ङादोम उ छु़लमिमडाम गुलाई छेको-छेको बेम्‍मा गुका प्‍ल्‍वास्‍तु़म बु।

रेम्‍बेट्‌मिडिम ल्‍वा 16:15

“रेप्‍नी, गानी इनी नड्‍डा वो मेमिम्‍निम थारीका खुचु़वा होङका गो रोङु। चङचङया बाट्‌पा मा ये-सेम त्‍वापनुङ जु़ल्‍पा मु़चु़ आलाकाम सो़, मेम्‍साका गु खालिन्‍ते मेल, मा मु़चु़मिमका उ क्रो़म मेल्‍वामी।”

रेम्‍बेट्‌मिडिम ल्‍वा 2:9

गो इमा थो़मतेर्सिड्‍डाम चक्‍पु, गानानुङ हाम वो मिबुमिम वो चक्‍पु, लावो पाह्रीला ने गाना खोत्‍लेका लिट्‌पा बुना। इमा दुथाम मेजो़पा जेपा मेर्मिम मु़चु़लाई गो छेपुमी। मेर्मिमका उनी त्‍वाप ने माम्‍चु़नीकु मु़चु़ यहूदी र्‍वामी, मेर्मिम यहूदी मेएँ लावो मेर्मिम ने शैतानकु घ्रो़म्‍दीनेम सो़।

रेम्‍बेट्‌मिडिम ल्‍वा 3:16

हेङालोने गाना दिमदिमवाम बुना। छक्‍पा वो मेबुना घ्रु़पा वो मेबुना। गो गानालाई आमा सिलामका ओल्‍सोनी।