रेम्‍बेट्‌मिडिम ल्‍वा 20:2 - थुलुङ राई

² गुका मे डोमिफु चु़म्‍डु़मा को धु़म सङ थसम्‍म बड्‌डु़। डोमिफु ने माकेम ब्‍लो लोवो मुनाङपेलकु हप लोवो शैतान सो़।

रेम्‍बेट्‌मिडिम ल्‍वा 20:2 Iomraidhean Croise

मत्ती 19:29

मेम्‍मा उहेमका आमा लागि उ त्‍वाकु नेम, वा-ल्‍वाक लोवो, रिचो़ लोवो, माम-पाप लावो, चो़च्‍चो़मिम लोवो, ये-द लोवो डिड्‌डु़म बु, मेरामका को सङङा (१००) हापा ल्‍वासु़। मेम्‍मा हेल्‍लो वो मेसिपा त्‍वारो़म ल्‍वापा दु़म।

मत्ती 8:29

मेर्चिपका डोक्‍पु लो़लामका आरे र्‍वाक्‍तो येमु चो़म्‍ची, “माम्‍चु़नीकु तारापाचो़, गानी गुचुकुलाई हाम बोमु माल्‍चिकिनिमिम? हाम माम्‍चु़नीका मुलु़ बेम्‍डिम थारीडाम वो ङादोङा गानी गुचुकुलाई दु़खा ग्‍वाप्‍डा रोक्‍निम?”

मर्कूस 4:15

याङ मु़चु़मिम लाम्‍दीबाडे फोट्‌मा भ्रल होप्‍मामङा बुमी। मेर्मिमका सिजेम थो़मी मेडे, शैतान रोमा मेर्मिमका थो़मिमिम सिजेम लल्‍याडु़।

मर्कूस 5:7

मेकोतिमा मेरामका डोक्‍पु लो़लामका येत्तोङा र्‍वाक्‍ता, “खोत्‍लेडलाम साखामनुङमा माम्‍चु़नीकु चो़ येशू, गानी गोलाई हाम बोमु माल्‍ङिनिमिम? गो माम्‍चु़नीकु नङडा र्‍वाङु, गोलाई दु़खा मेग्‍वाङनी।”

यूहन्‍ना 12:31

ओराम सु़म्‍दिसेरकु निया दु़म्‍पा थारी रोक्‍फाड्‌डाम बु। ओराम सु़म्‍दिसेरकु साखामचो़ शैतान पाखानो घ्रोला सो़सी।

यूहन्‍ना 16:11

मेम्‍मा निया दु़म्‍पाकु दुथाम सु़म्‍दिसेरका ख्‍लो़ड्‌डु़म बु, हेङालोने ओराम सु़म्‍दिसेरकु साखामचो़लाई देन्‍दे ग्‍वाक्‍पा मुलु़ दु़स्‍ल्‍याड्‌डाम बु।

रोमी 16:20

न-गो भ्रसिबेट्‍पा माम्‍चु़नीका शैतानलाई दालाङा इनीमा फेम-खेलगोयु़ दु़म्‍बेन्‍मी। इकीमा ङाचो़ येशूकु दिदाम गानीडला दु़म्‍नु़।

हिब्रू 2:14

माम्‍चु़नीकु जाउमो तारापाचो़मिमकाम आरेप्‍माम मिरो़म बु, मेराम मिरो़म सिमिमका येशू वो मेर्मिम होप्‍माम मु़चु़ दु़म्‍मिडी। मेम्‍साकाङा गुमी सिम्‍डी मा सिमुलाम रेट्‌पा शैतानडला घ्‍ल्‍वाम्‍डी,

१ पत्रुस 5:8

इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।

२ पत्रुस 2:4

पाह्रीचो़मिमका छु़ल बेम्‍डिलो वो माम्‍चु़नीका मेडिट्‌मिवा। गुमीका मेर्मिमलाई खादीगोयु़ घ्रोम्‍सोम्‍डी मा निया दु़म्मिम नेमसम्‍म लागि तुकुम्‍चिमडा जु़ल्‍थाप्‍मी।

यहूदा 1:6

त्‍वाकु साखामगोडा मेबासाका त्‍वाकु बाखोप डिट्पा मे पाह्रीचो़मिमलाई गुमीका हेल्‍लो वो मेभ्रसिक्‍पा सेलरिवाका बसाका मे डोक्‍पु नेमसम्‍मकाम लागि तुकुम्‍चिमगोडा जु़ल्‍थाप्‍मिमिम बु।

