रेम्‍बेट्‌मिडिम ल्‍वा 22:16 - थुलुङ राई

¹⁶ “गो, येशूका, मण्‍डलीमिमकाम लागि ओराम ल्‍वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्‍वाक्‍पा सोरलुङ गोङा सो़।”

रेम्‍बेट्‌मिडिम ल्‍वा 22:16 Iomraidhean Croise

मत्ती 1:1

ओराम येशू ख्रीष्‍टकु पाइमाखाकाम नङमिमकु सु़म्‍दिमोलोम ल्‍वा सो़। येशू ख्रीष्‍ट दाऊदकु दोचो़लामका रोम्‍डी, मा दाऊद अब्राहामकु दोचो़लाममिम बाइडा।

मत्ती 2:2

“यहूदीमिमकु मालो गक्‍पा हप बान्‍ते बुमी? गुमी गम्‍डिम र्‍वाक्‍पा पूर्वनो धामुला सोरलुङ ल्‍वासाका चक्‍तोको। मेम्‍मिमका गुमीलाई डोक्‍पु मिम्‍साका सेव साड्‌डा रोक्‍तोकोम।”

मत्ती 22:42

“ख्रीष्‍टकु दुथाम गानी हाम मिम्‍नी? गु सु़कु चो़?” मेर्मिमका र्‍वाम्‍डी, “गु दाऊदकु चो़।”

मत्ती 22:45

“दाऊदका ख्रीष्‍टलाई ‘आमा ङाचो़’ र्‍वा, मा हेसाका ख्रीष्‍ट दाऊदकु चो़ दु़म मा?”

लूका 1:78

हेङालोने माम्‍चु़नीकु छो़म न-थो़मका पाह्रीलामका नेप्‍सुङकु ओल होप्‍माम ख्रीष्‍ट इकीमाडा योमी,

लूका 20:44

आरेसाका दाऊदका ख्रीष्‍टलाई ‘ङाचो़’ र्‍वा मा हेसाका ख्रीष्‍ट उ चो़ दु़स्‍ता मा?”

रोमी 15:12

आथावो माम्‍चु़नीलाम जेपा यशैयाका र्‍वा, “यिशैकु दोचो़लाम कोले रोमी, गुमीका वाङसामामिमडला साखाम थो़मी, गुमीलाम वाङसामामिमका सेल्‍सिमु न बोमी।”

रोमी 9:5

मेर्मिम छो़म नङ दोपा बेप-पापकु चो़-चु़सु़मिम सो़, ख्रीष्‍ट उनी त्‍वाप वो ओराम सामागोडा गम्‍डी। गुमी ने खोत्‍लेडला साखाम थो़पा मा हेल्‍लो लोवो नङ कोसिक्‍पा माम्‍चु़नी बुमी। आमेन।

२ पत्रुस 1:19

मेम्‍मिमका गुकु थो़त्तोकोम माम्‍चु़नीलाम-जेपामिमकु सिजेमडा छो़म आच्‍छाङा दु़स्‍ताम बु। नेमसोसोम सोरलुङ मेओप्‍थु़म नुङ नेमसोसो मेदु़मथु़मसम्‍म तुकुम्‍चिमडला झ्‍वाक्‍पा ओल होप्‍माम मेराम सिजेमडा न सोक्‍नी माला गानी जो़पा बोनी।

रेम्‍बेट्‌मिडिम ल्‍वा 1:1

ओराम खाजेमडा दालाङा हाम दु़म्मिम मेराम ल्‍वा येशू ख्रीष्‍टका रेम्‍बेम्‍डिम बु। त्‍वाकु लाले-पाङके बेपा डु़ल्‍चो़मिमका दालाङा ओराम ल्‍वाकु दुथाम चमिनु़ र्‍वाक्‍साका माम्‍चु़नीका ओराम रेम्‍बेट्‌मिडम ल्‍वा येशूलाई ग्‍वाम्‍डी। मेम्‍मा ओराम ल्‍वाकु दुथाम सो़मु लागि येशूका कोले पाह्रीचो़लाई उनीमा त्‍वाकु डु़ल्‍चो़ यूहन्‍नाकाडा थु़र्मिडी।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

रेम्‍बेट्‌मिडिम ल्‍वा 2:11

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेम मु़चु़ घ्‍ल्‍वा, मेराम आथावो चङडा सिमु मेबासी।

रेम्‍बेट्‌मिडिम ल्‍वा 2:17

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेमका मेजो़पाडला घ्‍ल्‍वा, मेरामलाई थक्‍मा मन्‍न ग्‍वाक्‍पु। मेम्‍मा लाले नङ र्‍याक्‍मा बुबुम लुङ गो मेराम मु़चु़लाई ग्‍वाक्‍पु। मेराम लुङ डार्पाडाम वाङमिम सु़का वो मे नङकु दुथाम मेच।

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

रेम्‍बेट्‌मिडिम ल्‍वा 22:11

उहेम मु़चु़का मेजो़पा खारी बु़, मेरामका मेजो़पा खारीङा बु़नु़म बुनु़, उहेम मु़चु़का घ्राम्‍लु़पा खारी बु़, मेरामका घ्राम्‍लु़पा खारीङा बु़नु़म बुनु़, उहेम मु़चु़का जो़पा खारी बु़, मेरामका जो़पा खारीङा बु़नु़म बुनु़ मा उहेम मु़चु़का उ त्‍वाप माम्‍चु़नीलाई ग्‍वाकु़, गु मेम्‍साकाङा लाम्‍दिनु़म बुनु़।”

रेम्‍बेट्‌मिडिम ल्‍वा 22:20

ओर्मिम ल्‍वामिम र्‍वाक्‍पाका आरे र्‍वामी, “आच्‍छाङा, गो योमुङा खापुमिम बु।” आमेन, ङाचो़ येशू योक्‍नीका।

रेम्‍बेट्‌मिडिम ल्‍वा 22:6

मे पाह्रीचो़का गोलाई आरे र्‍वाक्‍ता, “गानालाई र्‍वाक्‍मा ओर्मिम खोत्‍ले ल्‍वा थो़रलु़इमिम नुङ आच्‍छाङाकाम बु सो़। दु़म्‍मुङा खापा ल्‍वामिम उनी डु़ल्‍चो़मिमलाई रेमबेन्‍मु गुमीलाम जेपा मु़चु़मिमलाई न ग्‍वाक्‍पा मिप्रङमा माम्‍चु़नीका उनी पाह्रीचो़ थु़र्मिडी।”

रेम्‍बेट्‌मिडिम ल्‍वा 3:13

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी मेरामका थो़सु़नु़।

रेम्‍बेट्‌मिडिम ल्‍वा 3:22

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी मेरामका थो़सु़नु़।”

रेम्‍बेट्‌मिडिम ल्‍वा 3:6

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़।

रेम्‍बेट्‌मिडिम ल्‍वा 5:5

मेकोतिमा मे ङाउ-डु़म्‍लाचो़मिमगोडाम कोलेका गोनुङ र्‍वाक्‍ता, “मेख्राप्‍डा! रेप्‍डा, यहूदाकु दोचो़लाममिम धेन्‍द्रा, दाऊदकु चो़-चु़सु़का घ्‍ल्‍वाम्‍डिम बु। मे खाजेम नुङ मेरामकु येतले छापमिम होर्मु चापा गुमी बुमी।”