रेम्‍बेट्‌मिडिम ल्‍वा 2:16 - थुलुङ राई

¹⁶ मेम्‍मिमका माम्‍चु़नीथो़ ख्‍लोन्‍सिट्‌नी। मेएँ माला ने गो इमाडा दालाङा रोङु मा आमा सिलामका लुक्‍पा कातु़रु़का मे निकोलाइटसमिमकु कोर्थो़लाम बङुमा क्‍वाल्‍बा बेउ।

रेम्‍बेट्‌मिडिम ल्‍वा 2:16 Iomraidhean Croise

एफिसी 6:17

माम्‍चु़नीका सेल्‍निमिम ल्‍वा इनी बुइ बोपा-थार्पा सेलकु खुचु़खुम खुन्‍सिनिमिम होम्‍साका खुतासिट्‌नी। माम्‍चु़नी पेलका ग्‍वानिमिम कातु़रु़ बिम्‍तासिट्‌नी। मेराम कातु़रु़ ने माम्‍चु़नीकु सिजेम सो़।

२ थेसलोनिकी 2:8

मेम्‍मा डु़म्‍लाकु कोर्थो़लाम बमिम मेराम मु़चु़ रो। ङाचो़ येशूका उनीमा सिलाम लुक्‍पा सामका गुलाई सेन्‍मी, मा गुमी योमिमिमकु झ्‍वाक्‍पा यु़मका पुयु़लुबेन्‍मी।

रेम्‍बेट्‌मिडिम ल्‍वा 1:16

उनीमा जो़प ल्‍वालाम येतले सोरलुङमिम जेन्‍थाम्‍डी, मा उनीमा सिलामका नलेलाम फल्‍खोप बाट्‌पा हन्‍पा कातु़रु़ लुक्‍ता। उनीमा ङाली नेम्‍फुम नेम्‍सुङ होप्‍माम छो़म झ्‍वाक्‍पा बाइडा।

रेम्‍बेट्‌मिडिम ल्‍वा 16:9

छो़म चापा नेम्‍सुङका मेर्मिम घ्रु़म्‍डी मा मेर्मिम दु़खामिम त्‍वाकु ल्‍वाडा बेपा माम्‍चु़नीकु नङलाई मेर्मिमका वाइतो बेट्‌मिडी। मेर्मिम उनी छु़ललाम ख्‍लोम्‍सिमु नुङ माम्‍चु़नी डोक्‍पु बुमी र्‍वामु मेबिम्‍सिप्‍मिवा।

रेम्‍बेट्‌मिडिम ल्‍वा 19:15

उनी सिलाम हन्‍पा कातु़रु़ मु़चु़मिमलाई चार्मु लु। “गुमीका मेर्मिमलाई हपका मोकु़मिम होप्‍माम सेलकु डु़लु़म्‍चो़का साखाम थो़मी।” गुमीका मेर्मिमलाई खोत्‍लेडलाम यु़मनुङमा माम्‍चु़नीकु छोक्‍चो रेम्‍बेन्‍मी। मेराम ने अङ्‍गूर धेम्‍साका खाल्‍पा मु़चु़ होङङा गुमीका उनी मिक्‍सीकु पिमिमलाई देम्‍मिमिम सो़।

रेम्‍बेट्‌मिडिम ल्‍वा 19:21

मेर्मिमगोडाम याङलाई मे बुबुयाम घोडाडला हुपाकु सिलामका लुक्‍पा कातु़रु़का सेड्‌डु़मी। मेम्‍मा खोत्‍ले चक्‍पुमिमका मेर्मिमकु रो़मसो़ खोहोम पेम्‍डी।

रेम्‍बेट्‌मिडिम ल्‍वा 2:12

“पर्गामम मण्‍डलीडाम पाह्रीचो़लाई ओराम ल्‍वा र्‍याका: हन्पा निफिलाम फल्‍खोपनुङ कातु़रु़ बिम्‍सिट्‍पाका ओराम ल्‍वा र्‍वामी।

रेम्‍बेट्‌मिडिम ल्‍वा 2:5

मेम्‍मिमका गाना बालामका धाली आल्‍सिट्‍नाम बु मेराम मिम्‍डा, मा माम्‍चु़नीथो़ ख्‍लोसा, मा ङादो बेन्‍नाम होङङा बे। गाना मेमका मेख्‍लोन्‍सिट्‌नावा माला गो इमाडा रोङुमा इमा धिप्‍री चाखोपलाई उ खोमलामका होनोवा बेउ।

रेम्‍बेट्‌मिडिम ल्‍वा 22:20

ओर्मिम ल्‍वामिम र्‍वाक्‍पाका आरे र्‍वामी, “आच्‍छाङा, गो योमुङा खापुमिम बु।” आमेन, ङाचो़ येशू योक्‍नीका।

रेम्‍बेट्‌मिडिम ल्‍वा 22:7

“रेप्‍नी, गो येशू योमुङा खापुमिम बु। उहेम मु़चु़का ओराम खाजेमडा रेम्‍बेम्‍मा ल्‍वा होम्‍साका बु़, मेराम मु़चु़ आलाकाम सो़।”

रेम्‍बेट्‌मिडिम ल्‍वा 3:19

उहेम-उहेमलाई गो रिखाम बेउमी, मेर्मिमलाई गो भुरुमी मा सीमु लागि यालु़मी। मेम्‍मिमका इमा सो हन्‍बेडा, मेजो़पा खारी बोमु डिसाका माम्‍चु़नीथो़ ख्‍लोसा।