रेम्‍बेट्‌मिडिम ल्‍वा 22:4 - थुलुङ राई

⁴ मेर्मिमका माम्‍चु़नीकु ङाली ल्‍वामी, मा उनीमा नङ मेर्मिमकु कुप्‍पीडा दु़म।

रेम्‍बेट्‌मिडिम ल्‍वा 22:4 Iomraidhean Croise

मत्ती 5:8

सेपा न-गोकाममिम जिनुङमा सो़, हेङालोने मेर्मिमका माम्‍चु़नीलाई ल्‍वामी।

यूहन्‍ना 12:26

उहेमका आमा चापेडुपे बु़, मेराम आमा चङचङ लाम्‍दिमु बासी, मा गो बान्‍ते बुङु, आमा डु़ल्‍चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्‍पु बोमी।

यूहन्‍ना 17:24

“पाआ, गानी गोलाई ग्‍वाङ्‌डिनिम मु़चु़मिम बान्‍ते गो बुङु, मेसिन्‍डा गोनुङ दु़म्‍मिनु़ र्‍वाक्‍पा आमा न बु। सु़म्‍दिमो ङादोङा गानी गोलाई रिखाम बेङ्‌डिनिमका ग्‍वाङ्‌डिनिम यु़म-झ्‍वाक्‍सी मेर्मिमका रेम्‍मिनु़ र्‍वाक्‍पा वो न बेउ।

१ कोरिन्थी 13:12

ओम्‍लो गुइ ऐनाडा ब्‍लाम-ब्‍लामया ल्‍वासिमिम होप्‍माम ल्‍वासी, लावो मेम्‍लो गुइ छ्‌याङलो-छ्‌याङलो ल्‍वासी। लावो ओम्‍लो गो कि-कि कोङङा थेसिथेट्‌पु, माम्‍चु़नीका गोलाई छेङिमिमिम होम्‍साका मेम्‍लो गो जो़होमका थेसिथेट्‌पु।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

रेम्‍बेट्‌मिडिम ल्‍वा 14:1

मेकोतिमा गो रेप्‍तो, मा आमा ङादोनो सियोन पोप्‍चङडला भेन्‍दाचो़ येम्‍तासिट्‌मिडिम बाइडा, मा गुमीनुङ को-ब्ल सङसङ ब्ल धु़मसङ मु़चु़मिम बाम्‍डी। मेर्मिमकु कुप्‍पीडा उनीमा नङ नुङ उनीमा पापकु नङ र्‍याक्‍मा बाइडा।

रेम्‍बेट्‌मिडिम ल्‍वा 3:12

मेजो़पाडला सु़ घ्‍ल्‍वा, गुलाई गो आमा माम्‍चु़नीकु सो़रनेमकु खाँबा होप्‍माम दु़म्‍बेट्‌पु। मेम्‍मा मेलामका गु हाम्‍सी वो मेल। गो गुडला आमा माम्‍चु़नीकु नङ नुङ उनीमा लाले शहर यरूशलेमकु नङ र्‍याक्‍पु। मेराम शहर पाह्रीलाम माम्‍चु़नीलाम यो। मेम्‍मा गुडला आमा लाले नङ वो र्‍याक्‍पु।

रेम्‍बेट्‌मिडिम ल्‍वा 7:3

“इकीमा माम्‍चु़नीकु खारीचो़मिमकाम उनी कुप्‍पीडा गुकु छाप मेओप्‍थु़मसम्‍म सुबुडा लोवो दिरिदिनडा लोवो धक्‍सामिमलाई लोवो छो़रो़प मेबेनी।”