रेम्‍बेट्‌मिडिम ल्‍वा 12:13

मे डोमिफुका गु त्‍वाप सुबुडा डस्‍ताम चडु़ मा तारापाचो़ कक्‍पा मे मेसेमलाई खाड्‌डु़।

रेम्‍बेट्‌मिडिम ल्‍वा 12:15

मेकोतिमा मे मेसेमलाई सेपबक्‍ल्‍याट्‌नु़ र्‍वाक्‍साका ब्‍लोकु होप्‍माम कु मे डोमिफुका उमा सिलामका फोस्‍ता।

रेम्‍बेट्‌मिडिम ल्‍वा 12:17

मेम्‍मा डोमिफु मे मेसेमडाम उ छोक्‍चोका इप्‍ल्‍याड्‌डु़। मेम्मिमका माम्‍चु़नीका र्‍वामिमिम होङङा खारी बेपामिम मा येशूका थेसिथेन्‍बेट्‌मिडिम सीसि होङङा दोपामिमकु कोर्थो़लाम क्‍वाल्‍बा बेप्‍डा मे मेसेमकु वाङमिम उ चो़मिमकाडा लस्‍ता।

रेम्‍बेट्‌मिडिम ल्‍वा 12:3

मेकोतिमा पाह्रीला कोङमी छेखोप दो़स्‍ता, मेराम ने येतले बुइ नुङ को धु़म रङनुङमा कोले डोक्‍पु लालाम डोमिफु बाइडा। मेरामका येतले उ बुइडला येतले मुकुट खुतासिड्‌डा।

रेम्‍बेट्‌मिडिम ल्‍वा 12:4

उ मेरका धामुलाम सु फ्‍वाकु को फ्‍वा सोरलुङमिम बोखोप्‍डु़मा मेर्मिमलाई सुबुडा छाघ्रोक्‍तु़। मे मेसेमकु चो़ ग मेडे क्‍लिडोमु लागि चो़च्‍चो़ कमु खापा मे मेसेमकु ङादोडा मे डोमिफु बक्‍ता।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

रेम्‍बेट्‌मिडिम ल्‍वा 13:2

गो आ मिक्‍सीका ल्‍वाउतोम मे हादीबारा रेचेरे होङङा बेपा बाइडा, लावो उ खेल होमुकाम होप्‍माम बाइडा, मा उ सि धेन्‍द्राकाम होप्‍माम बाइडा। मे डोमिफुका उ यु़म, हप होङका उ गन्‍खोप नुङ डोक्‍पु साखाम मे हादीबारालाई ग्‍वाक्‍तु़।

रेम्‍बेट्‌मिडिम ल्‍वा 13:4

मु़चु़मिमका मे डोमिफु सेव साट्‌मिडी, हेङालोने मेरामका हादीबारालाई साखाम ग्‍वाक्‍तु़म बाइडा। मेर्मिमका मे हादीबारालाई वो सेव साट्‌मिडी मा र्‍वाम्‍डी, “ओ हादीबारा होप्‍माम सु़ बु, मा ओरामनुङ सु़का क्‍वाल्‍बा बोमु चाप्‍सु़?”

रेम्‍बेट्‌मिडिम ल्‍वा 20:10

मेम्‍मा मु़चु़मिमलाई ताङताहेरथो़ लक्‍पा शैतान गन्‍धक वाक्‍तोङा बेपा मुकु भुल्‍मु गोनो कोङनिमका छाघ्रोक्‍तु़, मेगोनो मे हादीबारा नुङ माम्‍चु़नीलाम जेपा लिसिक्‍पा वो घ्रोक्‍मा बाच्‍ची। मेर्मिमका नेम्‍फु सिन्‍था हेल्‍लो लोवो उनी थो़मबोक बिपा दु़खा ल्‍वामिमिम बुमी।

रेम्‍बेट्‌मिडिम ल्‍वा 20:7

को धु़म सङ थ हु मा बड्‌डु़म शैतान पाह्रीचो़का डिडु़,

रेम्‍बेट्‌मिडिम ल्‍वा 9:11

घ्‍लु़म्‍पा पोलु़मचो़ ने मेर्मिमकु हप बाइडा, मेरामकु नङ हिब्रू ल्‍वाडा ‘एबाड्डोन’ मा ग्रीक ल्‍वाडा ‘अप्‍पोलियोन’ सो़।