रेम्‍बेट्‌मिडिम ल्‍वा 21:12 - थुलुङ राई

¹² मेराम शहरकाम को-न लाम्‍चोकोनुङमा डोक्‍पु नुङ येप्‍पा ब्रोलुङ बाइडा मा मे को-न लाम्‍चोकोमिमडा को-न पाह्रीचो़मिम बाम्‍डी। मे लाम्‍चोकोमिमडा इस्राएलकु को-न दोचो़मिमकु नङ र्‍याक्‍मा बाइडा।

रेम्‍बेट्‌मिडिम ल्‍वा 21:12 Iomraidhean Croise

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

लूका 15:10

गो गानीलाई र्‍वाङु, आरेसाका उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला माम्‍चु़नी नुङ पाह्रीचो़मिम गेर्सिद्‌वामी।”

लूका 16:22

“चङडा मे उ हाम वो मेबाट्‌पा लाजरस सिडा, मा पाह्रीचो़मिमका मेरामकु पेल लम्‍डिमा पाह्रीला अब्राहामनुङ जु़ल्‍मिडी। मे खाप्‍चीचो़ वो सिडा, मा क्‍लु़म्‍मिडी।

थु़र्मा 26:7

आकी को-न (१२) दोचो़मिमका मे माम्‍चु़नीका र्‍वाम्‍डिम ल्‍वा ल्‍वामुकाम लागि कोले न-थो़मकाम दु़म्‍मिडी, मा नेम्‍फु-सिन्‍था माम्‍चु़नीकु सो़रलोले बेम्‍थाल्‍मिडी। हप अग्रिपास, ओराम ल्‍वाकु दुथाम ङा यहूदीमिमका मेजो़पा ल्‍वामिमका मुमा बेट्‌ङिडिमिम बु।

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

रेम्‍बेट्‌मिडिम ल्‍वा 21:13

नेम्‍सुङ ओपाथो़ सुले, नेम्‍सुङ गाम्पाथो़म सुले, जेजु़थो़ सुले, नुङ रायलाथो़ सुले लाम्‍चोकोमिम बाम्‍डी।

रेम्‍बेट्‌मिडिम ल्‍वा 21:15

मे शहर, मेरामकु लाम्‍चोको नुङ ब्रोलुङ थो़पा सो़नाकु डु़लु़म्‍चो़ गोनुङ जेपा मे पाह्रीचो़नुङ बाइडा।

रेम्‍बेट्‌मिडिम ल्‍वा 21:25

बामनेम वो मे शहरकु लाम्‍चोको मेचसी, हेङालोने मेसिन्‍डा सिन्‍था मेदु़मङा।

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।