रेम्‍बेट्‌मिडिम ल्‍वा 22:2 - थुलुङ राई

² मे शहरकु डोक्‍पु लाम्‍दीकाम थेतेभाल ओन्‍पा बाइडा। ब्‍लोकुकु होनोलाममिम फार नुङ आथो़लाममिम फारडा त्‍वारो़म ग्‍वाक्‍पा धक्‍सामिम बाम्‍डी। मेर्मिमकाम को थका को-न खेप मा सिथाल्‍लु़, हेङालोने मुनाम-मुनामका को-न खालकाम मा सिथाल्‍लु़। मेम्‍मा मे धक्‍साकु ब्‍लाममिमका ने मु़चु़मिम सबेडु़मी।

रेम्‍बेट्‌मिडिम ल्‍वा 22:2 Iomraidhean Croise

लूका 4:18

“‘मिप्रङमाकु पेलका गोलाई लु़ट्‌ङिडिमिम बु, मेम्‍साका उनी हाम वो मेबाट्‌पामिमलाई गो जो़पा-सेला थो़बेट्‌पुमी, मा शैतानका बथाडु़मिम मु़चु़मिम मेलामका वाङ दु़म्‍मी। मेम्‍मा मिक्‍सीका मेल्‍वापामिमकाम उनी मिक्‍सी ह्‌वासी, मा दु़खाडा बाट्‌पामिम मेलामका वाङ दु़म्‍मी,

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

रेम्‍बेट्‌मिडिम ल्‍वा 21:21

मे को-न लाम्‍चोकोमिम को-न दिरिल्‍यकाम बाम्‍डी, खोत्‍ले लाम्‍चोको कोले कोले दिरिल्‍यकाम बाइडा। मे शहरकु डोक्‍पु लाम्‍दी छ्‌याङलो-छ्‌याङलो दो़पा सिसा होप्‍माम जो़पा सो़नाकाम बाइडा।

रेम्‍बेट्‌मिडिम ल्‍वा 21:24

मे शहरकु ओलका मु़चु़मिम लाम्‍दिमी, मा सुबुडाम हपमिमका उनी खाप्‍ची मेसिन्‍डा रेन्‍मी।

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

रेम्‍बेट्‌मिडिम ल्‍वा 22:19

मेम्‍मा कोङनिम मु़चु़का माम्‍चु़नीलाम जेम्‍मा ओराम खाजेमगोडाम कोङनिम सिजेम क्रिप्‍डु़ माला ओराम खाजेमडा र्‍वाक्‍मा त्‍वारो़म ग्‍वाक्‍पा धक्‍सा नुङ सेपा शहर गोडा गुका ल्‍वापा उमा दो़दो़वा माम्‍चु़नीका रोन्‍मी।