रेम्‍बेट्‌मिडिम ल्‍वा 21:6 - थुलुङ राई

⁶ गुमीका गोनुङ र्‍वाम्‍डी, “खोत्‍ले बोम्‍सोमु दु़स्‍ता। अल्‍फा नुङ ओमेगा, खोत्‍ले चो़म्‍सी बेट्‌पा नुङ हुक्‍सोक्‍पा गोङा। सु़ कोरा सि गो मेराम मु़चु़लाई त्‍वारो़म ग्‍वाक्‍पा कु पुन्‍खोपलामका पुट्‌पा कु मेडेङा थो़पु।

रेम्‍बेट्‌मिडिम ल्‍वा 21:6 Iomraidhean Croise

यूहन्‍ना 4:10

येशूका मेराम मेसेमलाई र्‍वाम्‍डी, “गाना माम्‍चु़नीकु राप्‍लावा नुङ गानानुङ कु डुमु बिपा मु़चु़ सु़ र्‍वाक्‍साका छेनावाम माला ने गाना गुनुङ बिनावा। मेम्‍मा गुका गानालाई त्‍वारो़म ग्‍वाक्‍पा कु ग्‍वाक्‍नावा।”

यूहन्‍ना 4:11

मेराम मेसेमका गुमीनुङ र्‍वाक्‍ता, “ङाचो़, गानीनुङ कु वाम्‍खोप सोजाम वो मिबु, मा इनार वो हापा घ्‍लु़म्‍पा बु। बालामका गानी त्‍वारो़म ग्‍वाक्‍पा कु रेट्‌निवा?

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

रोमी 3:24

लावो माम्‍चु़नी न-थो़मनुङमा बुमी मा उनीमा दिदामलामका मु़चु़मिमलाई ख्रीष्‍ट येशूडा मुमा मान्‍थिम नुङ जो़पा न-गोकाम दु़म्‍बेट्‌मिडी। हेङालोने खोत्‍ले मु़चु़का ल्‍वामु बासिक्‍पा देन्‍दे येशू ख्रीष्‍ट उनी त्‍वाका ल्‍वाम्‍डिमा छु़ललाम वाङ बेसाड्‍डामिम बु।

रोमी 8:32

माम्‍चु़नीका उनीमा तारापाचो़लाई वो मेडिट्‌मिवा मा इकीमा लागि सासेट्‌मिडी। इकीमा लागि उनीमा तारापाचो़ङा सासेट्‍पा माम्‍चु़नीका गुमीनुङ बाट्‍पा खोलेम थोक गुइलाई मेग्‍वाक्‍सामी मा?

१ कोरिन्थी 2:12

गुइ सु़म्‍दिसेरडाम पेल ल्‍वास्‍तिम मेएँ, लावो माम्‍चु़नीका गुइलाई ग्‍वाक्‍साड्‌डामिम खोत्ले ल्‍वा थेसिथेडिनु़ र्‍वाक्‍साका माम्‍चु़नीलाममिम पेल ल्‍वास्‍तिम बु।

१ कोरिन्थी 3:12

कोङनिम मु़चु़का ओराम फारडला सो़ना, मत्तो, हापा थिकाम लुङ, सङ, लु़सु़ लोवो परालका लोवो नेम बनेबोमी माला,

१ कोरिन्थी 3:21

मेम्‍मिमका मु़चु़का बोमु चाप्‍सु़मिम खारीडा उहेमका वो उ नो़ मेल्‍वाक्‍थाट्‌नु़। हेङालोने खोत्‍ले ल्‍वा इनीमाङा सो़।

१ कोरिन्थी 3:5

अपोल्‍लोस सु़ मा? मा पावल सु़ मा? गुचुकु ने माम्‍चु़नीकु डु़ल्‍चो़ कोङङा, उहेमलामका गानी थो़र लु़नी। ङाचो़का बेबेच्‍चिकिमिम आची खारी गुचुकु बेच्‍चोकोम सो़।

रेम्‍बेट्‌मिडिम ल्‍वा 1:11

मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

रेम्‍बेट्‌मिडिम ल्‍वा 1:17

गो गुमीलाई ल्‍वाउतो मा आमा सामङा लक्‍पा होङङा दु़म्‍ङोडोमा उनीमा खेल फारयु़ कुम्‍सिङ्‌डो। मेम्‍मा गोडला गुमीका उनीमा जो़प ल्‍वा जु़ल्‍मिडिमा र्‍वाम्‍डी, “मेङिसा, हुम-द नुङ चो़म-द गोङा सो़।

रेम्‍बेट्‌मिडिम ल्‍वा 1:8

खोत्‍लेडाम घ्‍ल्‍वापा मिप्रङमा माम्‍चु़नीका आरे र्‍वामी, “खोत्‍ले चो़म्‍सी बेट्‌पा नुङ हुक्‍सोक्‍पा अल्‍फा नुङ ओमेगा गोङा सो़। गो ओम्‍लो वो बुङु, ङादो वो बाङडो मा रोमु खापु।”

रेम्‍बेट्‌मिडिम ल्‍वा 10:6

मेम्‍मा गुका पाह्री नुङ मेगोला बाट्‌पा खोत्‍ले, सुबु नुङ मेगोडा बाट्‌पा खोत्‍ले, मा दिरिदिन नुङ मेगोयु़ बाट्‌पा खोत्‍लेलाई प्रङ्‌मिडिम गुमी, उहेम ने हेल्‍लो लोवो बुमिम बुमी। मेरामका उनीमा नङडा कसम पेसाका आरे र्‍वाक्‍ता, “आथा ने हाङको वो मेछु़।

रेम्‍बेट्‌मिडिम ल्‍वा 16:17

मेम्‍मा येतनोम पाह्रीचो़का जुडला उ कान्‍चु़रे अयु़डु़, मा सो़रनेमडाम हप गन्‍खोपलामका आरे र्‍वाक्‍पा कोङ डोक्‍पु लो़लाम लुक्‍ता, “लु, हुक्‍ता।”

रेम्‍बेट्‌मिडिम ल्‍वा 22:13

अल्‍फा नुङ ओमेगा, ङादोम नुङ चङनोम, चो़म्‍पा नुङ हुक्‍पा गोङा।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

रेम्‍बेट्‌मिडिम ल्‍वा 3:14

“लाउडिकिया मण्‍डलीडाम पाह्रीचो़लाई ओराम ल्‍वा र्‍याका: ओराम सिजेम आमेन र्‍वाक्‍पा, थो़रलु़इमिम, माम्‍चु़नीकु आच्‍छाङाकाम ल्‍वा सो़पा, मा उहेमलामका माम्‍चु़नीका खोत्‍ले प्रङ्‌मिडी, मेरामका आरे र्‍वामी।

रेम्‍बेट्‌मिडिम ल्‍वा 7:17

हेङालोने मे हप गन्‍खोपकु थेतेडा बाट्‌पा भेन्‍दाचो़ मेर्मिमकु रेपा-क्रिपा दु़म्‍मी, गुमीका मेर्मिमलाई नु़बेट्‌पा कु पुन्‍खोपथो़ क्रिमी। मेम्‍मा माम्‍चु़नीका मेर्मिमकु मिक्‍सीडाम खोत्‍ले प्‍ल बम्‍साट्‌मी’।”