रेम्‍बेट्‌मिडिम ल्‍वा 2:23 - थुलुङ राई

²³ मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।

रेम्‍बेट्‌मिडिम ल्‍वा 2:23 Iomraidhean Croise

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

लूका 16:15

मेकोतिमा गुमीका मेर्मिमलाई र्‍वाम्‍डी, “गानी मु़चु़मिमकु ङादोडा माम्‍चु़नीकु न-गो होप्‍माम दु़म्‍साका रेम्‍बेपा लिन्‍सिनी, लावो माम्‍चु़नीका इनी न-गोडाम ल्‍वा चमी। मु़चु़मिमका डोक्‍पु मिम्‍मिमिम ने माम्‍चु़नीकु ङादोडा हाम ना हामकाम दु़म।

यूहन्‍ना 21:17

गुमीका सु खेपडा र्‍वाम्‍डी, “यूहन्‍नाकु तारापाचो़ सिमोन, हाम गाना गोलाई रिखाम बोङी?” पत्रुसकाम छो़म उमा गो नो़डा, हेङालोने गुमीका सु खेप “हाम गाना गोलाई रिखाम बोङी?” र्‍वाक्‍साका हिलाबेम्‍डी। गुका गुमीलाई र्‍वाक्‍ता, “ङाचो़, गानी खोत्‍ले चनी, गो गानीलाई रिखाम बोनिनी र्‍वाक्‍पा चनी।” येशूका र्‍वाम्‍डी, “आमा भेन्‍दामिमलाई पोमु-डुमु ग्‍वाकामी।

यूहन्‍ना 4:16

येशूका मेराम मेसेमलाई र्‍वाम्‍डी, “लक्‍सामा इमा वोचु़लाई येडामा रेडा।”

थु़र्मा 1:24

मेकोतिमा मेर्मिमका आरे र्‍वाम्‍डिमा सो़म्‍दी बेम्‍डी, “खोत्‍ले मु़चु़मिमकु न-गो ल्‍वापा माम्‍चु़नी, ओर्चिपगोडा गानी उहेमलाई छेट्‌निम बु, मेराम गुकुनुङ रेम्‍बेनी।

रोमी 14:12

मेम्‍मिमका गुइ बिइडिम खोत्‍ले खारीकु दुथाम माम्‍चु़नीनुङ त्‍वाकाङा सो़मु बासी।

रोमी 8:27

माम्‍चु़नीका मु़चु़कु नगोडा हाम बु मेराम ल्वा चमी मा माम्‍चु़नी-पेलका हाम र्‍वामु माल्‍लु़म बु मेराम वो गुमीका चमी। हेङालोने माम्‍चु़नी-पेलका थो़रलु़पामिमकाम लागि माम्‍चु़नीकु न होम्‍साका सो़म्‍दी बेसाक्‍सामी।

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

गलाती 6:5

हेङालोने खोत्‍लेका त्‍वाकु खारी त्‍वा-त्‍वाहोम बेसाका रेम्‍बेन्‍मु बासी।

हिब्रू 4:13

सु़म्‍दिडा बाट्‌पा हाम वो गुमीलामका थमु मेझाम। उनीमा मिक्‍सीलामडा खोत्‍लेमथोक छ्‍याङलो-छ्‍याङलो बु। मेम्‍मा गुइ बिइडिम खोत्‍ले ल्‍वा गुमीनुङ सो़मु बासी।

१ पत्रुस 1:17

माम्‍चु़नीडा गानी सो़म्‍दी बोनिलो गुमीलाई पाप र्‍वानी, गुमीका निया वो बोमी। गुमीका चोमिक्‍सी मेबेसाका मेर्मिमका बेम्‍डिम खारी होम्‍साका खोत्‍ले मु़चु़मिमकु निया बोमी। मेम्‍मिमका ओराम सुबुडा वाङथो़लाम रोक्‍पा होङङा बुनिलो माम्‍चु़नीलाई डोक्‍पु मिम्‍साका उनीमा ङिम जु़ल्‍निमा बानी।

रेम्‍बेट्‌मिडिम ल्‍वा 2:11

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेम मु़चु़ घ्‍ल्‍वा, मेराम आथावो चङडा सिमु मेबासी।

रेम्‍बेट्‌मिडिम ल्‍वा 2:7

उहेमकाम नोफ्‍ला बु, माम्‍चु़नी-पेलका मण्‍डलीलाई हाम र्‍वामी, मेरामका थो़सु़नु़। उहेम मु़चु़ मेजो़पा डला घ्‍ल्‍वा, मेरामलाई पाह्रीलाम माम्‍चु़नी बाखोपला बर्पा नु़बेट्‌पा धक्‍साकु मा पोमु साखाम ग्‍वाक्‍पु।

रेम्‍बेट्‌मिडिम ल्‍वा 20:12

मेकोतिमा याक्‍के नुङ डोक्‍पु सिपामिम मे साखाम थो़पा गन्‍खोप ङादोडा येम्‍तासिट्‌पा ल्‍वाउतो मा पाह्रीचो़का खाजेममिम होर्रु़। कोङमी खाजेम वो होर्रु़, मेराम त्‍वारो़मकु खाजेम सो़। मे सिपामिमकाम निया ने मेर्मिमका हाम बेम्‍डिम र्‍वाक्‍साका खाजेममिमडा र्‍याक्‍मा होम्‍साका दु़स्‍ता।

रेम्‍बेट्‌मिडिम ल्‍वा 20:13

दिरिदिनका मेसिन्‍डा सिपामिमलाई ख्‍लोक्‍सोकु़। सिमु नुङ खादीका वो मेर्चिपकाडा बाट्‍पा सिपामिमलाई ख्‍लोक्‍सोक्‍तु़मी। मेम्‍मा मेर्मिमका हाम बेम्‍डिम मेराम होम्‍साका मेर्मिमकु निया दु़स्‍ता।

रेम्‍बेट्‌मिडिम ल्‍वा 22:12

“रेप्‍नी, गो येशू योमुङा खापुमिम बु। पुरस्‍कार आमाडा बु मा मु़चु़का बु़डु़म खारी होङङा गो ग्‍वाक्‍पु।

रेम्‍बेट्‌मिडिम ल्‍वा 6:8

ख्‍लाख्‍लाया बेपा कोले घोडा ल्‍वाउतो, मा मेडला हुपाकु नङ सिमुलाम बाइडा, मा खादी मेरामकु चङचङ लाम्‍दिबाल्‍ला। मेम्‍मा सुबुडाम खोत्‍ले मु़चु़मिमकु ब्‍ल भागकाम को भाग मु़चु़मिम कातु़रु़का, पोमुकु दु़खाका, लामासामका, नुङ सुबुडा बाट्‌पा सो़प्‍दीडाम हादी-बारामिमलामका सेन्‍मु साखाम मेर्चिपका ल्‍वाच्‍ची।