रेम्‍बेट्‌मिडिम ल्‍वा 2:21 - थुलुङ राई

²¹ गो गुलाई माम्‍चु़नीथो़ ख्‍लोम्‍सिमु जो़पा थारी ग्‍वाक्‍तो, लावो गुका वाङमिम वोस्‍चो़नुङ अम्‍मु डिन्‍मु न मेबु़वा।

रेम्‍बेट्‌मिडिम ल्‍वा 2:21 Iomraidhean Croise

रोमी 9:22

मेम्‍साकाङा माम्‍चु़नीनुङ वो उनीमा छोक्‍चो हाट्‍पा नुङ निया बेपा साखाम गुमी नुङ बु। लावो उनी छोक्‍चो हान्‍मु नुङ पुयु़लुबेन्मु घ्रेट्‍पा मु़चु़मिमलाई वो हापा इम्‍सिसाका लथाट्‌मिडी।

१ पत्रुस 3:20

मेर्मिमका माके माम्‍चु़नीका र्‍वाम्‍डिम होम्‍साका मेबेमिवा। नोआका कुबी-बोक्‍सा बनेबु़डु़लोसम्‍म माम्‍चु़नीका इम्‍साका लम्‍थाट्‌मिडिम बाइडा। मेराम कुबी-बोक्‍सागोनो खोत्‍ले लेत्‍ले मु़चु़मिम कोङङा कुड्‌डा प्‍लु़म्‍सिमुडाम सेल्‍सिम्‍डिम बाइडा।

२ पत्रुस 3:15

गानी ओराम मिम्‍नी, ङाचो़कु इम्‍सीका मु़चु़मिमलाई सेल्‍सिबेट्‌पा थारी ग्‍वाकु़। छो़म इकी द्‌वादीबुङ पावलका वो माम्‍चु़नीका गुलाई ग्‍वाम्‍डिम नेप्‍चीका गानीलाई ओरामङा र्‍याक्‍तु़म बाइडा।

२ पत्रुस 3:9

ङाचो़का याचे जेम्‍डिमडा गुमी छु़मी र्‍वाक्‍पा याङ-याङकु थेसिथेसी होङङा ङाचो़ मेछु़मी। सु़ वो पुयु़मेलुमिनु़, लावो खोत्‍लेका मेजो़पा खारी बोमु डिन्‍मिनु़मा गुमीडा ख्‍लोम्‍सिमिनु़ र्‍वाक्‍साका गुमीका गानीलाई इम्‍साका लम्‍थामी।

रेम्‍बेट्‌मिडिम ल्‍वा 16:11

मा मेर्मिमका उनी थो़म्‍बोकडा दुपा दु़खा ल्‍वाम्‍डिमका नुङ पार दु़स्‍तामका पाह्रीलाम माम्‍चु़नीलाई वाइतो बेट्‌मिडी। लावो मेर्मिमका बेम्‍डिम मेजो़पा खारीलाम माम्‍चु़नीथो़ ख्‍लोम्‍सिमु मेबिम्‍सिप्‍मिवा।

रेम्‍बेट्‌मिडिम ल्‍वा 16:9

छो़म चापा नेम्‍सुङका मेर्मिम घ्रु़म्‍डी मा मेर्मिम दु़खामिम त्‍वाकु ल्‍वाडा बेपा माम्‍चु़नीकु नङलाई मेर्मिमका वाइतो बेट्‌मिडी। मेर्मिम उनी छु़ललाम ख्‍लोम्‍सिमु नुङ माम्‍चु़नी डोक्‍पु बुमी र्‍वामु मेबिम्‍सिप्‍मिवा।