रेम्‍बेट्‌मिडिम ल्‍वा 22:10 - थुलुङ राई

¹⁰ मेम्‍मा गुका आरे बेङ्‌डी, “ओराम खाजेमडा बाट्‌पा माम्‍चु़नीलाम जेम्‍मा सिजेममिमडला छाप मेओप्‍डा, हेङालोने थारी रोक्‍फाड्‌डाम बु।

रेम्‍बेट्‌मिडिम ल्‍वा 22:10 Iomraidhean Croise

मत्ती 10:27

ओर्मिम खोत्‍ले ल्‍वा गो गानीलाई कोङङा र्‍वाङु, लावो गानी ओराम ल्‍वा खोत्‍ले मु़चु़नुङ सो़नी। गो गानीनुङ सु़पील्‍वाका सो़उतोम ल्‍वा खोत्‍ले मु़चु़का थो़पा बेसाका नेमडलामका र्‍वाक्‍नी।

रोमी 13:11

रेप्‍नी, ओम्‍लो हेप्‍माम थारी रोक्‍तोङा बु़ र्‍वाक्‍साका गानी वो चनिम ङा बु। ङिमालाम ङोसिक्‍पा थारी दु़स्‍ताम बु, हेङालोने गुइ ङादो थो़रलुइडिम थारीडाम वो सेल्‍सिक्‍पा थारी फार्डाङा रोक्‍ताम बु।

रोमी 13:12

तुकुम्‍चिम हुक्‍तामा ओल रोमु खाप्‍डु़म बु। मेम्‍मिमका तुकुम्‍चिमगोडा बाट्‍पा मु़चु़मिमकाम होप्‍माम खारी बोमु डिसाका मेरामनुङ क्‍वाल्‍बा बोमु लागि ओलकु सेनामिम होङङा झो़म्‍सिडी।

२ थेसलोनिकी 2:3

मु़चु़मिमका ओराम ल्‍वाकु दुथाम गानीलाई र्‍वामिमिम लिमा ल्‍वा जेसाका लु-फेले बोमु मेल्वासु़नु़। मु़चु़मिम माम्‍चु़नीकु कोर्थो़लाम बमी, मा माम्‍चु़नीकु डु़म्‍लाकाम कोर्थो़लाम बमिम पुयु़लुक्‍पा मु़चु़ रो। मेम्‍मा ङाचो़ येशू योमी।

१ पत्रुस 4:7

सु़म्‍दिसेरकु हुक्‍पा थारी रोक्‍फाड्‌डाम बु। मेम्‍मिमका चङचङया बानी मा इनी त्‍वापलाई जो़होमका जु़ल्‍नी, मेम्‍मा गानी सो़म्‍दी बोमु चापा दु़म्‍नी।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

रेम्‍बेट्‌मिडिम ल्‍वा 1:3

ओम्‍लो नुङ दिफु दु़म्‍पा ल्‍वाकु दुथाम जेम्‍मा ओराम सिजेम उहेम मु़चु़का डाडु़ मेरामलाई माम्‍चु़नीका जि-वा ग्‍वामी। मेम्‍मा ओराम सिजेम सु़का थो़सु़ मा ओराम सिजेमका र्‍वामिम होङङा बु़, मेरामलाई गुमीका जि-वा ग्‍वामी, हेङालोने ओर्मिम खोत्‍ले दु़म्‍पा थारी रोम्‍फामु खाप्‍डु़म बु।

रेम्‍बेट्‌मिडिम ल्‍वा 10:4

येतले बुलु़लु़मिम बु़डु़म ल्‍वा गो र्‍यामु खाप्‍तोम बाइडा, लावो पाह्रीलामका कोङ लो़लामका आरे र्‍वाक्‍ताम गो थो़उतो, “मे येतले बुलु़लु़मिमका र्‍वाम्‍डिम ल्‍वा मेर्‍याका, लावो नगोडा जु़ला।”

रेम्‍बेट्‌मिडिम ल्‍वा 22:16

“गो, येशूका, मण्‍डलीमिमकाम लागि ओराम ल्‍वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्‍वाक्‍पा सोरलुङ गोङा सो़।”

रेम्‍बेट्‌मिडिम ल्‍वा 22:18

ओराम खाजेमडा बाट्‌पा माम्‍चु़नीलाम जेम्‍मा सिजेममिम थो़पा खोत्‍ले मु़चु़लाई गो ङिमसाट्‌पुमी: कोङनिम मु़चु़का मेर्मिम सिजेमडला कोङनिम ल्‍वा काप्‍डु़ माला ओराम खाजेमडा र्‍वाक्‍मा मु़चु़ सेट्‌पा दु़खा थारीमिम माम्‍चु़नीका मेराम मु़चु़डला काम्‍सामी।

रेम्‍बेट्‌मिडिम ल्‍वा 22:20

ओर्मिम ल्‍वामिम र्‍वाक्‍पाका आरे र्‍वामी, “आच्‍छाङा, गो योमुङा खापुमिम बु।” आमेन, ङाचो़ येशू योक्‍नीका।

रेम्‍बेट्‌मिडिम ल्‍वा 22:7

“रेप्‍नी, गो येशू योमुङा खापुमिम बु। उहेम मु़चु़का ओराम खाजेमडा रेम्‍बेम्‍मा ल्‍वा होम्‍साका बु़, मेराम मु़चु़ आलाकाम सो़।”

रेम्‍बेट्‌मिडिम ल्‍वा 22:9

लावो गुका गोलाई आरे बेङ्‌डी, “आरे ने मेबे! गो ने गाना, माम्‍चु़नीलाम जेपा इमा वा-ल्‍वाकमिम नुङ ओराम खाजेमडाम सिजेममिम होम्‍साका दोपामिम होप्‍माम माम्‍चु़नीकु डु़ल्‍चो़ कोङङा सो़। माम्‍चु़नीलाई सेव साडा।”

रेम्‍बेट्‌मिडिम ल्‍वा 5:1

मेम्‍मा मे हप गन्‍खोपडा गन्‍तासिट्‌पा गुमीलाई गो ल्‍वाउतोमी। निफिलाम र्‍याक्‍मामा येतले छापमिम ओप्‍साका दिल्‍साका जु़ल्‍मा कोले खाजेम उनीमा जो़प ल्‍वाडा बाइडा।