रेम्‍बेट्‌मिडिम ल्‍वा 2:14 - थुलुङ राई

¹⁴ मेम्‍मा वो इनीमा दुथाम गो मेद्‌वाक्‍पुमिम ल्‍वा किचो़ बु: गानीगोडा बालामकु सीसि होङङा बेपा मु़चु़मिम बुमी। मे बालामका इस्राएलीमिमलाई छु़ल बेबेन्‍मु लागि ङाटाडला सासेट्‌मा पोमु-डुमु मेर्मिमलाई पेबेन्‍मु नुङ नाम्‍सु़रु़ बेबेन्‍मु बालाकलाई सीड्‌डु़म बाइडा।

रेम्‍बेट्‌मिडिम ल्‍वा 2:14 Iomraidhean Croise

मत्ती 18:7

“ओ सु़म्‍दिसेरडाम मु़चु़मिम ने हाउरेमा, हेङालोने मु़चु़मिमलाई छु़ल बेबेट्‌पा ल्वा ने हापाङा बु। आरेप्माम ल्वामिम ने रो ङा, लावो वाङमिमलाई छु़ल बेबेट्‌पा मु़चु़ ने हाउरेमा!

थु़र्मा 15:29

ङाटालाई सासेट्‌मा पोमु-डुमु, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि गानी मेपेनी, मा नाम्‍सु़रु़ मेबेनी। ओर्मिम खोत्‍ले ल्‍वामिमडाम वाङ बान्‍नी माला छो़म ङा जो़पा दु़म, लौ आकोति ङा।”

थु़र्मा 21:25

लावो थो़रलु़पा वाङसामामिमलाई गुकु आरेप्‍माम सेलाखाजेम र्‍याक्‍तोकोमा थु़र्तोकोम बु गानी ङाटालाई सासेट्‌मा पोमु-डुमु, लक्‍चा रिम्‍साका सेट्‌मा सो़ नुङ सिसि मेपेनी, मा नाम्‍सु़रु़ मेबेनी।”

रोमी 11:9

मेम्‍साकाङा दाऊद हपका वो र्‍वाक्‍ताम बु, “मेर्मिमकु ग्रुला ने पेर नुङ थेपलुङ दु़म्‍नु़। मेर्मिमकु ग्रुलाका मेर्मिमगोडा देन्‍दे रेडु़।

रोमी 14:13

मेम्‍मिमका गुइ सु़लाई वो मुमा बेसी मेनु़। गानी त्‍वाकु थो़रलु़पा वा-ल्‍वाकमिमगोडा छु़ल रेट्‍पा नुङ मेर्मिमलाई मेजो़पा बेपा ल्‍वा हेल्‍लो वो मेबेउ र्‍वाक्‍पा न बेनी।

रोमी 14:21

सो़ पोमु, डु़ डुमु, वाङमिम मेजो़पा खारी बिइलो वाङमिम थो़रलु़पामिमलाई मेजो़पा बु़ माला ने मेपोमु, मेडुमुङा, मा मेबोमुङा जो़पा दु़म सो़।

रोमी 9:32

हेङालोने मेर्मिमका थो़रमेलु़साका डु़म्‍लालाम कोङङा माम्‍चु़नीकु ङादोडा जो़पा दु़म्‍मु माल्‍मिडिम बाइडा। आरेसाका डु़म्‍ला होम्‍साका दोसाका मेर्मिमका ख्रीष्‍टलाम मेडेङा ल्‍वापा राप्‍लावाडा थो़रमेलु़मिवा। मेम्‍मिमका मेर्मिमकाम लागि ख्रीष्‍ट ने खेल तुक्‍पा लुङ होप्‍माम दु़म्‍मिडी।

१ कोरिन्थी 1:23

लावो गुकु ने क्रूसडा चेम्‍सिम्‍डिम ख्रीष्‍टकु दुथाम जो़पा-सेला थो़बेन्‍कुमी, उहेम ने यहूदीमिमलाई तुक्‍पा मा वाङसामामिमकाम लागि ने हाम ना हामकु ल्‍वा बाइडा।

१ कोरिन्थी 7:2

लावो हापा नाम्‍सु़रु़ दु़म्मिमका खोत्‍ले वोस्‍चो़काम उनी त्‍वाकामङा नाइमे दु़म्‍मु बासी, मा खोत्‍ले मेसेमकाम उनी त्‍वाकामङा वोचु़ दु़म्‍मु बासी।

हिब्रू 13:4

खोत्‍लेका लालीकुन्‍दा डोक्‍पु मिम्‍मु बासी मा वोचु़ नुङ मोचु़ उची त्‍वाप-त्‍वापडा थो़रलु़इमिम दु़म्‍मु बासी। नाम्‍सु़रु़ बेपा नुङ वाङमिम मेसेमनुङ अम्‍मु न बेपा मु़चु़काम माम्‍चु़नीका निया बोमी।

१ पत्रुस 2:8

मेम्‍मा, “मु़चु़मिमलाई दुबेट्‌पा कोले लुङ नुङ मेर्मिमलाई चार्पा भ्‍र्‍वा।” मेर्मिमका माम्‍चु़नीकु सिजेम होम्‍साका मेबोमी मा दुम्‍सिमी। मेर्मिमडला आरे दु़म्‍मुङा माम्‍चु़नीका मुलु़ बेम्‍डिम बाइडा।

२ पत्रुस 2:15

मेर्मिमका जो़पा लाम्‍दी डिसाका ताङताहेरथो़ लक्‍पा बालामकु लाम्‍दी लाम्‍दिम्‍डिम बु। मे बालाम बोअरकु तारापाचो़ बाइडा, मेजो़पा खारी बेसाका खउलुङ डु़म्मु द्‌वाक्‍पा गु बाइडा।

यहूदा 1:11

मेर्मिम ने हाउरेमा! हेङालोने मेर्मिमका कयिनकु लाम्‍दी ख्‍लम्‍डी, खउलुङकाम लागि बालामका बु़डु़म होङङा मेर्मिमका मेजो़पा खारी बेम्‍डी। कोरहकु रिबुसी किसि होङङा मेर्मिम पुयु़लुमी।

रेम्‍बेट्‌मिडिम ल्‍वा 2:20

मेमङा लोवो, इमा दुथाम गो मेद्‌वाक्‍पुमिम ओराम ल्‍वा बु: इजेबेल मेसेम, उहेमका गु उ त्‍वापलाई माम्‍चु़नीलाम-जेपानिम र्‍वा, गुलाई गानी उमा लिमा सीसि सीमु ग्‍वानी। गुका आमा डु़ल्‍चो़मिमलाई नाम्‍सु़रु़ बेबेसाका नुङ ङाटाडला सासेट्‌मा पोमु-डुमु पेबेसाका ताङताहेरथो़ ल।

रेम्‍बेट्‌मिडिम ल्‍वा 2:4

लावो इमा दुथाम गो मेद्‌वाक्‍पुमिम ओराम ल्‍वा बु: गाना ङादोम होम्‍साका गोलाई रिखाम बोमु डिट्नाम बु।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

रेम्‍बेट्‌मिडिम ल्‍वा 22:15

मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।